EPESOEK 4:31 - BUKUIT NE TILIIL Sireet ne Dutero Kanon

³¹ Ingoistogei eng' okweek ng'wanindo tugul, ak nyitatet, ak nereegek, ak polateet, ak chubisyet, kobooto yaityet tugul:

Bukuit Ne Tilil

³¹ Ingoistogei eng' okweek ng'wanindo tugul, ak nyitatet, ak nereegek, ak polateet, ak chubisyet, kobooto yaityet tugul:

BUKUIT NE TILIL

³¹ Ingoistogei eng’ okwek ng’wanindo tugul, ak nyitatet, ak neregek, ak bolatet, ak chubisiet, koboto yaitiet tugul:

EPESOEK 4:31 Referencias Cruzadas

TAUNET 27:41

Kiwech Esau anyun Jakobo amu perurto ne ki iberuur kwandanyi, ak ki le Esau eng' muguleldanyi, “Kagoriik peetuusyek che keriirchin abba; ye ibata abar tupchennyu Jakobo.”

TAUNET 37:21

Ago ki kas Reuben, ak kosar ineendet eng' eunekwak, koleenji, “Amongebar.”

TAUNET 37:4

Ago ye kingo keer weeriik che tupcho kole chamei kwandanywa ineendet kosiir icheek tugul, kowech miising' kot ko mata kocham kong'alaalji ineendet eng' kaalyeet.

TAUNET 4:8

Ki ng'alaalji `Kain ng'eetap kamet Abel. Ak ye kingo ta komi tuwai kewanin, kosetyi `Kain ng'eetap kam Abel ak kobar.

2 SAMUEL 13:22

Ma mwachi `Absalom Amnon kiy ne myee anan ko ne ya. Ki sas `Absalom Amnon, amu kiga suup chepkamennyi Tamar.

2 SAMUEL 19:27

Ki komwaitaena lembech anee otwogindeng'ung' eng' kiptaiyandennyu laitoryat. Ago uu `kiptaiyandennyu laitoryat malaikaiyatap Kamuktaindet, yai anyun kiit ne igeere ile myee.

2 SAMUEL 19:43

Kowolji `piigap Israel piigap Judah koleenji, “Ki tinyei kebeberwek taman eng' laitoryat, ne siirei ketinye kebeberta ne oo eng' Daudi kosiirok. Ara anyun amu nee anyun si osasech, si moteebenech kotom omutu laitoryandennyo?” Ago ki koromitu waluunetap piigap Judah kosiir ng'aleegap piigap Israel.

TIENWOGIKAL 101:5

Ang'eme age tugul ne chaamoti chiitap kokwennyu eng' ung'oot; ma muitochini menotyo, chiito ne meenei muguleldanyi.

TIENWOGIKAL 140:11

Ma kigimiti chiito ne po ng'aleek che yaach eng' emet; cheeng'ei yaityet chiito ne koroom, si koterteer ineendet.

TIENWOGIKAL 15:3

ne ma itaami chii eng' ng'elyeptanyi, ama yachin ne ya chorwennyi, ama mwaitoe ne ya chiitap kokwennyi;

TIENWOGIKAL 37:8

Mete nereeknateet, ak iistoegei nereegek che ng'woneen. Ameiimegei, amu ibu nooto yaityet.

TIENWOGIKAL 50:20

Itebye ak ichaame ng'eetap kamenng'ung'; itaami weeriitap komet.

TIENWOGIKAL 64:3

Che kagolit ng'elyebwekwak ko uu rotoogap chok, ak komwokto kipchabonikwak, chooto ng'aleek che ng'woneen.

KALEWANAIK 10:12

Ing'eeti `suryet pooryosyek, ago tuchei `chamyet pistaosyek tugul.

KALEWANAIK 10:18

Ineendet ne unyei weget kotinyei kutitap lembechek, ak ineendet ne mwaei ng'aleegap chemerereet ko perber.

KALEWANAIK 14:17

Ineendet ne sip konereechi koyaei tuguuk eng' perberyo, ak kiwechei chiito ne tinyei chobutik che yaacheen.

KALEWANAIK 18:8

Uu tuguuk che anyiny ng'aleegap chaamindet, ak pendi moet.

KALEWANAIK 19:12

Uu nereegegap laitoryat porisenetap ng'etuny; ago uu myeeindonyi rewoot ne mi susweek.

KALEWANAIK 25:23

Ibu ropta usoonetap murot kaataam, ibu ko uu nooto chemerereet nereegek.

KALEWANAIK 26:20

Meei maat ye ma mi kweenik; ak siisei pooryeet eng' ole ma mi chaamindet.

KALEWANAIK 29:22

Ing'eeti pooryeet kimnereekyat, ak ko nyiei pistoet chiito ne koroom.

KALEWANAIK 29:9

Ngot kotinyei kabeletapkei chiito ne utaat ak chiito ne perber, ngot konereechi anan ngo roryei, koma mi kamuung'et.

KALEWANAIK 6:19

paoryat ne ma po iman ne mwaei lembech, ak ineendet ne koolei toiyet eng' kwenutap tupchosyek.

AMDOINDET 7:9

Amesartae nereek eng' saboondang'ung', amu tebee nereegek tegetigap che perber.

JEREMIA 6:28

Ngelelik icheek tugul che yaacheen, che pendi komosi ak komosi kochaamsoti, uueen icheeget ko uu sugunwet ak karnet, yaei tugul ng'emisyet.

JEREMIA 9:4

Ingoriibegei anyun chii tugul chiitap kokwennyi, amat imang'u tupchet age tugul. Amu tilei piich let tupchet age tugul, ak kochaamsoti chiito age tugul ne po kokwet.

