EPESOEK 1:7 - BUKUIT NE TILIIL Sireet ne Dutero Kanon

⁷ ne ki tinyei eng' ineendet katyagennyo eng' korotiikyik, nyoetap kaat ne po chalwogikyok, ko uu mogornatosyegap myeeindonyi,

Bukuit Ne Tilil

⁷ ne ki tinyei eng' ineendet katyagennyo eng' korotiikyik, nyoetap kaat ne po chalwogikyok, ko uu mogornatosyegap myeeindonyi,

BUKUIT NE TILIL

⁷ ne kitinye eng’ inendet katiagennyo eng’ korotikyik, nyoetab kaat ne bo chalwogikyok, ko u magornatosiekab mieindanyi,

EPESOEK 1:7 Referencias Cruzadas

Kitabuutap JOB 33:24

koriiree ineendet anyun, ak kole, ‘Saru ineendet si ma rorokyi Keriinget, kaanyooru katyaget.

TIENWOGIKAL 130:4

Ago miitei nyoetap kaat eng' inyee, si kobiit kiywein.

TIENWOGIKAL 130:7

Ee Israel, imang'u Kamuktaindet ne Toroor; amu mi rireenet eng' Kamuktaindet ne Toroor, ak mi katyaget ne siirei eng' ineendet.

TIENWOGIKAL 86:5

Amu ii myee inyee Kiptaiyat, ak ii choboot inyochi kaat, Ak itinye chaang'indap rireenetapkei eng' icheek che kuurin.

KOMONG'U 34:7

ne italachingei eliphuusyek, ne nyochin kaat piik tengekto ak pistoet ak chalwokto, ma pagaaktoi kiptengekyot age tugul. Igeerchin lagok tengektap kwanisyekwak ak eng' lagogap lagokwak agoi ibindap somok ak ne po ang'wan.”

ISAIAH 43:25

Anee, ee aneendet ne aistoi pistaosyeguk, amu kainennyu; amabwaati tengekwogiguk.

JEREMIA 31:34

Ama koneeti kogeny chii age tugul chiitap kokwennyi, ama koneeti chii age tugul ng'eetap kamet, koleenjin, Nai Kamuktaindet ne Toroor: amu tuun naa icheek tugul, kobooch ne ming'in eng' icheek agoi ne oo, mwaei Kamuktaindet ne Toroor: amu anyochini kaat amu yaityennywa, ama abwaati tengektonywa kogeny.

JONAH 4:2

Ki sa Kamuktaindet ne Toroor kole, “Asaain, ee Kamuktaindet ne Toroor, tos ma ng'olyoondoniito ne ki kamwa ye kingo ta ami emennyu? Ki amwei anyun achakte awe Tarsis amu niito. Ki angen ale ii Kamuktaindet ne po myeeindo ak ne nyiitaat rireenet, ne ma sip konereechi ak kotinyei rireenet ne oo, ak iwale kabwaatutiguk agobo yaityet.

MIKAH 7:18

Ng'oo Kamuktaindet ne uu inyee, ne nyochin kaat piik amu tengekto, ak kosiirtoe pistoetap piik che ki ng'et che po porotennyi? Mateptoi nereegekyik agoi, amu paibaitune rireenet.

SEKARIA 13:1

Tuun kiyaatyin kootap Daudi ak piik che menyei Jerusalem, kondametutap peek eng' peetuunooto, amu tengekto ak murwoonindo.

SEKARIA 13:7

Ng'eet, ee rotwetap chok, porye mestowondennyu, porye chiito ne ki mi tuwai, mwaei Kamuktaindet ne Toroor ne po lugoosyek: pir mestowot, si koiyesta keechiirek; ak atokyi eunnyu che mengeechen.

SEKARIA 9:11

Ago eng' inyee, ko ki ayookte kimonjororiniguk eng' keriinget ne ma mi peek, amu korotiigap kayomiseng'ung'.

MATAYO 20:28

agot ko uu nooto ko ki ma nyo Weeriitap chii keboisyechi, ago si kobois, ak kogoito saboondanyi koek kiit ne kityage che chaang'.”

