GALATYEK 1:15 - BUKUIT NE TILIIL Sireet ne Dutero Kanon

¹⁵ Ago ye kingo cham Kamuktaindet, ne kiitabaana, kobooch moetap kamennyu, ak koguura eng' myeeindonyi,

Bukuit Ne Tilil

¹⁵ Ago ye kingo cham Kamuktaindet, ne kiitabaana, kobooch moetap kamennyu, ak koguura eng' myeeindonyi,

BUKUIT NE TILIL

¹⁵ Ago ye kingocham Jehovah, ne kiitabana, koboch moetab kamennyu, ak koguura eng’ mieindanyi,

GALATYEK 1:15 Referencias Cruzadas

ISAIAH 49:1

Ogasa, ee ngeguusyek; ak oep iit, okweek pororyosyek che omi ole loo; kiguura Kamuktaindet ne Toroor kobooch ami moo; ki mwa kainennyu kobooch ami moetap kamennyu:

ISAIAH 49:5

Mwaei anyun Kamuktaindet ne Toroor ne kimimia kobooch ami moo aek otwogindennyi, si kobiit amutyi ineendet Jakobo kogeny, ak kiyumji Israel ineendet: (amu aa konyitot eng' taitap Kamuktaindet ne Toroor, ak kagoek Kamuktaindennyu kimnateennyu:)

JEREMIA 1:5

“Ye kitom amimiin eng' moet, ko ki angenin, kotom kesichin, ko ki atabaanin, ki andein iegu maotyot eng' pororyosyek.”

MATAYO 11:26

ee, Abba, amu ki icham inyee ko uu nooto.

LUKA 10:21

Eng' sainooto kobaibait Jeso eng' Kabuuset ne Tiliil, ak kole, “Aweegun kongoi, ee Abba, Kiptaiyat ne po kipsengwet ak ng'wony, amu ki iung'e tuguuchu che utaatiin ak che ng'oomeen, ak ki ing'aang'ji manyurunik: ee, Abba; amu ki chamak ko uu nooto eng' taing'ung'.

POISYONIGAP CHE KIYOKTOI 13:2

Ye kiboisyechin Kiptaiyat ak korugutegei, kole Kabuuset ne Tiliil, “Otabaannywa Barnaba ak Saulo agobo poisyet ne ki aguurchi.”

POISYONIGAP CHE KIYOKTOI 9:15

Ago ki leenji Kiptaiyat, “Ui inyee, amu kinnyu ineendet ne aboisyee ne ki alewen, si koip kainennyu taitap Pororyosyek ak laitorinik, ak piigap Israel:

ROMANIK 1:1

Paulo, otwogindetap Jeso Kristo, ne ki kiguur koek kayooktoindet, ne ki kitabaanji logoiywek che myach che po Kamuktaindet,

ROMANIK 1:5

ki kitaach eng' ineendet myeeindo ak kayooktoet, agoi kasetap iit ne po kayaneet eng' pororyosyek tugul amu kainennyi:

ROMANIK 8:28

Ak kingen keele, eng' icheek che chamei Kamuktaindet, kotuitos tuguuk tugul si kobois koreu che myach eng' icheek che kigeguur ko uu magennyi.

ROMANIK 8:30

ak icheeget che kisip kolewen, koguur chooto; ak chooto che kiguur, ko ki ityi imanda: ak chooto che kiityi imanda, ko ki itoroor.

ROMANIK 9:24

agot acheek che ki kuurech, ma eng' Yahudik kityo, ago eng' Pororyosyek ak icheek?

1 KORINTOEK 1:1

Paulo, ne ki kiguur koek kayooktoindet ne po Kristo Jeso eng' mageetap Kamuktaindet, ak Sosten tupchennyo,

1 KORINTOEK 1:21

Amu eng' utaatyet ne po Kamuktaindet koma nai ng'wony Kamuktaindet eng' utotyennyi, ki cham Kamuktaindet kosar icheeget che iyani, eng' perberyo ne po ng'olyoot ne ki amdoi.

1 KORINTOEK 1:24

ago eng' icheek che ki kiguur, Yahudik kobooto Yunanik, Kristo ko kamuktaetap Kamuktaindet, ak utaatyetap Kamuktaindet.

1 KORINTOEK 1:9

Kamuktaindet ko ne kiyani, kigeguurok eng' ineendet obwonji yamdaetap Weeriinnyi Jeso Kristo Kiptaiyandennyo.

1 KORINTOEK 15:10

Ago eng' myeeindap Kamuktaindet auu kiit ne auu: ak myeeindonyi ne ki kigoono koma ek puch; ago ki aboisyee miising' asiir icheek tugul: ago ma anee, ago myeeindap Kamuktaindet ne ki mi kobooto.

GALATYEK 1:1

Paulo, kayooktoindet, ama ne po piik, ama kiyok eng' chii, ago eng' Jeso Kristo, ak Kamuktaindet Kwanda, ne ki ing'eet ineendet komong' eng' che ki pek,

GALATYEK 1:6

Akwong'e amu oistoige ochoktoi eng' ineendet ne kiguurok eng' myeeindap Kristo, obe ye mi logoiywek che myach che teer;

EPESOEK 1:5

ko uu ye kiga sip kolewenech kenamech keegu weeriik eng' Jeso Kristo eng' ineendet, ko uu chameet ne myee ne po magennyi,

EPESOEK 1:9

ko kagoboorwech ung'ootyet ne po magennyi, ko uu chamennyi ne myee ne ki chop eng' ineendet

EPESOEK 3:11

ko uu mageetap koigeny ne kisip kolewen eng' Kristo Jeso Kiptaiyandennyo:

2 TIMOTEO 1:9

ne kisarwech ak koguurech eng' kuurseet ne tiliil, ma ko uu poisyonikyok, ago ko uu magennyi ak myeeindonyi, ne ki kigoonech eng' Kristo Jeso kobooch kenyiisyegap koigeny,

1 PETERO 5:10

Ak ingochobok, ak kolumdak, ak kogimitok Kamuktaindet ne po myeeindo tugul, ne kiguurchok liilindanyi ne po koigeny eng' Kristo, ko kaonyalilse eng' peetuusyek che matya.

1 SAMUEL 12:22

Kosupkei ak kainennyi ne oo, koma pagaaktoi `Kamuktaindet ne Toroor piikyik amu ki cham ineendet koyaak oegu piikyik.