EPESOEK 1:5 - BUKUIT NE TILIIL Sireet ne Dutero Kanon

⁵ ko uu ye kiga sip kolewenech kenamech keegu weeriik eng' Jeso Kristo eng' ineendet, ko uu chameet ne myee ne po magennyi,

Bukuit Ne Tilil

⁵ ko uu ye kiga sip kolewenech kenamech keegu weeriik eng' Jeso Kristo eng' ineendet, ko uu chameet ne myee ne po magennyi,

BUKUIT NE TILIL

⁵ ko u ye kiga sib kolewenech kenamech keegu werik eng’ Jesu Kristo eng’ inendet, ko u chamet ne mie ne bo magennyi,

EPESOEK 1:5 Referencias Cruzadas

JEREMIA 3:19

Ago ki ale, “Imuktoi ano andein otebi ak lagok ak agoonin emet ne karaaran, poroteet ne myee ne po lugosyegap pororyosyek? Ki abwaati ale, oguureno ‘Abba’; ama omastoi ometa.

JEREMIA 3:4

Tos mechame iriircho kobooch nguno, ile, “Abba, ii kandoindetap ming'inatennyu?”

HOSEA 1:10

Ago tenitu piigap Israel ng'aniegap nyanja che ma kimuuchi kirogendoe kiy anan kiit; ak eng' ole ki kimwachine icheeget keele, “Ma oo piikyuk”, ko tuun ki leenjin, “Oo weeriigap Kamuktaindet ne sabei.”

MATAYO 1:25

nga ma riikyi ineendet kot kosich weeriit, ak koguuree kainennyi Jeso.

MATAYO 11:26

ee, Abba, amu ki icham inyee ko uu nooto.

LUKA 10:21

Eng' sainooto kobaibait Jeso eng' Kabuuset ne Tiliil, ak kole, “Aweegun kongoi, ee Abba, Kiptaiyat ne po kipsengwet ak ng'wony, amu ki iung'e tuguuchu che utaatiin ak che ng'oomeen, ak ki ing'aang'ji manyurunik: ee, Abba; amu ki chamak ko uu nooto eng' taing'ung'.

LUKA 11:32

Tuun tonondos piigap Nineveh ak ibini eng' kirwooget, ak korwookyi: amu kisik icheek eng' amdaetap Jona; ak ogeero, mi yu ne oo kosiir Jona.

LUKA 12:32

Amoiywei, okweek akweet ne ming'in; amu paibai Kwandang'wong' kogoonok laitornatet.

JOHANA 1:12

Ago tugul che kitaach ineendet, ko ki igoochi kamuget koek lagogap Kamuktaindet, icheek che iyani kainennyi,

JOHANA 11:52

ma agobo pororyet ineegei, ago si kobiit koyum lagogap Kamuktaindet che yestootin si kobiit koek agenge.

JOHANA 20:17

Koleenji Jeso, “Ametiinyo; amu tomo atogosyi kap Kwanda; ago ui ole mi tupchosyekyuk, ak ki leenji, ‘Atogosyini kap Abba, ago Abba neng'wong', Kamuktaindennyu ak ko Kamuktaindeng'wong'.’ ”

POISYONIGAP CHE KIYOKTOI 13:48

Kingo kas Pororyosyek ng'olyoondoniito, koboiboitu ak kogonyit ng'olyootap Kamuktaindet; ak koyan tugul che kiga kelewenji saboondap koigeny.

ROMANIK 8:23

Ak ma uu nooto kityo, ago agot acheek, che ki tinyei tongoanigap Kabuuset ne Tiliil, ketigendosi agacheek eng' oriit, kigeni keyaech keegu lagok, nooto ko katyagetap poorwekyok.

1 KORINTOEK 1:1

Paulo, ne ki kiguur koek kayooktoindet ne po Kristo Jeso eng' mageetap Kamuktaindet, ak Sosten tupchennyo,

1 KORINTOEK 1:21

Amu eng' utaatyet ne po Kamuktaindet koma nai ng'wony Kamuktaindet eng' utotyennyi, ki cham Kamuktaindet kosar icheeget che iyani, eng' perberyo ne po ng'olyoot ne ki amdoi.

2 KORINTOEK 6:18

Ak aegu Kwanda eng' okweek, Ak oegu weeriik ak tiibiik eng' anee, Mwaei Kiptaiyat Ne po Kamuktaet.

GALATYEK 3:26

Amu okweek tugul ko oo weeriigap Kamuktaindet, eng' kayaneet, eng' Kristo Jeso.

EPESOEK 1:11

ne kiyaech eng' ineendet keegu porotennyi, ko kasip kolewenech, ko uu mageetap ineendet ne yaei tuguuk tugul ko uu kabwaatetap magennyi;

EPESOEK 1:9

ko kagoboorwech ung'ootyet ne po magennyi, ko uu chamennyi ne myee ne ki chop eng' ineendet

PILIPIK 2:13

amu Kamuktaindet ne poisyei eng' okweek si omach, ak oboisyee agine, agobo magennyi ne myee.

KOLOSAIK 1:19

Amu ki chamak komyee keele komeny nyiyet tugul eng' ineendet;

2 THESSALONIKEK 1:11

Nooto anyun kisaiywok kotugul, si kobiit koiitok Kamuktaindet nenyo kole onyolu eng' kuurseng'wong', ak kosulda mageet age tugul ne po myeeindo ak poisyet age tugul ne po kayaneet, eng' kamuktaet;

HEBRANIK 2:4

ak kibaoryani agine Kamuktaindet kobooto icheeget, eng' kaboorunoik ak kwang'utik, ak eng' kamugosyek che teerchiin, ak eng' kagoitaosyegap Kabuuset ne Tiliil, ko uu magennyi.

1 JOHANA 3:1

Ogeero, chamyet ne uu nee ne ki chamenech Kwanda, kot keguurenech lagogap Kamuktaindet! Ago ki chooto acheek. Amu niito anyun, koma ingenech ng'wony, amu ki ma nai ineendet.

NG'ANG'UTYET 21:7

Ineendet ne iterteeri konamei tuguuchu; ak aegu Kamuktaindet nenyi, ak koek ineendet weeriinnyu.