EZRAH 9:3 - BUKUIT NE TILIIL Sireet ne Dutero Kanon

³ Ak kinga kas ng'olyoondoni, abet ngoryennyu ne po oriit ak ne po parak, ak ang'ei sumeekyuk ak atut tamnennyu yeityo atebi ng'wony akwong'.

Bukuit Ne Tilil

³ Ak kinga kas ng'olyoondoni, abet ngoryennyu ne po oriit ak ne po parak, ak ang'ei sumeekyuk ak atut tamnennyu yeityo atebi ng'wony akwong'.

BUKUIT NE TILIL

³ Ak kingagas ng’olyondoni, abet ngoriennyu ne bo orit ak ne bo barak, ak ang’ei sumeekyuk ak atut tamnennyu, ak atebi ng’ony akwong’.

EZRAH 9:3 Referencias Cruzadas

2 SAMUEL 1:11

Ki nam anyun `Daudi ngoroikyik kogereer. Ki yai ko uu nooto piik tugul che ki mi ak ineendet yooto.

2 LAITORINIK 18:37

Ki pa anyun Eliakim weeriitap Hilkiah ne ki pou koot, ak Sebna, siriindet, kobooto Joah weeriitap Asaph siriindetap tuguuk che piitu, ole mi Hezekiah ko kagogereer ngoroikwak, kobwa komwachi ineendet ng'aleegap Rabsake.

NEEMIA 1:4

Ye kinga kas ng'aleechuuto, atep ng'wony ariir ak aaragen eng' peetuusyek alak, ki arugutkei ak asaa eng' taitap Kamuktaindetap kipsengwet.

NEEMIA 13:25

Ki ager kong' icheek ak achup, abir alak eng' icheek ak ang'ei sumekwak, yeityo abirchi icheek koyasyo eng' Kamuktaindet aleenji, “Amat ogoochi tiibiikwok weeriikwak anan otunji weeriikwok tiibiikwak anan otun okweeget.

Kitabuutap JOB 1:20

Ki ng'eet anyun Job ak kobet ngoryennyi ne po parak ak kocher metinnyi yeityo kobutyi ng'wony kosa.

TIENWOGIKAL 119:53

Ki anereech miising' kot, amu kiptengeginik che pagaktoi ng'atuutyeng'ung'.

TIENWOGIKAL 143:4

Kigo tanui amu saboondanyu eng' oriit; kaek muguleldanyu kipkuberet eng' oriit.

TIENWOGIKAL 66:3

Oleenji Kamuktaindet, Po kamuiset ne tya poisyoniguk! Iming'injiningei puuniguk amu etunatetap kimnateng'ung'.

ISAIAH 15:2

Katogosta Bayit, ak Dibon, kot koit komoswek che torooreen, koba koriir; riirchin `Moab Nebo, ak agobo Mediba. Mi pooswek metowekwak, ki ketil tamnet age tugul.

JEREMIA 36:24

Ma iyweis, ama peet ngoroikwak, laitoryat, anan age eng' otwogikyik ne kigasei ng'aleechooto tugul.

JEREMIA 7:29

Ee Jerusalem, icheru suumeeguk anyun, ak iwiirte, rirate eng' tuloonook che churyotin, amu kaesyok ak ametook anee Kamuktaindet ne Toroor, okweek ibini ko kogoono nereegek.

EZEKIEL 3:15

Ki anyoo ye mi icheek che ki kiluul eng' Tel-abib ye neegitee aineetap Kebar. Ki anyoo ak ki atebee olooto, peetuusyek tisap, akwong'e.

EZEKIEL 7:18

Kermenegei kogeny kuniok, ak kotuch icheek kamuiset; ak kolilaanso tugul, ak konam icheek tugul pooswek.

ATEPTAP LAWIK 21:5

Amat kocher metowekwak anan tabanwegap tamnokwak, anan kotilatil poorwekwak.

MIKAH 1:16

Ingochurin met, ak icheru meting'ung' agobo lagok che iboiboin: tes poostong'ung' si koigei ne po chepsengwet; amu kageluul icheek eng' ole imi.

JOSHUA 7:6

Kigereer Joshua ngoroikyik ak kong'uruuk kot koit ng'wony togeennyi, ak konde temburyek metowekwak, ineendet ak poisyegap Israel eng' taitap moingetap Kamuktaindet ne Toroor agoi koskoleny.