EPESOEK 2:3 - BUKUIT NE TILIIL Sireet ne Dutero Kanon

³ che ki kimenye agot acheek tugul kwenunnywa eng' maguutik che yaach che po poorto, keyae maguutik che po poorto ak che po kabwaatutik, ak ki kilagogap nereeknateet, eng' sigeet, ko uu alak:

Bukuit Ne Tilil

³ che ki kimenye agot acheek tugul kwenunnywa eng' maguutik che yaach che po poorto, keyae maguutik che po poorto ak che po kabwaatutik, ak ki kilagogap nereeknateet, eng' sigeet, ko uu alak:

BUKUIT NE TILIL

³ che kigimenye agot achek tugul kwenunywa eng’ magutik che yaach che bo borto, keyae magutik che bo borto ak che bo kabwatutik, ak kigi lagokab nereknatet, eng’ siget, ko u alak:

EPESOEK 2:3 Referencias Cruzadas

TAUNET 5:3

Ki tar Adam kenyiisyek pogol ak sosom kosich weeriit eng' kergeindonyi ak eng' itoondonyi, ak kiguure kainennyi Seth.

TAUNET 6:5

Ki keer Kamuktaindet ne Toroor kole, oo miising' tengektap kimugulmet eng' ng'wony, ak kabwaatutik tugul che po muguleldanyi ko tengekto kityo peetuut age tugul.

TAUNET 8:21

Kingo ng'uuchi `Kamuktaindet ne Toroor anyinyindo kobun kaptisiisyo, kotil ineendet eng' muguleldanyi kole, “Ma achube ng'wony kogeny agobo chii amu yaacheen kabwaatutigap muguleldap chii kobooch koming'in. Ma abare tuguuk tugul che saptos kogeny agoi ko uu ye ki ayai.

Kitabuutap JOB 14:4

Ng'oo ne imuuchi komoong'une ne anyiny ole ng'waan? Ma mi, agot agenge.

Kitabuutap JOB 25:4

Imuktoi ano anyun chii koek ne po iman eng' taitap Kamuktaindet? Ak tiliilitundoi ano ineendet ne ki sich kwony?

TIENWOGIKAL 51:5

Keero, ki kisikta tengekto; ak kimanakta kamennyu chalwok.

ISAIAH 53:6

Ki uu acheek tugul keechiirek che ki kobetyo; kigosup age tugul eng' acheek ooreennyi; ak kigonde `Kamuktaindet ne Toroor ineendet tengekwogikyok acheek tugul.

MARIKO 4:19

ak ye kait kaimutigap ng'wony, ak kaberberisyetap mogornateet, ak magutigap tuguuk alak, kogiich ng'olyoot si ma sich logoek.

JOHANA 1:13

che ki kisich ama eng' korotiik, anan eng' mageetap poorto, anan eng' mageetap chii, ago eng' Kamuktaindet.

JOHANA 8:44

Oo po kwandang'wong' chesawilyet, ak ochame oyai magutigap kwandang'wong'. Ki rumiindet kobooch taunet, ama tononi eng' imanit, amu ma mi imanit eng' ineendet. Ye mwaei lembech, komwaei agobo tuguukyik, amu kiplembechwa ineendet ak kwanda ne po nooto.

POISYONIGAP CHE KIYOKTOI 14:16

Ki pagaakyi `ineendet pororyosyek tugul eng' ibinwek che ki kosiirto kobendat eng' ortinwekwak.

ROMANIK 1:24

Nooto anyun ki pagaakyi Kamuktaindet icheek magutigap mugulelwekwak koosup murwoonindo, si koteweer poorwekwak icheegei eng' icheegei:

ROMANIK 11:30

Amu ko uu ye ki ongelelji Kamuktaindet eng' peetuusyek che ki kosiirto, ago nguno ko kaonyooru rireenetapkei eng' pistoennywa,

ROMANIK 13:14

Ago olach Kiptaiyat Jeso Kristo, amochopchi poorto poroindo, si oyai maguutikyik.

ROMANIK 2:14

Amu ye yaei Pororyosyek, che ma tinyei Ng'atuutyet, eng' piteennywa, tuguuk che po Ng'atuutyet, chuuto, pichooto ma tinyei Ng'atuutyet, kobougei icheegei;

ROMANIK 5:10

Amu ye kita ko ki puunik, ko ki kituiyech ak Kamuktaindet eng' meetap Weeriinnyi, ne siirei miising' anyun, koga kituiyech, kesarwech eng' saboondanyi.

