EPESOEK 2:12 - BUKUIT NE TILIIL Sireet ne Dutero Kanon

¹² ole ki omi taban eng' Kristo eng' peetuusyechooto, che ki oo kipsagarek eng' pororyetap Israel, ak ki oo toek eng' kayomisutik che po arorutyet, ki ma otinye kamang'unet ak ki ma otinye Kamuktaindet eng' ng'wonyuni.

Bukuit Ne Tilil

¹² ole ki omi taban eng' Kristo eng' peetuusyechooto, che ki oo kipsagarek eng' pororyetap Israel, ak ki oo toek eng' kayomisutik che po arorutyet, ki ma otinye kamang'unet ak ki ma otinye Kamuktaindet eng' ng'wonyuni.

BUKUIT NE TILIL

¹² ole kiomi taban eng’ Kristo eng’ betusiechoto, che kio kipsagarek eng’ bororietab Israel, ak ki o toek eng’ kayomisutik che bo arorutiet, kima otinye kamang’unet ak kima otinye Jehovah eng’ ng’onyuni.

EPESOEK 2:12 Referencias Cruzadas

TAUNET 15:18

Eng' peetuunooto, ko ki iyomiskei Kamuktaindet ne Toroor ak Abram, kole, “Kaagoochi iyoteng'ung' emoni, kong'etee aineetap Misiri agoi aineet ne oo, aineetap Yufrets,

2 ATEPTAP PEETUUSYEK 15:3

Kiga kotebee Israel egosyek che chaang' ama tinyei Kamuktaindet ne po iman, ama tinyei tisiindet ne ineetisyei, ama tinyei ng'atuutik.

EZRAH 4:3

Ago ki leenji icheek `Zerubabel kobooto Jeshua ak kandoik tugul che po kooriigap kwanisyek che po Israel, “Ma kiting'egei yamdao ak okweek keteech tugul kootap Kamuktaindennyo. Ago kiteekyini acheegei `koot Kamuktaindet ne Toroor, Kamuktaindetap Israel, ko uu ye king'atech laitoryat Cyrus laitoryatap Persia.”

KOMONG'U 12:45

Ma amei punootyot anan otwogindet ne nyooru melekto.

ISAIAH 14:1

Amu riiree Kamuktaindet ne Toroor Jakobo, ak ta koleweni Israel, ak konde icheek emennywa; ak konamgei toondet ak icheek, ak konamgei ak kootap Jakobo.

ISAIAH 44:6

Mwaei Kamuktaindet ne Toroor, Laitoryatap Israel, ak ko katyagindennyi Kamuktaindet ne Toroor ne po lugoosyek, kole, aa ne po tai ak ne po let; ama mi Kamuktaindet age kobatena.

ISAIAH 45:20

Oyumgei obwa; oriigu tugul, okweek che ki ochilile pororyosyek: ma tinyei naet icheek che ibei keetitap kanamwennywa ne ki kiwai, ak kosaaei kamuktain ne ma imuuchi kosar.

ISAIAH 61:5

Ak kotononso toek koyaga akwotisyegap keechiirekwok, ak kobatwok mbareenik kipsagarek, ak koek riibiigap sabibukwok.

JEREMIA 14:8

Ee inyee kamang'unetap Israel, yetindennyi eng' peetuutap nyalilda, amu nee si iige toondet eng' emet, ak iige kiprutoiyot ne mastoi koruei kemout agenge?

JEREMIA 17:13

Ee Kamuktaindet ne Toroor, inyee ne ii kamang'unetap Israel, kiyaei kolililan icheek tugul che metoin; kisirchin ng'wony icheek che istoenagei, amu ki kometa Kamuktaindet ne Toroor, kondametutap peek che saptos.

EZEKIEL 13:9

Ak koborye eunnyu maotik che keerei tangoita, ak che ng'orei lembechek: matebee kapkirwoogetap piikyuk, ama kisirchin bukuit ole kisirchin kootap Israel, ama pendi emetap Israel; si onai ole aa Kiptaiyat Kamuktaindet ne Toroor.

EZEKIEL 37:26

Ak kiyomiske ak icheek kogeny eng' kayomiset ne po kaalyeet: egu eng' icheek kayomiset ne wendi agoi koigeny: ak alumde icheek, ak ates, ande oldanyu ne tiliil kwenunnywa agoi koigeny.

EZEKIEL 47:22

Opchei anyun eng' seretap parbareek koek poroteng'wong' kobooto toek che kitebee kwenung'wong', che sichei lagok eng' kwenung'wong'; ak koek icheek eng' okweek lagok che ki kisikyin kaa eng' kwenutap piigap Israel; nyooru poroteet kobootok eng' kwenutap ortinwegap Israel.

HOSEA 3:4

Amu tebyei piigap Israel peetuusyek che chaang' ama tinyei laitoryat, ama tinyei pounindet, ama tinyei tiseiywot, ama tinyei toloita, ama tinyei ephod anan terapik.

KAITOSYEK 18:19

“Kaagoonin kobooto weeriiguk ak tiibiiguk kagoochinoik tugul che kinamjin parak che po tuguuk che tiliileen, che igoochin `piigap Israel Kamuktaindet ne Toroor ko uu ng'atuutyet ne po koigeny. Niito anyun kayomisetap muunyuk ne po koigeny eng' taitap Kamuktaindet ne Toroor eng' inyee ak eng' iyoteng'ung'.”