MATAYO 26:28

amu chu ko korotiikyuk che po arorutyet, che kitumdoi agobo che chaang' ak agobo nyoetap kaat ne po tengekwogik.

MATAYO 6:12

Ak inyoiywech kaat lelutikyok, ko uu ye kinyochini kaat che lelweech.

MARIKO 14:24

Ak koleenji, “Chu ko korotiikyuk che po arorutyet, che kitumdoi agobo che chaang'.

LUKA 1:77

si igoochi piikyik naet ne po yetunet eng' nyoetap kaat ne po tengekwogikwak,

LUKA 24:47

ak keamdaat eng' pororyosyek tugul siguunet ak nyoetap kaat ne po tengekwogik eng' kainennyi, ki taune Jerusalem.

JOHANA 20:23

piik alak tugul che onyochini kaat tengekwogikwak, kenyochin kaat; ak alak tugul che oesyoi onyochi kaat, keesyoi kenyochi kaat.”

POISYONIGAP CHE KIYOKTOI 10:43

Paoryani maotik tugul agobo ineendet kole nyooru nyoetap kaat amu tengekwogikyik eng' kainennyi age tugul ne iyani ineendet.”

POISYONIGAP CHE KIYOKTOI 2:38

Koleenji `Petero icheek, “Osigu, si kibatisan age tugul eng' okweek eng' kaineetap Jeso Kristo agobo nyoetap kaat ne po tengekwogikwok; si otaach konunetap Kabuuset ne Tiliil.

POISYONIGAP CHE KIYOKTOI 20:28

Oriipkei anyun okweeget, kobooto akweet tugul, ne ki koonok Kabuuset ne Tiliil oegu riibiik, obai kanisetap Kamuktaindet, ne ki ale korotiikyik.

POISYONIGAP CHE KIYOKTOI 3:19

Osigu anyun ak owalage, si kobiit kibukto tengekwogikwok, si kobwa anyun peetuusyek che po kamuung'et che punu taitap Kiptaiyat;

ROMANIK 2:4

Anan isase mogornatosyek che po myeeindonyi ak muitaennyi ak talasyennyi ama inai ile imutyinin siguunet myeeindap Kamuktaindet?

ROMANIK 3:24

che kiityin imanda puch eng' myeeindonyi eng' katyaget ne mi eng' Kristo Jeso:

ROMANIK 3:25

ne ki inde Kamuktaindet koek kaptisiisyo eng' kayaneet, eng' korotiikyik, si kobarta imandanyi, amu kachundaetap tengekwogik che ki kisip keyai, eng' muitaetap Kamuktaindet;

ROMANIK 9:23

ak si kobiit kobarta mogornatosyegap toroornatennyi eng' tereenik che po rireenetapkei che kiga sip kochopchi telunateet,

1 KORINTOEK 1:30

Ago oo po ineendet okweek eng' Kristo Jeso, ne ki kiyai eng' Kristo Jeso, ne ki kiyai eng' acheek koek utaatyet ne punu Kamuktaindet, ak imanda, ak tiliilindo, ak katyaget:

2 KORINTOEK 8:9

Amu ongen myeeindap Kiptaiyandennyo Jeso Kristo ole, agot nganda ki mogoryo, ko ki ek kibanania agobo okweek, si kobiit oegu mogoreek eng' panandanyi.

EPESOEK 1:14

ne tongoaniatap porotennyo, agoi katyagetap porotennyi, eng' kalasunetap toroornatennyi.

EPESOEK 1:18

ko kagokweng'ogis konyegap mugulelwekwok, si kobiit onai kiit ne uu kamang'unetap kuursennyi, ak mogornatosyegap toroornatet ne po porotennyi eng' che tiliileen,

EPESOEK 1:6

agoi kalasunetap toroornatetap myeeindonyi, ne ki koonech eng' aiyebindo eng' Chamaneet:

EPESOEK 1:8

che ki yai kotesak eng' acheek eng' utaatyet tugul ak naet,

EPESOEK 2:4

ago Kamuktaindet, ne mogoryot eng' rireenetapkei, eng' chamyennyi ne oo ne ki chamenech,

