GALATYEK 6:12 - BUKUIT NE TILIIL Sireet ne Dutero Kanon

¹² Tugul che tee che machei telunateet eng' poorto, kobirchinok kole kimuratanak; ago si ma kiusaus icheek agobo kimurtoiyotap Kristo.

Bukuit Ne Tilil

¹² Tugul che tee che machei telunateet eng' poorto, kobirchinok kole kimuratanak; ago si ma kiusaus icheek agobo kimurtoiyotap Kristo.

BUKUIT NE TILIL

¹² Tugul che te che machei telunatet eng’ borto, kobirjinok kole kimuratanak; ago si magiusaus ichek agobo kimurtoiyotab Kristo.

GALATYEK 6:12 Referencias Cruzadas

MATAYO 23:27

“Pwo eng' okweek, siriik ak Pharisaik, chombilik! Amu oo kerge ak kereeriisyek che kigesal koleelagitu, che korooron iman parak eng' keeret, ago nyiitootiin oriit kawegap piik che ki kobek ak murwoonindo tugul.

MATAYO 23:28

Ara ou nooto okweek ye otaagu ko uu piigap iman eng' taitap piik, ago oriing'wong' ko nyiitaat chombilisyet ak tengekto.

MATAYO 23:5

Ago yaei poisyonikwak tugul si kogeer piik; amu yaei kotebesiitu lolotinwegap siruutik ak kobaroi tabanwegap ngoroikwak.

MATAYO 5:10

Poiboen che kageusaus agobo imanda, amu nenywa pounatetap kipsengwet.

MATAYO 6:16

Kogeny ye orugutkei, ko moigei chombilik, eng' togoochik che po arageneet; amu walei togoochikwak, si kogeer piik kole, koirugutkei. Amwaiwok iman ale, kagonyoor icheek melektanywa.

MATAYO 6:2

Ko uu nooto anyun, ye igoite kagoochinoiguk che po toreteet, ko mat iguutyi igoondit ko uu ye yaei chombilik eng' sinagogisyek ak ortinwek si kobiit kolas piik. Amwaiwok iman ale, kagonyoor icheek melektanywa.

MATAYO 6:5

Ak ye osaae, ko moigei chombilik; amu chamei icheek kosaaei kotonondos eng' sinagogisyek ak pesiap oor si kobiit kogeer piik icheek. Amwaiwok iman ale, kagonyoor icheek melektanywa.

LUKA 16:15

Ak ki leenji, “Okweget che omyeeitige eng' taitap piik; ago ingen Kamuktaindet mugulelwekwok: amu kiit ne itoroori piik ko wegot miising' eng' taitap Kamuktaindet.”

LUKA 20:47

ak korebe mosoogik kooriikwak, ak kosaaei saautik che kooen kong'aalsei: tuun nyooru chuuto kirwooget ne oo kosiir.

JOHANA 7:18

Ineendet ne mwaei che chechiik ineegei kocheeng'ei toroornatennyi: ago ne cheeng'ei toroornatetap ne ki iyook ineendet ko po iman, ama mi kiy ne ma po imanda eng' ineendet.

POISYONIGAP CHE KIYOKTOI 15:1

Ki choorgei anyun piik alak che ki punu Judea ak koneet tupchosyek kole, “Ngot koma kimuratanak ko uu piteetap Musa, ko momuuchi onyooru saruunet.”

POISYONIGAP CHE KIYOKTOI 15:5

Ago kitononso alak eng' kasubiigap Pharisaik che iyanotin kole, “Kanyool kimuratan icheek, ak keng'at icheek koriip Ng'atuutyetap Musa.”

2 KORINTOEK 10:12

Magoi kityem kiitkei anan kirogenegei icheek che ilasugei: ngo rogegeigei ak koyaniege kei icheegei, ko kaiboor naet ne ma ititaat.

2 KORINTOEK 11:13

Amu piik che uu chooto ko che kiyooktoi che po lembech, kiboitinigap keniisyet, che walegei koek che kiyooktoi che po Kristo.

GALATYEK 2:14

Ago ye kinga keer ale ma pendoti eng' lititindo ko uu imanitap logoiywek che myach, amwachi Kepa eng' tainnywa tugul aleenji, Ngot ko inyee, ne ii Yahudyot, itebye ko uu Pororyosyek, ak ma ko uu Yahudik, ibirchindoi ano Pororyosyek koigei Yahudik?

GALATYEK 2:3

Ago ma kibirchi Tito, ne Yunanindet, ne ki mi kobooto, keele kimuratan:

GALATYEK 5:11

Ago anee anyun, che kitupche, ngot kota aamdooti kamuratanet, ko kalya si kota keusausa? Ko kaagaa kigeisto anyun kanagutyetap kimurtoiyot.

GALATYEK 6:13

Agot icheeget che kimuratani, ko ma riibei Ng'atuutyet; ago machei kole kimuratanak, si kolasunegei poorwekwok.

PILIPIK 1:15

Amdoi alage Kristo eng' ng'etkonda, ak suryet; koamdoi alage ak icheek eng' kabwaatutik che myach;

PILIPIK 2:4

amat kogeer chii age tugul eng' okweek tuguukyik kityo, ago chii age tugul eng' okweek kogeer tuguugap piik alak ak icheek.

PILIPIK 3:18

Amu pendoti che chaang' che ki amwaiwok kotugul agobo icheek, ak nguno amwaiwok eng' riirek, ale icheeget ko puunigap kimurtoiyotap Kristo:

KOLOSAIK 2:23

Tinyei tuguuchooto kaboorunet ne po utaatyet eng' chameet ne po kalasunet, ak eng' kaming'inetapkei, ak nyalilda ne kinyaliili poorto; matoreti kiy age tugul eng' katerteretap magutigap poorto.