ROMANIK 5:9

Ak ne siirei miising' anyun, ko kagiityech imanda eng' korotiikyik, kesarwech eng' nereegegap Kamuktaindet eng' ineendet.

ROMANIK 6:12

Nooto anyun amochamji tengek koboi poorwekwok che pegu, si ogas iit maguutikwak:

ROMANIK 7:18

Amu angen ale eng' anee, nooto ko eng' poortanyu, koma menyei kiy ne myee: amu mi chameet kobooto, ago ale ayai nooto myee, koma yae.

ROMANIK 9:22

Tos nee anyun, ngo machei Kamuktaindet kobarta nereeknatennyi, ak kong'aany kimnateennyi, komuita eng' talasyet ne oo agobo tereenik che po nereegek che nyoljin ng'emisyet:

1 KORINTOEK 4:7

Amu tos ng'oo ne kayain iegu ne teer? Ak nee ne itinye inyee ne ki ma itaach? Ago ngo kiitaache, ko amu nee si ilasugei, ko uu ye ki ma itaache?

2 KORINTOEK 7:1

Amu ki tinyei arorutichu anyun, chamanichu, ongitiliilgei, keiste simdo tugul ne po poorto ak ne po saboondo si keityi tiliilindo eng' kaiyweisyetap Kamuktaindet.

GALATYEK 3:22

Ago ki koratyi siruutyet tuguuk tugul kimnateetap tengekto, si kobiit kigoochi che iyani, arorutyet eng' kayaneet eng' Jeso Kristo.

EPESOEK 2:2

che ki obendote ye kinye ko uu piteetap ng'wonyuni, osubi ne oo ne po kimnateet ne po soet, ne po kimnateet ne poisyei nguno eng' weeriitap ngelelnateet;

EPESOEK 4:22

ale oregu chiito ne po keny, nooto atebeeng'wong' ne po atkinye, ne ng'emaksei ko uu maguutik che yaach che po keniisyet;

KOLOSAIK 1:21

Ak nganda ki oo kipsagarek eng' peetuusyek che ki kosiirto, ak ki oo puunik eng' kabwaatutikwok eng' poisyonikwok che yaacheen, ko kagotuiyok ineendet nguno,

1 THESSALONIKEK 4:13

Ago ma kimache anyun, che kitupche, oegu che mongen agobo icheeget che ruitos; keele amoaragense, ko uu piik alak che ma tinyei kamang'unet.

1 THESSALONIKEK 5:6

nooto anyun among' keruiye ko uu piik alak, ago ongeriipse ak keegu che riibegei.

1 TIMOTEO 6:9

Ago icheek che machei koek mogoreek kobutyin yoomseet ak mesteet ak maguutik che chaang' che perberen, che ibu ng'wanindo, che lugui piik koba ng'emisyet ak luseet.

TITO 3:3

Amu ki kiberberen agacheek keny, ki ma kegase iit, ki kiberberech, keote maguutik che teerchiin ak ureryosyek, ketebye eng' yaityet ak ng'etkong', ki kiche kiwechei ak kewechegei.

1 PETERO 1:14

ko uu lagok che kase iit, amoyaniegei maguutikwok che po tai eng' peetuusyek che ki po perberindang'wong':

2 PETERO 2:14

piik che tinyei koonyek che nyiitootiin ibeetapkei, amaimuuchi kometo tengekto; che ichuuti saboonwek che ma tononiotiin; che tinyei mugulelwek che ki konetkei kasetap myat; lagogap chubeet;

2 PETERO 2:18

Amu, ye mwaei ng'aleek che koroomen che po lasetapkei, kochuutu eng' magutigap poorto, ak eng' mageet ne ya, piik che katoi kochililyo eng' icheek che mi eng' keniisyet:

1 JOHANA 2:16

Amu tuguuk tugul che miitei ng'wony, mageetap poorto, ak mageetap koonyek, ak menoteetap saboondo, koma po Kwanda, ago po ng'wony.

1 JOHANA 2:8

Ak kogeny, asirwok ng'atuutyet ne leel, ng'olyoot ne iman eng' ineendet ak eng' okweek, amu siirtoi mesundeito, ak kagoluu lapkeiyet ne po iman.