EPESOEK 2:7

si kobiit kobarta eng' kenyiisyek che pwoonei mogornatosyek che siirtoot che po myeeindonyi eng' talasyet ne tokyineigei eng' Kristo Jeso:

EPESOEK 3:16

si kobiit kogoonok, ko uu mogornatosyegap toroornatennyi, ogimegitu eng' kamuktaet eng' Kabuusennyi eng' chiito ne po oriit;

EPESOEK 3:8

Ki kigoono myeini, anee, ne aa ming'in kosiir ineendet ne ming'in eng' che tiliileen tugul: aamji Pororyosyek mogornatosyegap Kristo che ma isiagaksei;

PILIPIK 4:19

Ago inyiitwok Kamuktaindet nenyu kiit age tugul ne obononi ko uu mogornatosyekyik eng' toroornatet eng' Kristo Jeso.

KOLOSAIK 1:14

ne ki tinyei eng' ineendet katyagennyo, nyoetap kaat ne po tengekwogikyok.

KOLOSAIK 1:27

che ki cham Kamuktaindet kong'aang'ji kiit ne uu mogornatosyegap toroornatet ne po ung'ootyoniito eng' Pororyosyek, nooto Kristo eng' okweek, kamang'unetap toroornatet:

KOLOSAIK 2:13

Ak okweek, che ki oo pegunotin eng' yaitwogikwok ak poorwekwok che ma kimuratan, ki isaabok okweek, kobooto ineendet, ko kagonyoiywech kaat yaitwogikyok tugul;

KOLOSAIK 2:2

si kobiit kigaigai mugulelwekwak, ak keropchin eng' chamyet, ak eng' mogornatosyek tugul che po nyiietap kaguiyet, si kobiit konai icheek ung'ootyetap Kamuktaindet, ineendet Kristo,

1 TIMOTEO 2:6

ne ki igoitogei koek ne kityage tugul; ne tuun kibaoryanjin eng' peetuusyekyik;

TITO 2:14

ne ki igoitogei agobo acheek, si kobiit kotyachech eng' tengekto tugul, ak kotiliiljigei piik koek chechiik, che lewenotin, che igiilegei eng' poisyonik che myach.

TITO 3:6

ne kiroong'wech eng' aiyebindo eng' Jeso Kristo Yetindennyo;

HEBRANIK 9:22

Ak eng' Ng'atuutyet ko uu keele, kitiliili tuguuk tugul eng' korotiik, ak ngo ma mi tumdaetap korotiik koma mi nyoetap kaat.

1 PETERO 2:24

ineendet ne ki ip tengekwogikyok eng' poortanyi eng' keetit parak, si kesapchee eng' imanda; acheek che kiga kebekyi tengekwogik; ki kisaabenok pirutikyik.

1 PETERO 3:18

Amu kime Kristo agine konyil agenge agobo tengekwogik, ineendet ne po imanda agobo che ma po imanda, si kobiit komutyech Kamuktaindet; ne ki kibar eng' poorto, ago ki kisoop eng' saboondo;

1 JOHANA 2:12

Asirwok lagochu mengech, amu kigenyoiywok kaat tengekwogikwok amu kainennyi.

1 JOHANA 2:2

ak ineendet tiseiywot ne po tengekwogikyok; ago ma po tengekwogikyok kityo, ago po komugul ng'wony agine.

1 JOHANA 4:10

Niito chamyet, ma keele ki kicham Kamuktaindet, ago ki chamech ineendet ak koyook Weeriinnyi koek tiseiywot agobo tengekwogikyok.

NG'ANG'UTYET 14:4

Chuuto ko icheeget che ma imurwongei eng' kobogorisyek; amu pergeinik icheeget. Chuuto ko icheeget che isubi Aarwet eng' oldo tugul ole wendi. Ki kial chuuto eng' kwenutap piik, koek tongoanik eng' Kamuktaindet ak eng' Aarwet.

NG'ANG'UTYET 5:9

Ak kotyeni tyendo ne leel, koleen: “Nyoljinin inam bukuit, ak iyat ng'ooksosyekyik, amu ki kibarin, ak eng' korotiguk ko ki ialji Kamuktaindet piik kobun pororyet age tugul, kutit age tugul, piik alak tugul ak emet age tugul.