GALATYEK 4:8 - BUKUIT NE TILIIL Sireet ne Dutero Kanon

⁸ Ago eng' peetuunooto, ki ma ongen Kamuktaindet, ko ki oo otwogigap icheeget che ki ma ko kamuktaik che ma po iman:

Bukuit Ne Tilil

⁸ Ago eng' peetuunooto, ki ma ongen Kamuktaindet, ko ki oo otwogigap icheeget che ki ma ko kamuktaik che ma po iman:

BUKUIT NE TILIL

⁸ Ago eng’ betunoto, kima ongen Jehovah, ko kio otwogikab icheget che kima ko cheptalelisiek che ma bo iman:

GALATYEK 4:8 Referencias Cruzadas

2 ATEPTAP PEETUUSYEK 13:9

Tos ma oonu tisiigap Kamuktaindet ne Toroor, weeriigap Aron, ak Lawiik, ak olewenjigei tisiik, osubi pitonwegap piigap emotinwek alak? Si age tugul ne nyoonei koanyinyegei kirgit anan mengichik tisap, koegu nooto tisiindetap tuguuk che ma tilei kiy.

KOMONG'U 5:2

koteebee Pharaoh koleenji, “Ng'oo Kamuktaindet ne Toroor, ne tos agas iit ng'aleekyik kot achamji Israel koba? Mangen Kamuktaindet ne Toroor, ak kogeny, ma chamjini Israel koba.”

ISAIAH 37:19

ak ki kowiirchi ma kanamonikwak: amu ki ma ko kamuktaik, ago kiboisyetap eunegap piik, keetit ak koik; king'em anyun icheek tuguuchooto amu nooto.

JEREMIA 10:25

Rong'ji nereegeguk che ng'woneen pororyosyek che ma ingenin, ak ortinwek che maguurei kaineng'ung'; amu kigoam Jakobo, ee, kigoam ineendet kogees ak Ki kong'em meng'ootennywa.

JEREMIA 16:20

Tos yachingei chiito kanamonik, che ma kamuktaik?

JEREMIA 2:11

Tos ki kowal `pororyo kamuktaikyik, agot ngo ma kamuktain? Ago ki kowal piikyuk toroornatennywa agobo kiit ne ma koonu kelunet.

JEREMIA 5:7

Amuktoi ano anyoun kaat? Ki kometa lagoguk, ak ki koyosyo agobo kanamonik che ma kamuktaik. Kingo kaabai kobiyong'so, koyai ibeetapkei ak koyumjinotkei kooriigap chepkugonik.

JOHANA 1:10

Ki mi ng'wony ineendet, ak ki kiyai ng'wony eng' ineendet, ak ki ma nai `ng'wony ineendet.

POISYONIGAP CHE KIYOKTOI 14:12

Ak kiguure Barnaba, Seu; koguure Paulo, Herme, amu ki ng'alaalindet ne oo ineendet.

POISYONIGAP CHE KIYOKTOI 17:23

Amu ye ki asiirtoi ak ageer tuguuk che osaae, anyooru agine kapkorosuut ne tinyei siruutichu, ‘Po kamuktain ne ma naei chii.’ Nooto anyun ne osaae amongen, aboorwok anyun niito.

ROMANIK 1:23

ak kowal toroornatetap Kamuktaindet ne ma ng'emaksei kogergeit ak itoondap chiito ne ng'emaksei, ak ne po toriitik, ak tyong'ik che po keelyek ang'wan, ak tuguuk che ichuutegei.

ROMANIK 1:28

Ak ko uu ye ki eesyo kotebee Kamuktaindet naennywa, kobagakyi Kamuktaindet icheek kabwaatutik che ki kong'emogis, si koyai tuguuchooto che ma nyolu;

1 KORINTOEK 1:21

Amu eng' utaatyet ne po Kamuktaindet koma nai ng'wony Kamuktaindet eng' utotyennyi, ki cham Kamuktaindet kosar icheeget che iyani, eng' perberyo ne po ng'olyoot ne ki amdoi.

1 KORINTOEK 12:2

Ongen ole kingo ta ko oo Pororyosyek, ko ki kiretook obe ye mi kanamonichooto che ma twegu, ko uu ye ki kindoiywok.

1 KORINTOEK 8:4

Nooto anyun eng' ameet ne po tuguuk che kieng'jin kanamonik, kingen keele ma mi kanamwet ne kiy eng' ng'wony, ama mi Kamuktaindet age kobatee agenge.

GALATYEK 4:3

Ki uu nooto ak acheek, kingo ta ko ki lagok, ko kigiratotiin eng' kaneetisyosyek che po tai che po ng'wony:

EPESOEK 4:18

che imenen eng' nautikwak, che ki kiyai koek kipsagarek eng' saboondap Kamuktaindet, amu perberyo ne mi eng' icheek, amu uuindap mugulelwekwak;

1 THESSALONIKEK 1:9

Amu icheeget che iboortoi agobo acheek ole ki kibwanunde oldang'wong'; ak ko uu ye ki oweekyigei Kamuktaindet olakte kanamonik, si kobiit oot Kamuktaindet ne sabei ak ko ne po iman,

1 THESSALONIKEK 4:5

ma eng' mageet ne po kasetap myat, agot ko uu Pororyosyek che ma ingen Kamuktaindet;

2 THESSALONIKEK 1:8

eng' maat ne lalei, koyaakyi mugetuut icheeget che ma nai Kamuktaindet, ak icheek che ma kase iit logoiywek che myach che po Kiptaiyandennyo Jeso:

JOSHUA 24:15

Ago ngot ogeere ko ya oboisyechini Kamuktaindet ne Toroor, olewen rani ne oboisyechini; ngo kanamonik che kiotei kwanisyekwok eng' aineet pitoniin anan kanamonigap Amorik che omenye emennywa; ago aboisyechini anee ak koonnyu Kamuktaindet ne Toroor.”

JOSHUA 24:2

Yeityo kong'alaal `Joshua ak koleenji piik tugul, “Kamwa ko uu ni Kamuktaindet ne Toroor, Kamuktaindetap Israel kole, Ki menyei kwanisyekwok keny aineet pitoniin; che icheeget ko Tera kwandap Abraham ak kwandap Nahor ak kiotei kanamonik.

1 PETERO 4:3

Amu ki koyam peetuusyek che ki kosiirto kosulda mageetap Pororyosyek, ye ki obendoti eng' maguutik che yaacheen, ak kasetap myat, pogitatet, ak waseetapkei, eiseet ak saaetap kanamonik che etei ng'atuutik:

1 JOHANA 3:1

Ogeero, chamyet ne uu nee ne ki chamenech Kwanda, kot keguurenech lagogap Kamuktaindet! Ago ki chooto acheek. Amu niito anyun, koma ingenech ng'wony, amu ki ma nai ineendet.