EPESOEK 1:3 - BUKUIT NE TILIIL Sireet ne Dutero Kanon

³ Iberuurot Kamuktaindet Kwandap Kiptaiyandennyo Jeso Kristo, ineendet ne ki koberuurech eng' konunotyot age tugul ne po Kabuuset eng' kipsengwet eng' Kristo:

Bukuit Ne Tilil

³ Iberuurot Kamuktaindet Kwandap Kiptaiyandennyo Jeso Kristo, ineendet ne ki koberuurech eng' konunotyot age tugul ne po Kabuuset eng' kipsengwet eng' Kristo:

BUKUIT NE TILIL

³ Iberurot Jehovah Kwandab Kiptaiyandennyo Jesu Kristo, inendet ne kigoberurech eng’ kaberuret age tugul ne bo tamirmiriet eng’ komoswekab kipsengwet eng’ Kristo:

EPESOEK 1:3 Referencias Cruzadas

TAUNET 14:20

Ingoberuurok Kamuktaindet Ne Toroor Miising', ne kaimut ak konde puuniguk euneguk!” Ak ki igoochi `Abram Melkisedek kebeberta ne po taman ne po kiy tugul.

TAUNET 22:18

ak tuun kiberuuri pororyosyek tugul che po ng'wony eng' keswondeng'ung'; amu kegas iit kutinnyu.”

1 ATEPTAP PEETUUSYEK 29:20

Yeityo koleenji `Daudi tuiyet tugul, “Olasu Kamuktaindet ne Toroor Kamuktaindeng'wong'.” Ak ki ilas tuiyet komugul Kamuktaindet ne Toroor, Kamuktaindetap kwanisyekwak, ki ing'uruuk ak kogutung'ji Kamuktaindet ne Toroor, ak laitoryat.

1 ATEPTAP PEETUUSYEK 4:10

Ki kuur Jabes Kiptaiyat Kamuktaindetap Israel, koleenji, “Myee iberuuro iman ak ites kiwotennyu, ingotebi eung'ung' kobooto, ak iriibo eng' yaityet, si ma aorogen! Ak ki igoochi `Kamuktaindet ineendet tuguuk che kiga soom.”

2 ATEPTAP PEETUUSYEK 31:8

Kingo nyo Hezekiah ak pounik ak kogeer kayumanik, kolas Kamuktaindet ne Toroor ak piikyik Israel.

NEEMIA 9:5

Yeityo komwa Lawiik: Jeshua, Kadmiel, Bani, Hasabeneia, Serebia, Hodia, Sebania ak Petaia kole, “Otononie ak olasu Kamuktaindet ne Toroor, Kamuktaindeng'wong' kobooch koigeny agoi koigeny.” Ingoberuurok kaineng'ung' ne po toroornatet, ne itoroorot kosiir kaberuret tugul ak kalasunet.

TIENWOGIKAL 134:3

Ingoberuurin Kamuktaindet ne Toroor eng' Zion; ineendet ne ki yai kipsengwet ak ng'wony.

TIENWOGIKAL 72:17

Tebyei kainennyi koigeny; Tebyei kainennyi kota komi asiista: Ak kiberuuri piik eng' ineendet; Ak kuure pororyosyek tugul ne paibai.

TIENWOGIKAL 72:19

Ak iberuurot kainennyi ne tinyei toroornatet agoi koigeny; Ak ingonyi ng'wony komugul toroornatennyi. Amen, ak Amen.

ISAIAH 61:9

Ak konaak iyotennywa eng' pororyosyek, ak konaak lagokwak eng' piik: ak naei piik tugul icheek ye keer, kole, chu iyoteet ne ki koberuur Kamuktaindet ne Toroor.

LUKA 2:28

konam anyun lakweet eng' eunekyik, ak kolas Kamuktaindet kole,

JOHANA 14:20

Eng' peetuunooto onai ole ami eng' Abba, ak okweek eng' anee, ak anee eng' okweek.

JOHANA 17:21

si kobiit koek icheek tugul agenge; ko uu ye imi inyee Abba, eng' anee, ak anee eng' inyee, si kobiit kotep icheek eng' acheek: si kobiit koyan ng'wony kole ki iyookwo.

