EPESOEK 3:9 - BUKUIT NE TILIIL Sireet ne Dutero Kanon

⁹ ak kiguiyechi piik tugul kiit ne uu tononjinetap ung'ootyet ne kiga kiuny kobooch kenyiisyek che ki kosiirto, eng' Kamuktaindet, ne ki toi koyai tuguuk tugul;

Bukuit Ne Tilil

⁹ ak kiguiyechi piik tugul kiit ne uu tononjinetap ung'ootyet ne kiga kiuny kobooch kenyiisyek che ki kosiirto, eng' Kamuktaindet, ne ki toi koyai tuguuk tugul;

BUKUIT NE TILIL

⁹ ak kiguiyechi bik tugul kit ne u tononjinetab ung’otiet ne kiga kiuny koboch kenyisiek che kigosiirto, eng’ Jehovah, ne kitoi koyai tuguk tugul;

EPESOEK 3:9 Referencias Cruzadas

TIENWOGIKAL 33:6

Ki kiyai kipsengwet eng' ng'olyootap Kamuktaindet ne Toroor, ak chaang'indonywa tugul eng' kabuusetap kutinnyi.

ISAIAH 44:24

Mwaei Kamuktaindet ne Toroor, katyagindeng'ung', ineendet ne kimimiin eng' moet, kole, aa Kamuktaindet ne Toroor, ne yaei tuguuk tugul; aneege ne aiitoi kipsengwet; ne aiitoi ng'wony; ng'oo ne mi kobooto?

MATAYO 10:27

Ne amwaiwok eng' mesundeito, ong'alaalde eng' lapkeiyet; ak kiit ne ogase eng' itit, omwaite eng' kooriik parak.

MATAYO 13:35

si kosulda ne ki kamwa maotyot kole: “Ayaate kutinnyu eng' kalewenaik; amwae tuguuk che ki kiuny kobooch koga kelumda ng'wony.”

MATAYO 25:34

“Yeityo komwachi `Laitoryat icheek che mi eunnyi ne po tai koleenji, ‘Obwa, okweek che oberuurotin che oo po Abba, onam laitornatet ne kigechobwok kobooch ko kagilumda ng'wony;

MATAYO 28:19

Nooto anyun oba ak oyai piigap pororyosyek tugul koek kasubik, obatisan icheek eng' kainetap Kwanda ak ne po Weeriit ak ne po Kabuuset ne Tiliil,

LUKA 24:47

ak keamdaat eng' pororyosyek tugul siguunet ak nyoetap kaat ne po tengekwogik eng' kainennyi, ki taune Jerusalem.

JOHANA 10:30

Anee ak Kwanda, ko ki agenge.”

JOHANA 5:17

Ak ki wolji Jeso koleenji, “Poisyei Abba agoi kora, ak aboisyei agane.”

JOHANA 5:19

Ki wolji anyun Jeso icheek koleenji, “Amwaiwok, iman, iman, ale, ‘Ma yaei kiy Weeriit ineegei, ago ne keerei koyaei Kwanda: amu tuguuk tugul che yaei ineendet, koyaei chooto agine Weeriit ko uu nooto.

POISYONIGAP CHE KIYOKTOI 15:18

Mwaei Kiptaiyat, ne yaei tuguuchu si konaak kobooch taunetap ng'wony.’

ROMANIK 11:25

Amu ma mache oegu che mongen ung'ootyoni, che kitupche, si moiityige ole oo ng'oomen eng' loseng'wong' pogei, ale kanyonji Israel uuindo eng' kebeber, agoi konyo nyiyet ne po Pororyosyek;

1 KORINTOEK 2:7

ago kimwae utaatyetap Kamuktaindet eng' ung'ootyet, nooto ne kigeuny, ne kiga sip kong'at Kamuktaindet agobo toroornatennyo ye kitom kobiit ng'wony:

EPESOEK 1:4

ko uu ye kilewenech eng' ineendet ye kitom kelumda, si keegu che tiliileen che ma tinyei leluut eng' tainnyi eng' chamyet:

EPESOEK 3:2

ngo ki ogas agobo tononjinetap myeeindap Kamuktaindet ne ki kigoono agobo okweek;

EPESOEK 6:19

Ak agobo anee, si kobiit kegoono tweguunet, ayaat kutinnyu, abarta eng' nyiganateet ung'ootyet ne po logoiywek che myach,

KOLOSAIK 1:23

ngo tebi iman eng' kayaneet, ko oo lumdootin ak ko oo tononiotiin komyee, ama ki istok eng' kamang'unetap logoiywek che myach che ki ogas, che ki kiamda eng' yautyet tugul eng' kurereetap kipsengwet; ki kiyaa anee Paulo amu nooto aek kiboityot.

