AMOS 9:4 - BUKUIT NE TILIIL Sireet ne Dutero Kanon

⁴ Agot ngo luul puunikwak, ang'ate rotwetap chok eng' olooto, si kobar icheek; ak atokyigei icheek aipchi yaityet, ma ipchini kiit ne myee.

Bukuit Ne Tilil

⁴ Agot ngo luul puunikwak, ang'ate rotwetap chok eng' olooto, si kobar icheek; ak atokyigei icheek aipchi yaityet, ma ipchini kiit ne myee.

BUKUIT NE TILIL

⁴ Agot ngo luul bunikwak, ang’ate rotwetab chok eng’ oloto, si kobar ichek: ak atokyige ichek aipchi yaitiet, maipchini kit ne mie.

AMOS 9:4 Referencias Cruzadas

TAUNET 44:21

Ak ki ileenjech acheek otwogiguk, ‘Omutwaa, kochoorgei ole ami, si kobiit ageer ineendet eng' konyekyuk.’

2 ATEPTAP PEETUUSYEK 16:9

Amu pendoti konyegap Kamuktaindet ne Toroor eng' ng'wony komugul, koboortogei kole kiim agobo icheeget che ititaatiin mugulelwekwak eng' tainnyi. Koiyai kioto eng' perberyo; amu kobooch nguno ko kenyooru lugoosyek agoi.”

TIENWOGIKAL 34:17

Ye ki riiryo che po iman, ko ki kas Kamuktaindet ne Toroor, ak ki sar icheek eng' nyalilwogikwak tugul.

KOMONG'U 14:24

Eng' riipseet ne po karon, kogeerot Kamuktaindet ne Toroor lugeetap Misiri, kogeerunee toloitap maat ak ne po pooldet ak kogochi lugeetap Misiriik koaragenso.

JEREMIA 12:12

Katogosta piik che luulsei koba tuloonook tugul che churyotin eng' surkwen. Amu parisyei rotwetap chok ne po Kamuktaindet ne Toroor kobooch tabanda age ne po emet, agoi tabanda age. Ara ma mi chii ne tinyei kaalyeet.

JEREMIA 21:10

Amu kaatokyi togeennyu nganasani aipchi yaityet, ma agobo myeeindo, mwaei Kamuktaindet ne Toroor; kindoi eutap laitoryatap Babilon si kobeel.

JEREMIA 24:6

Amu ageere icheek si kotep eng' myeeindo, ak amutu kogeny kobwa emoni: ak ateech icheek, ak ma abute; amiine, ama atutu.

JEREMIA 39:12

imut ineendet ak iriip komyee, ameyachi kiy ne ya; ago yachi ko uu ye mwaun ineendet.

JEREMIA 39:16

ui, ak ing'alaalji Ebed-melek Ethiopiaindet, ileenji, mwaei Kamuktaindet ne Toroor ne po lugoosyek, Kamuktaindetap Israel, kole: Keero, aipchini ng'aleekyuk nganasani agobo yaityet, ma agobo myeeindo; ak isuldoi eng' taing'ung' eng' peetuunooto.

JEREMIA 44:11

Mwaei anyun Kamuktaindet ne Toroor ne po lugoosyek, Kamuktaindetap Israel, kole: Ogeero, atokyinok togeennyu aibwok yaityet, agoi ageesu Judah tugul.

EZEKIEL 5:12

Meei kebeberta agenge eng' somok eng' inyee eng' koroito, ak kigeesu icheek eng' rubeet eng' kwenung'ung'; ak kobek eng' rotwetap chok kebeberta agenge eng' somok, eng' komosweguk tugul; ak aseer kebeberta agenge eng' somok koba koriswek tugul, ak ang'usu rotwetap chok koosup icheek.

EZEKIEL 5:2

Ak ibeel kebeberta agenge eng' somok eng' kwenutap nganaseet, ye kagosulda peetuusyegap yiemet; ak iip kebeberta age eng' somok ak irarate iep kotuiyo eng' rotwonooto po chok; ak iseerte kebeberta agenge eng' somok koip usoonet, ak ang'usu rotwetap chok asube icheek.

ATEPTAP LAWIK 17:10

“Ngo am korotiik alak tugul chii age tugul ne po kootap Israel, anan ne po punootik che tebyei kobootok, ko wechei togeennyu ineendet ne amei korotiik, ak ang'etoi ineendet eng' piikyik.

ATEPTAP LAWIK 26:33

Ak aiyestochok pororyosyek alak, ak ang'usu rotwetap chok kosubok. Koguber anyun emeng'wong', ak koek karotwek nganasookwok.

AMOS 9:8

Keerei konyegap Kiptaiyat Kamuktaindet ne Toroor pounateet ne tinyei tengekto, ak ang'em aiste eng' ng'wony; kobatee ma ng'eme ageesu kootap Jakobo, mwaei Kamuktaindet ne Toroor.

SEKARIA 8:10

Amu kingo tomo koit peetuusyechooto ko ki ma konyooru chii melekto, ak ki ma keyaaktoi kiy agobo tyony. Ki ma komi kaalyeet eng' ineendet ne mandoi ak eng' ineendet ne nyoonei amu puunyoot; amu ki agoochi koboryo chii age tugul ak chiitap kokwennyi.