EZRAH 10:8 - BUKUIT NE TILIIL Sireet ne Dutero Kanon

⁸ Age tugul ne ma nyo ko kagobata peetuusyek somogu, ko uu ng'olyootap pounik ak poisyek, kerebe tuguukyik tugul ak kitabaane tuiyetap pichooto kiga kiluul.

Bukuit Ne Tilil

⁸ Age tugul ne ma nyo ko kagobata peetuusyek somogu, ko uu ng'olyootap pounik ak poisyek, kerebe tuguukyik tugul ak kitabaane tuiyetap pichooto kiga kiluul.

BUKUIT NE TILIL

⁸ Ak age tugul ne ma nyo ko kagobata betusiek somogu, ko u ng’olyotab bounik ak boisiek, kerebe tugukyik tugul, ak kitabane tuiyetab bichoto kiga kiluul.

EZRAH 10:8 Referencias Cruzadas

EZRAH 10:7

Kimwaita eng' Judah tugul ak Jerusalem, komwachi lagok tugul che po piik che kiga kiluul si kobiit koyumjigei Jerusalem.

EZRAH 10:9

Ki iyumjigei anyun Jerusalem `piik tugul che po Judah ak Benjamin kotomo kogeskei peetuusyek somogu. Ki arawetap sogool eng' peetuutap tiptem ne po arawanooto, ak ki tebee piik tugul komosta ne paraa eng' taitap kootap Kamuktaindet kobotandos agobo ng'olyoondonooto ak ropta ne oo.

EZRAH 7:26

Age tugul ne ma chamei koyai ng'atuutigap Kamuktaindeng'ung' ak ng'atuutigap laitoryat, kirwookyi iman ak konyoor pireet; ngo ne po meet anan ngo ne po kang'etoet, ngo kerebe tuguuk anan ngo ratisyet.

NEEMIA 13:28

Ki saania eng' kap Sanbalat Horonindet age eng' weeriigap Joiada, weeriitap Eliasib tisiindet ne oo. Ki aoon anyun ineendet kwo eng' ole ami.

NEEMIA 13:3

Kingo kas icheek Ng'atuutyet, koisto tuiyet tugul piik che salu pororyosyek alak komang'une Yahudik.

ATEPTAP LAWIK 27:28

“Ago ma ki aldoi, ama kityaachi kiit ne itabaanat ne itabaanjin chii Kamuktaindet ne Toroor eng' tuguukyik tugul che tinyei, ngo po chii anan tyony, anan ne po mbareet ne nenyi. Tiliil miising' eng' Kamuktaindet ne Toroor kiy age tugul ne kitabaani.

MATAYO 18:17

Ngo eesyo kogas icheek, imwachi kaniset; ak ngo eesyo kogas iit kaniset agine, iingoigei eng' inyee kipsagarin ak taagindetap aisuruut.

JOHANA 16:2

Oonok eng' sinagogisyek. Nyoonei sait, ne ibwaati chii tugul ne parok kole, ayachini Kamuktaindet poisyet.

JOHANA 9:22

Ki mwa ng'aleechu sigiikyik, amu ki iywei Yahudik: amu kiga sip kochamyechi Yahudik, kole, ngo ng'aany chii age tugul kole Kristo ineendet, kibeetoi eng' sinagogit.

JOHANA 9:34

Kowolji ineendet koleenji, “Ki kisikten iman tengekwogik, ak ineetech?” Ak ki toorta ineendet kwo saang'.

1 KORINTOEK 5:13

Ago icheek che miitei saang' korwookyin Kamuktaindet chooto. Oiste anyun chiichooto sogoran eng' kwenung'wong'.

JOSHUA 6:19

Ago fedhaisyek, thahabu tugul ak tuguuk tugul che po sugunonik ak che po kariik ko kitabaanjin Kamuktaindet ne Toroor, ak keipu chooto kobwa ole kigonoree tuguugap Kamuktaindet ne Toroor.”

KIRUOGIK 21:5

Ki le piigap Israel, “Mi ng'oo eng' ortinwek tugul che po Israel ne ma nyo kotogos tuiyet ole mi Kamuktaindet ne Toroor?” Amu kiga yai kayasyoet ne oo agobo ineendet ne ma nyo kotogos ole mi Kamuktaindet ne Toroor eng' Mispa, kole, “Kibarei ineendet iman.”

1 SAMUEL 11:7

Ki nam eiik aeng' che po chogit ak kotonaton yeityo koyooktoe piik koba komoswek tugul che po Israel koleenji, “Chii age tugul ne mamong'u kosubu Saulo ak Samuel, keyachin eikyik ko uu niito.” Ki ibutyi piik kamuisetap Kamuktaindet ne Toroor ak ki mong' koigei chiichak.