JOHANA 20:17

Koleenji Jeso, “Ametiinyo; amu tomo atogosyi kap Kwanda; ago ui ole mi tupchosyekyuk, ak ki leenji, ‘Atogosyini kap Abba, ago Abba neng'wong', Kamuktaindennyu ak ko Kamuktaindeng'wong'.’ ”

ROMANIK 12:5

ko uu nooto eng' acheek che ki chaang', kiborto agenge eng' Kristo, ak ki kebeberta age tugul ne po age.

ROMANIK 15:6

si kobiit otoroor Kamuktaindet ineendet Kwandap Kiptaiyandennyo Jeso Kristo eng' mageet agenge ak kutit agenge.

1 KORINTOEK 1:30

Ago oo po ineendet okweek eng' Kristo Jeso, ne ki kiyai eng' Kristo Jeso, ne ki kiyai eng' acheek koek utaatyet ne punu Kamuktaindet, ak imanda, ak tiliilindo, ak katyaget:

1 KORINTOEK 12:12

Amu ko uu ye agenge poorto, ak kotinyei kebeberwek che chaang', ak kebeberwek tugul che po poorto, agot ngo chaang', ko poorto agenge; ko uu nooto agine Kristo.

2 KORINTOEK 1:3

Iberuurot Kamuktaindet ne Kwandap Kiptaiyandennyo Jeso Kristo, Kwanda ne po rireenosyek ak Kamuktaindet ne po kagaigaet tugul;

2 KORINTOEK 11:31

Ingen Kamuktaindet Kwandap Kiptaiyat Jeso, ne iberuurot koigeny, kole magenu.

2 KORINTOEK 5:17

Nooto anyun, ngo mi chii age tugul eng' Kristo, kogigeyai ineendet koek chiito ne leel: kagosiirto tuguuk che po keny; ogeero, kagoek che leelach.

2 KORINTOEK 5:21

Ineendet ne ki ma kongen tengek, kogiyai ineendet koek tengek amu acheek; si kobiit keegu imanda ne po Kamuktaindet eng' ineendet.

GALATYEK 3:9

Nooto anyun, kiberuuri icheeget che po kayaneet kobooto Abraham ne iyanaat.

EPESOEK 1:10

agoi tononjinet ne po riipseetap peetuusyek che yamegei, si koyum tuguuk tugul eng' Kristo, tuguuk che mi kipsengwet, ak tuguuk che mi ng'wony eng' ineendet,

EPESOEK 1:17

ale ingogoonok Kamuktaindet ne po Kiptaiyandennyo Jeso Kristo, Kwanda ne po toroornatet, Kabuuset ne po utaatyet ak ng'ang'utyet eng' naetap ineendet;

EPESOEK 1:20

ne ki yai eng' Kristo, ye kingo ng'eet ineendet komong' eng' che ki pek, ak konde ineendet kotebee eunnyi ne po tai eng' komoswegap kipsengwet;

EPESOEK 2:6

ak ki ing'eetech kobooto ineendet, ak ki koonech ketebi kobooto ineendet eng' komoswegap kipsengwet, eng' Kristo Jeso:

EPESOEK 3:10

si kobiit konaak eng' kaniset nguno utaatyet ne oo ne po Kamuktaindet eng' laitornatosyek ak pounatosyek eng' komoswegap kipsengwet,

EPESOEK 6:12

Amu ma po kabelennyo pogei poorto ak korotiik, ago po laitornatosyek, ak kimnatosyek, eng' pounigap ng'wonyuni che po mesundeito, eng' lugosyegap tamirmirik che po yaityet eng' komoswegap kipsengwet.

PILIPIK 2:11

si kong'aany ng'elyepta age tugul kole Jeso Kristo ko Kiptaiyat, agoi toroornatetap Kamuktaindet Kwanda.

HEBRANIK 8:5

che poisyei eng' karogutyet ak urwetap tuguuk che po kipsengwet, ko uu ye ki kiteechi Musa ye kimachei kotonon emait: amu ki leenji, Riip, si iyai tuguuk tugul ko uu kergeindo ne ki kiboorun eng' tulweet.

HEBRANIK 9:23

Kinyolu anyun kitiliil itoonwegap tuguuk che po kipsengwet eng' chooto; ago kitiliile tuguuk che po kipsengwet tiseiywek che myach kosiir chuuto.

1 PETERO 1:3

Iberuurot Kamuktaindet Kwandap Kiptaiyandennyo Jeso Kristo, ne kisichech kogeny eng' rireenennyi ne oo kenyooru kamang'unet ne sabei eng' ng'eetyeetap Jeso Kristo ne ki mong' eng' che ki pek,