EZRAH 9:1 - BUKUIT NE TILIIL Sireet ne Dutero Kanon

¹ Kingo kagoyaak tuguuchu, kobwonjo kandoik ak koleenjo, “Ma itabaanegei piigap Israel ak Tisiik ak Lawiik piigap emotinwek; yaei tuguuk che kiwechei che po Kanaanik, Hitik, Perisik, Jebusik, Amonik, Moabik, Misiriik ak Amorik.

Bukuit Ne Tilil

¹ Kingo kagoyaak tuguuchu, kobwonjo kandoik ak koleenjo, “Ma itabaanegei piigap Israel ak Tisiik ak Lawiik piigap emotinwek; yaei tuguuk che kiwechei che po Kanaanik, Hitik, Perisik, Jebusik, Amonik, Moabik, Misiriik ak Amorik.

BUKUIT NE TILIL

¹ Kingo kagoyaak tuguchu, korik kandoik ole ami, kole, Ma itabanegei bikab Israel ak tisiik ak Lawik bikab emotinwek, yaei tuguk che kiwechei, che bo Kananik, Hitik, Perisik, Jebusik, Amonik, Moabik, Misrik, ak Amorik.

EZRAH 9:1 Referencias Cruzadas

TAUNET 15:16

Tuun ko weeksei yu ibinda ne po ang'wan, amu tomo konender kot koam piik tugul yaityetap Amorik.”

1 LAITORINIK 11:1

Ki cham anyun Solomon kwonyiik che chaang' che po pororyosyek, kobooto cheptap Pharaoh, tiibiik che po Moabik, che po Amonik, che po Edomik, che po Sidonik ak che po Hitik;

2 ATEPTAP PEETUUSYEK 33:2

Ki yai ne ya eng' taitap Kamuktaindet ne Toroor, kosuubi tuguuk che kiwechei che po pororyosyek che kigaon Kamuktaindet ne Toroor eng' taitap piigap Israel.

2 ATEPTAP PEETUUSYEK 8:7

Piik tugul che ki ng'et eng' Hitik, Amorik, Perisik, Hibik ak Jebusik che ki ma ko po Israel,

EZRAH 10:2

Ak ki wolji Shekaneiah weeriitap Jehiel, weeriitap Elam, Ezrah koleenji, “Ki kichililji Kamuktaindennyo ak ki kitun tiibiik che salu saang' che po piigap emoni, ago mi nguno kamang'unet agobo Israel agobo ng'olyoondoniito.

EZRAH 10:8

Age tugul ne ma nyo ko kagobata peetuusyek somogu, ko uu ng'olyootap pounik ak poisyek, kerebe tuguukyik tugul ak kitabaane tuiyetap pichooto kiga kiluul.

NEEMIA 13:23

Ki ageer kogeny eng' peetuusyechooto Yahudik che kiga kotun tiibiigap Ashdod, che po Ammon ak che po Moab.

NEEMIA 4:3

Ki mi ak ineendet Tobia Amonindet ak ki le, “Agot nooto teechei, ko ngot kolaany lelwot kobutei irimennywa ne po koik.”

NEEMIA 4:7

Ago kingo kas Sanbalat, Tobia, Arabuuk ak Amonik kobooto Asdodik kole wendi tai teekseet ne keteechei irimoigap Jerusalem che kiga kobutok ak kole kityemei ole kiga koundur, konereekso miising'.

NEEMIA 9:2

Ki itabaanegei `iyoteetap Israel toek tugul yeityo kotononso kong'aany tengekwogikwak ak tengekwogigap kwanisyekwak.

TIENWOGIKAL 106:35

Ago kiburuchkei kobooto pororyosyek, ak ki ineetkei poisyonikwak.

KOMONG'U 13:5

Ye kagomutak Kamuktaindet ne Toroor oit emetap Kanaanik, Hitik, Amorik, Hibik ak ne po Jebusik; emet ne ki iyasyechi `ineendet kwanisyeguk kole tuun koonok emet ne nyiitaat cheego ak komi kumyat eng' chaang'indo. Amu nooto anyun, kanyoolu oriip ak oyai igoorita eng' kenyiit age tugul eng' arawaniito.

KOMONG'U 23:23

Amu wendi malaikaiyandennyu kondoenen, komutin iwe ole mi Amorik, Hitik, Perisik, Kanaanik, Hibik ak Jebusik ak aiste icheek awong'u.

KOMONG'U 33:16

Amu kinae nee nguno keele, kaanyooru chameet eng' taing'ung' ak piiguk? Tos ma amu kibendi kobooten ne yaech keegu che itabaanatiin, anee ak piiguk eng' piik tugul che mi ng'wony?”

ISAIAH 52:11

Oba, oba, omande eng' olooto, amat otwaa kiy ne ma tiliil; omande eng' kwenunnyi; otiliiliitu, okweek che oibe tuguugap Kamuktaindet ne Toroor.

JEREMIA 26:10

Ak kingo kas pounigap Judah tuguuchuuto, kotogos eng' kootap laitoryat kobwa kootap Kamuktaindet ne Toroor; ak ki tep ng'wony eng' ole kibunei eng' ormariichet ne leel ne po kootap Kamuktaindet ne Toroor.

JEREMIA 26:16

Yeityo komwachi pounik ak piik tugul tisiik ak maotik koleenji: Ma nyooljin meet chiichi; amu kagong'alaalwech eng' kainetap Kamuktaindet ne Toroor Kamuktaindennyo.

ATEPTAP LAWIK 18:3

Amat oyai tuguuk che kiyaei emetap Misiri, ole ki omenye, amat oyai poisyonigap emetap Kanaan, ole amutok ak amat obendate kaneetisyosyekwak.

MALAKI 2:11

Kigong'em Judah kayaneet, ye kingo yai kiit ne kiwechei eng' Israel ak eng' Jerusalem; amu ki kong'wanit tiliilindap Kamuktaindet ne Toroor ne chamei, ak kotun cheptap kamuktaik che teer.

KAITOSYEK 23:9

Amu ageere Israel ami rwandosyek parak, Ak ageere ineendet ami tuloonook. Pichu ko piik che meng'iisyei icheegei, ak ma ki ititoi pororyosyek alak.

KAITOSYEK 25:6

Eng' yooto, ko ki nyo age eng' Yahudik komutu kwony ne po Midianik konyo koonnyi eng' taitap Musa ak eng' taitap tuiyet komugul ne po piigap Israel, ye kita koriirtos eng' kurgeetap emait ne kituiyechin.

NG'ATUTIK 18:9

“Ye kaiit emet ne koonin Kamuktaindet ne Toroor Kamuktaindeng'ung', ko meneetkei iyai che yaacheen che yaei pororyosyechooto.

NG'ATUTIK 23:8

Ingomanda ole mi tuiyetap Kamuktaindet ne Toroor lagokwak che sichei eng' ibinda ne po somok.

NG'ATUTIK 7:1

Ye kagoiitin Kamuktaindet ne Toroor Kamuktaindeng'ung' emet ne iwendi iname kobunjiin ak koon pororyosyek che chaang' eng' taing'ung', che chooto ko Hitik, Girgasik, Amorik, Kanaanik, Perisik, Hibik, ak Jebusik, pororyosyek tisap che eecheen ak ko kiimeen kosiirin,

JOSHUA 23:12

Amu ngot ochuchuigei obe let eng' kiy age tugul ak onamge ak pororyosyechuuto ki ng'et eng' kwenung'wong', otunge ak icheek ak obe ole mi ak kobwa ole omi,