POISYONIGAP CHE KIYOKTOI 21:30

Kowaskei anyun nganaseet komugul, ak ki rwai piik kibagenge: ak konam Paulo, ak kochuut komong' eng' Hekaluut: ak ki kiger kurgotik eng' sainooto.

ROMANIK 3:14

Che nyiitaat kutusweekwak chubisyet ak ng'wanindo:

1 KORINTOEK 14:20

Che kitupche, amoegu lagok eng' ng'omnateet: ago oegu lagok che nyerootiin eng' yaityo, ago oegu che kaoeegitu eng' ng'omnateet.

1 KORINTOEK 5:8

nooto anyun ongeriip igoorto, ma eng' mermereek che po keny, anan eng' mermeregap yaityet ak tengekto, ago eng' magatyat ne ma kinde mermereek che ma tinyei keniisyet ak po iman.

2 KORINTOEK 12:20

Amu aiywei, ale si ye anyoo, koma nyoorwok eng' oor age tugul ko uu ye ma mache, ak onyoorwo ko uu ye momache; si ma piit eng' oor age tugul, pooryosyek, ng'etkonda, nereegek, suryosyek, ng'ooksosyek, chaamsosyek, menootosyek, polatosyek;

GALATYEK 5:20

saaetap kanamonik, ponisyet, punyondisyek, suryosyek, ng'etkonda, nereegek, taiyasyek, kabesyosyek, pcheutik,

EPESOEK 4:22

ale oregu chiito ne po keny, nooto atebeeng'wong' ne po atkinye, ne ng'emaksei ko uu maguutik che yaach che po keniisyet;

EPESOEK 4:25

Nooto anyun oiste lembeita, ong'alaaljinigei ne po iman chii tugul ak chiitap kokwennyi: amu ki kebeberwek age tugul ne po age.

EPESOEK 4:26

Onereech, amoyai tengek: amat kororokto asiis kota onereektosi:

KOLOSAIK 3:19

Manong'otaichu, ocham osotikwok, amogoochi ng'wanindo.

KOLOSAIK 3:8

Ago nguno olakte ak okweek tuguuchuuto tugul; nereegek, nyitatet, yaityet, chubisyet, ak ng'alaalet ne po teweernateet eng' kutusweekwok:

1 TIMOTEO 3:11

Ko uu nooto kobogorisyek, kanyool kotebi eng' teegisto, ma kataamik, che riibegei, che kiyani eng' tuguuk tugul.

1 TIMOTEO 3:3

ne ma kimaiya, ne ma pirisyei; ago ne tala, ne ma chii ne po pooryot, ne ma chamei silingisyek;

1 TIMOTEO 5:13

Kobooto nooto anyun koneetkei koek chorirenik, ak koiitoti kooriik; ago ma chorirenik kityo, ago chaamik ak che ibooti chemererosyek, kong'alaalote tuguuk che ma nyooljin.

2 TIMOTEO 2:23

Ago eesye teebutik che perberen che ma punu kaneetisyet, ingen ile yiei pooryosyek.

2 TIMOTEO 3:3

che ma tinyei chamyet, che ma tinyei nyoetap kaat, che itaamsei, che ma riibegei, che kolgoleen, che ma chamei che myach,

TITO 1:7

Amu kanyolji riibindetap kaniset koek chii ne ma tinyei leluut, ineendet ne riibindetap poisyetap Kamuktaindet; ma ne isubi magennyi, ne ma sip konereechi, ne ma kimaiya, ne ma pirisyei, ne ma ting'ee keiyandit mogornateetap teweernateet;

TITO 2:3

ko uu nooto chebyosok che kagoeegitu, ingoek che teegot eng' atebosyekwak, che ma kataamik, anan che rategei eng' divaik che chaang', kaneetik che po tuguuk che myach;

JAKOBO 1:19

Ongen ng'olyoondoni, chamanikyuk che kitupche. Ago ingochepchebit chii age tugul kogas, amaek ne sip kong'alaali, ama sip konereechi:

JAKOBO 3:14

Ago ngot otinye ng'etkonda ne ng'waan ak toiyet eng' mugulelwekwok, ko matoloske, amat omwa lembech agobo imanit.

JAKOBO 4:11

Amomwaitaegei ng'aleek che yaach okweegei, che kitupche. Ineendet ne mwaitae ng'olyoot ne ya ne tupcho, anan korwookyi tupchennyi, komwaitae ng'olyoot ne ya Ng'atuutyet, ak korwookyin Ng'atuutyet: ago ngot irwookyi Ng'atuutyet, koma ii chiito ne yaei Ng'atuutyet, ago ii ne irwookyin.

1 PETERO 2:1

Oiste anyun yaityet tugul, ak ng'aalseet tugul, ak chombilisyosyek, ak ng'etkonda, ak ng'alaalet age tugul ne ya,

1 JOHANA 3:12

Ma ko uu Kain ne ki po ineendet ne ya, ak ki par ng'eetap kamet. Amu nee si kobar? Amu kiyaachen poisyonikyik, ak ki po imanda che po ng'eetap kamet.

1 JOHANA 3:15

Chii age tugul ne wechei ne tupcho ko rumin: ak ongen ole ma mi rumin ne tinyei saboondap koigeny ne menyei eng' ineendet.

NG'ANG'UTYET 12:10

Ak ki agas kutit ne oo eng' kipsengwet, kole, “Kagonyo nguno yetunet, ak kamuktaet, ak laitornatetap Kamuktaindet nenyo, ak kimnateetap Kristo nenyi; amu kagetururto kataamindetap che kitupche kwo ng'wony, ne itaami icheek eng' taitap Kamuktaindet nenyo peet ak kemoi.