KOLOSAIK 1:26

ung'ootyet ne ki kiuny kobooch kenyiisyek tugul che ki kosiirto ak ibinwek: ago nguno, ko kagiboorchi chechiik che tiliileen,

KOLOSAIK 3:3

Amu ki obegu, ak ki kiuny saboonwekwok kobooto Kristo eng' Kamuktaindet.

KOLOSAIK 4:3

osaiywech ak acheek, si koyatwech Kamuktaindet kurgeet ne po ng'olyoot, kemwa ung'ootyetap Kristo; ki kirata agobo nooto;

2 THESSALONIKEK 2:13

Ago kanyool kemwachi Kamuktaindet kongoi kotugul agobo okweek, che kitupche che chamanigap Kiptaiyat, amu ki lewenjok Kamuktaindet yetunet kobooch taunet eng' katabaanetap Kabuuset ne Tiliil ak kayaneetap imanit:

1 TIMOTEO 3:16

Ak ne matiny, ko oo ung'ootyot ne po kayweet ne kiywei Kamuktaindet: Ineendet ne king'ang'ak eng' poorto, ki kiityi imanda eng' Kabuuset ne Tiliil, ne ki keer malaikaisyek, ne ki kiamda eng' Pororyosyek, ne ki iyan che po ng'wony, ne ki kimut kwo parak eng' toroornatet.

2 TIMOTEO 1:9

ne kisarwech ak koguurech eng' kuurseet ne tiliil, ma ko uu poisyonikyok, ago ko uu magennyi ak myeeindonyi, ne ki kigoonech eng' Kristo Jeso kobooch kenyiisyegap koigeny,

2 TIMOTEO 4:17

Ago ki tonon Kiptaiyat kobooto, ak kogimita; si kobiit keamda eng' anee ng'aleek komyee, ak si kogas Pororyosyek tugul: ak ki kisarwo eng' kutitap ng'etundo.

TITO 1:2

eng' kamang'unet ne po saboondap koigeny, ne ki iyomis Kamuktaindet, ne ma imuuchi kolembechaan, kobooch kenyiisyek che po koigeny;

1 PETERO 1:20

ne kisip konaam iman kotom kelumda ng'wony, ago ki king'aany eng' peetuusyek che po let agobo okweek,

NG'ANG'UTYET 13:8

Ak kolas ineendet tugul che menyei ng'wony, che ma ki sirchi kainaikwak bukuitap saboondo ne po Aarwet ne ki kibar kobooch taunetap ng'wony.

NG'ANG'UTYET 14:6

Ki ageer malaikaiyat age kotirireni eng' kwenutap kipsengwet, kotinyei logoiywek che myach che po koigeny koamji icheek che menyei ng'wony, ak pororyet age tugul ak ooreet age tugul ak kutit age tugul ak piik alak tugul;

NG'ANG'UTYET 17:8

Tyonyi kegeere komi, ama komi; ak ko neegit komong' eng' keriinget ne ma igoksei, ak kwo luseet. Ak kwong'dos icheek che menyei ng'wony, che ki ma kisirchi kainaikwak bukuitap saboondo kobooch ngap kelumda ng'wony, ye keer tyondo, amu ki mi, ama komi, ak kota konyonei.

NG'ANG'UTYET 4:11

“Nyoljinin, Kiptaiyandennyo ak ko Kamuktaindet nenyo, itaach toroornatet ak teegisto ak kamuktaet; amu kiitau iyae tuguuk tugul, ak ki piit amu mageng'ung' ak ki kiyai.”