HAGGAI 1:11 - BUKUIT NE TILIIL Sireet ne Dutero Kanon

¹¹ Ak ki ang'at kobiit kemeut eng' emet ak eng' tuloonook, eng' peek ak eng' divaik, eng' mwanik ak eng' tuguuk che piitos eng' ng'wony, eng' piik ak eng' tuuga, ak eng' poisyonik tugul che po eunek.”

Bukuit Ne Tilil

¹¹ Ak ki ang'at kobiit kemeut eng' emet ak eng' tuloonook, eng' peek ak eng' divaik, eng' mwanik ak eng' tuguuk che piitos eng' ng'wony, eng' piik ak eng' tuuga, ak eng' poisyonik tugul che po eunek.”

BUKUIT NE TILIL

¹¹ Ak kiang’at kobiit kemeut eng’ emet, ak eng’ tulonok, ak eng’ bek, ak eng’ divaik, ak eng’ mwanik, ak eng’ tuguk che bitos eng’ ng’ony, ak eng’ bik, ak eng’ tuga, ak eng’ boisionik tugul che bo eunek.

HAGGAI 1:11 Referencias Cruzadas

1 LAITORINIK 17:1

Ki leenji `Elijah Tisbinindet ne ki po piik che ki menyei Gilead Ahab, “Ko uu ye sabei Kamuktaindet ne Toroor, Kamuktaindetap Israel, ne atonone tainnyi, koma piitu rewoot anan ko ropta kenyisyechu, kobatee ko uu ng'olyoondennyu.”

2 LAITORINIK 8:1

Kiga ng'alaalji Elisha kwonyi kiga ing'eetyi weeriinnyi, koleenji, “Ng'eet ak obe ak piigap koong'ung', omeny oldo tugul ole ochame, amu kagoguur Kamuktaindet ne Toroor rubeet. Nyoonei rubeet emet kenyiisyek tisap.”

Kitabuutap JOB 34:29

Ye kasiis ineendet, ko ng'oo anyun ne igikyin ineendet? Ak ye uny togeennyi, ko ng'oo ne imuuchi kogeer? Ngo yachi poror anan ko chii, ko kergei.

JEREMIA 14:2

Ki mwa kole, itei Judah ak nyaluldos ormariichokyik, tebyei piikyik koteitos, ak kotogosta riiregap Jerusalem.

RIREKAB JEREMIA 1:21

Ki kogas icheek ole atigendoi; ma mi chii ne igoigoa. Ki kogas puunikyuk tugul agobo nyalildanyu; poiboi icheek amu ki iyai ko uu nooto. Tuun iibu peetuut ne ki imwaite, si kegergeitu ak icheek.

AMOS 5:8

Ineendet ne yaei Koremerik ak Kapsomoguk, ak kowalei mesundeito ne nyigiis koek karonet, ak koyaei peetuut koek kemoi; ineendet ne kuurei peegap nyanjet, ak koroong'ji ng'wony; Kamuktaindet ne Toroor kainennyi;

AMOS 7:4

Ki iboorwo Kiptaiyat Kamuktaindet ne Toroor ko uu ni: kiguur Kiptaiyat Kamuktaindet ne Toroor maat kobeelisye; ak ki peel rireet ne oo ak konam kobeel emet.

AMOS 9:6

Ineendet ne teechei kooriikyik eng' kipsengwet, ne teechei yiemutyennyi eng' paragutap ng'wony; ineendet ne kuurei nyanjet ak koroong'ji ng'wony; Kamuktaindet ne Toroor kainennyi.

HAGGAI 2:17

Ki abirenok chelalityet ak uchatet ak koigap ropta eng' poisyonik tugul che po eunekwok; ago ma oweekyagei, mwaei Kamuktaindet ne Toroor.

HAGGAI 2:19

Tos ta komi peek choge? Ee, ma iiyo keetiigap sabibuk, anan mogoonik, anan keetiigap logoek alak, anan mseituni. Aberuurok anyun kobooch peetuuni.

MALAKI 3:11

Ak agerwok kong' ne amisyoti, si ma ng'em ruroteetap emeng'wong'; ama koosu keetiikwok che po sabibuk kotomo koit peetuusyek, mwaei Kamuktaindet ne Toroor ne po lugoosyek.

MALAKI 3:9

Kichubok eng' chubeet, amu ochoora, agot pororyoni komugul.

NG'ATUTIK 28:22

Pirin Kamuktaindet ne Toroor eng' chebuonit, maat ne mi poorto, kabwanet, maat ne ng'waan, rotwetap chok ak chelalityet, ak uchatet; onotin chooto agoi ilus.