LUKA 1:72

Si koriiree kwanisyekyok, ak kobwaat kayomisennyi ne tiliil;

JOHANA 10:16

Ak atinye keechiirek alak, che ma po piuni: kanyool aget chooto ak icheek, si kogas kutinnyu: ak koek akweet agenge, ak mestowot agenge.

JOHANA 15:5

Aa keetitap sabibuk, ko oo mooriik: ineendet ne menya, ak amenye ineendet, ko nooto ne yiei logoek che chaang': amu momuuchi oyai kiy okweegei ngo ma mi anee kobootok.

JOHANA 4:22

Osae ne mongen: kisaae acheek ne kingen: amu punu yetunet Yahudik.

POISYONIGAP CHE KIYOKTOI 2:39

Amu neng'wong' kayomisoni, ak lagokwok, ak tugul che mi ole loo, ak tugul che ta koguurei Kiptaiyat Kamuktaindet nenyo kobwonji ineendet.”

POISYONIGAP CHE KIYOKTOI 28:20

Amu niito anyun kasoomok obwa kegeerge ak keng'alaal tugul: amu aa rataat eng' sirimi agobo kamang'unetap Israel.

POISYONIGAP CHE KIYOKTOI 3:25

O weeriigap maotik, ak che po kayomiset ne ki iyomiskei Kamuktaindet ak kwanisyekwok. Ki leenji Abraham, Kiberuuri pororyosyek tugul che po ng'wony eng' keswondeng'ung'.

ROMANIK 9:8

Nooto anyun, icheek koma lagogap poorto che lagogap Kamuktaindet; ago lagogap arorutyet che kiiti koek keswoot.

GALATYEK 4:8

Ago eng' peetuunooto, ki ma ongen Kamuktaindet, ko ki oo otwogigap icheeget che ki ma ko kamuktaik che ma po iman:

EPESOEK 2:19

Nooto anyun ma ko oo toek ak punootik ago oo piigap nganaseet agenge ak che tiliileen, ak che po kootap Kamuktaindet.

EPESOEK 4:18

che imenen eng' nautikwak, che ki kiyai koek kipsagarek eng' saboondap Kamuktaindet, amu perberyo ne mi eng' icheek, amu uuindap mugulelwekwak;

KOLOSAIK 1:21

Ak nganda ki oo kipsagarek eng' peetuusyek che ki kosiirto, ak ki oo puunik eng' kabwaatutikwok eng' poisyonikwok che yaacheen, ko kagotuiyok ineendet nguno,

KOLOSAIK 1:27

che ki cham Kamuktaindet kong'aang'ji kiit ne uu mogornatosyegap toroornatet ne po ung'ootyoniito eng' Pororyosyek, nooto Kristo eng' okweek, kamang'unetap toroornatet:

KOLOSAIK 1:5

amu kamang'unet ne kigegonorwok eng' kipsengwet, ne ki osip ogas eng' ng'olyootap imanit ne po logoiywek che myach,

1 THESSALONIKEK 4:13

Ago ma kimache anyun, che kitupche, oegu che mongen agobo icheeget che ruitos; keele amoaragense, ko uu piik alak che ma tinyei kamang'unet.

1 THESSALONIKEK 4:5

ma eng' mageet ne po kasetap myat, agot ko uu Pororyosyek che ma ingen Kamuktaindet;

2 THESSALONIKEK 2:16

Nguno anyun, ingogaigai Kiptaiyandennyo Jeso Kristo, ak Kamuktaindet Kwandanyo ne ki chamech ak kogoonech kagaigaet ne po koigeny ak kamang'unet ne myee eng' myeeindo,

1 TIMOTEO 1:1

Paulo, kayooktoindet ne po Kristo Jeso ko uu ng'atuutyetap Kamuktaindet Yetindennyo, ak Kristo Jeso ne kamang'unennyo;

HEBRANIK 11:34

ki imis kimnateet ne po maat, kichililye rotwetap chok, ki kigimit komong' eng' nyalulet, ki kimegitu eng' lugeet, ki oon lugosyegap puunik koweekta.

HEBRANIK 6:18

si eng' tuguuk aeng' che ma walaksei, che ma imugaksei eng' Kamuktaindet komwa lembech eng' chooto, kimuuch anyun kenyooru kagaigaet ne kiim, acheek che kigemwechi toreteet si kenam kamang'unet ne ki kinde tainnyo;

HEBRANIK 8:6

Ago kagosich nguno poisyet ne myee kosiir, ko uu nooto agine, ineendet ko katuiyoindet ne po kayomiset ne myee kosiir, ne ki kiyai eng' arorutik che myach kosiir.

1 PETERO 1:21

che oo kayanik eng' Kamuktaindet amu ineendet, ne ki ing'eet ineendet komong' eng' che ki pek, ak kogoochi toroornatet; si kotebi kayaneng'wong' ak kamang'uneng'wong' eng' Kamuktaindet.

1 PETERO 1:3

Iberuurot Kamuktaindet Kwandap Kiptaiyandennyo Jeso Kristo, ne kisichech kogeny eng' rireenennyi ne oo kenyooru kamang'unet ne sabei eng' ng'eetyeetap Jeso Kristo ne ki mong' eng' che ki pek,

1 PETERO 3:15

ago ogonyit Kristo koek Kiptaiyat ne tiliil eng' mugulelwekwok: ak oegu che chobootiin kotugul owolji chii tugul ne teebenok ng'olyoo agobo kamang'unet ne miitei eng' okweek, ago eng' talasyet ak kaiyweisyet:

1 JOHANA 3:3

Ak chii age tugul ne tinyei kamang'unoni agobo ineendet kotiliilegei, ko uu ye tiliil ineendet.