HAGGAI 1:6 - BUKUIT NE TILIIL Sireet ne Dutero Kanon

⁶ Ki ogol che chaang', ago ogese che ng'ering'; oamisyei, ago mobiyong'dosi; oeeisei, ago manyiiok; olaachi ngoroik, ago ma mi ne lalang'; ak ineendet ne nyooru melekto kondai lolet ne undurot.”

Bukuit Ne Tilil

⁶ Ki ogol che chaang', ago ogese che ng'ering'; oamisyei, ago mobiyong'dosi; oeeisei, ago manyiiok; olaachi ngoroik, ago ma mi ne lalang'; ak ineendet ne nyooru melekto kondai lolet ne undurot.”

BUKUIT NE TILIL

⁶ Kiogol che chang’, ago ogese che ng’ering’; oamisiei, ago mobiyong’dosi; oeeisei, ago manyiiok; olaachi ngoroik, ago mami ne lalang’; ak inendet ne nyoru melekto kondoi lolet ne undurot.

HAGGAI 1:6 Referencias Cruzadas

2 SAMUEL 21:1

Ki piit rubeet eng' peetuusyegap Daudi, eng' kenyiisyek somok che ki isubegei. Kingo cheeng' `Daudi togetap Kamuktaindet ne Toroor kole Kamuktaindet ne Toroor “Po Saulo ak koonnyi ne po korotiik ng'olyoondoni, amu ki par Gibeonik.”

1 LAITORINIK 17:12

Ki leenji, “Ko uu ye sabei Kamuktaindet ne Toroor Kamuktaindeng'ung', koma tinye magatyat, kobatee peek che ng'ootiin che po euut che mi tereet, ak mwaita kitigin ne mi soteet ne ming'in. Abute kweenik aeng', si kekwang'jinegei ak weeriinnyu, si keam, ak kebegu.”

NEEMIA 5:2

Amu kimi che ki mwa kole ki chaang' acheek kobooto weeriikyok ak tiibiikyok: ongecheeng'jige peek, si kobiit keam ak kesapche.

Kitabuutap JOB 20:22

Pichiityin eng' chaang'indap tuguukyik, ityin ineendet eutap age tugul ne nyalili.

Kitabuutap JOB 20:28

Istogei mogornateetap koonnyi, iseeroksei eng' peetuutap nereegekyik.

TIENWOGIKAL 107:34

Walei emet ne iyiot koek surkwen ne po muunyuk, amu sogornatetap icheeget che menyei olooto.

KALEWANAIK 11:24

Mi ne igoitoi, ago tesoksei kosiir; ak komi ne etei miising' kosiir ne nyolu, ago ibu nooto pananda.

ISAIAH 5:10

Amu yiei ekaisyek tamanu che po mbareetap sabibuk, debeinik aeng', ak kooi kesweegap kiloinik pogol agenge, kiloinik taman.”

JEREMIA 12:13

Ki kool `icheek nganuuk ak kagoges katook; kibirtogei ama kelji kiy. Ililandos icheek amu logoekwak, ak amu nereegek che ng'woneen che po Kamuktaindet ne Toroor.

JEREMIA 14:4

Ililandos che ibatisye ak kotuchei metowekwak, amu emet ne ki kobetak, ak amu ki ma kota komi ropta emet.

JEREMIA 44:18

Ago kobooch ngap kebagaakte kebeelji nyamdutik laitoryatap kipsengwet ne kwondo, ak keroong'jini kagoochinoik che kieei, korarwech tuguuk tugul, ak kigeswech eng' rotwetap chok ak rubeet.

HOSEA 4:10

Amisyei, ama piyang'dos; yaei kugoinatet ama tesoksei; amu ki kometa anee Kamuktaindet ne Toroor ak kobegechi

HOSEA 8:7

Amu koolei usoonet, ak kesei kipchurchuryet: ma tinyei peek che tonondos; ma iitos itigap peek; ngot koiiyo, koamei kipsagarek kotarei.

ATEPTAP LAWIK 26:20

Oboisyee puch kimnateeng'wong', amu ma koonu emeng'wong' rurateet, ak ma iitos keetiigap emet logoekwak.

ATEPTAP LAWIK 26:26

Ye atil amitwogikwok kong'ering'itu, kobeel anyun kobogorisyek tamanu amitwogikwok eng' kapkoimaut agenge, ak kebimanwak amitwogikwok eng' ratilit. Oamisyei amobiyonyi.

HAGGAI 1:10

Ki kirat kipsengwet anyun amu okweek si ma kon rewoot, ama yiei emet logoekyik.

HAGGAI 1:5

Mwaei anyun Kamuktaindet ne Toroor ne po lugoosyek kole, “Oriip atebosyekwok.

HAGGAI 1:7

Mwaei Kamuktaindet ne Toroor ne po lugoosyek kole, “Oriip atebosyekwok.

HAGGAI 1:9

“Ki ocheeng' che chaang', ak ogeero, ki piit che ng'ering'; ak kingo ibu kobwa kaa, agutute. Amu nee?” Mwaei Kamuktaindet ne Toroor ne po lugoosyek. “Amu koonnyu ne putot, ago labati chii age tugul koboisyei agobo koonnyi.

HAGGAI 2:16

Ye kingwo chii kocheeng' karurugutyetap keruutik tiptem, konyooru ne po keruutik taman kityo. Kingwo ole kitaage divaik kole koip tereenik konom, ko ki mi tiptemu icheegei.

HAGGAI 2:17

Ki abirenok chelalityet ak uchatet ak koigap ropta eng' poisyonik tugul che po eunekwok; ago ma oweekyagei, mwaei Kamuktaindet ne Toroor.

SEKARIA 5:4

Ayooktoi kitabuunooto, mwaei Kamuktaindet ne Toroor ne po lugoosyek kochut kootap choriindet, ak kochut kootap chiito ne iyastos lembechek eng' kainennyu: ak kotebee kwenutap koonnyi, ak kogees koyooto kobooto keetiikyik ak koikyik.

SEKARIA 8:10

Amu kingo tomo koit peetuusyechooto ko ki ma konyooru chii melekto, ak ki ma keyaaktoi kiy agobo tyony. Ki ma komi kaalyeet eng' ineendet ne mandoi ak eng' ineendet ne nyoonei amu puunyoot; amu ki agoochi koboryo chii age tugul ak chiitap kokwennyi.

MALAKI 2:2

Ngot ko momache ogas, ak ngot ko momache ogonoree mugulelwekwok, si kobiit otoroor kainennyu, mwaei Kamuktaindet ne Toroor ne po lugoosyek, ayookwok anyun chubisyet, ak achup perurwogikwok. Ee, kaachup, amu mogonoree ng'atuutyonooto mugulelwek.

NG'ATUTIK 28:17

Kichubei kitongeng'ung' ak tereeng'ung' ne kikwonge peek.