AMOS 7:2 - BUKUIT NE TILIIL Sireet ne Dutero Kanon

² Ak ye kingo kagoam susweek kogees eng' emet, ale anyun, “Ee Kiptaiyat Kamuktaindet ne Toroor, asaain ale, nyochi kaat. Tonondoi ano Jakobo? Ming'in inee miising'!”

Bukuit Ne Tilil

² Ak ye kingo kagoam susweek kogees eng' emet, ale anyun, “Ee Kiptaiyat Kamuktaindet ne Toroor, asaain ale, nyochi kaat. Tonondoi ano Jakobo? Ming'in inee miising'!”

BUKUIT NE TILIL

² Ak ye kingo kagoam suswek koges eng’ emet, ale anyun, Ee Kiptaiyat Jehovah, asain ale, nyochi kaat: tonondoi ano Jakobo? Amu ming’in.

AMOS 7:2 Referencias Cruzadas

TIENWOGIKAL 12:1

Saru, ee Kamuktaindet ne Toroor, amu ma komi chiitap iman; kagobetyo kayanik eng' kwenutap weeriigap piik.

KOMONG'U 10:15

Amu ki tuch emet komugul, kot koimenit. Ki am keet age tugul ne tuon ne mi emet, ak logoek tugul che po keetiik che ki ng'etune koigap ropta. Ki ma ng'et keet age tugul ne nyaliil, anan keet age tugul ne tuon ne mi timiin, eng' emet komugul ne po Misiri.

KOMONG'U 34:9

Yeityo komwa kole, “Ngo kaanyooru nguno chameet eng' taing'ung', Ee Kiptaiyat, asaain ale ingocham Kiptaiyat keebe tugul amu uueen kaat pichu. Nyoiywech kaat tengekwogikyok ak chalwogikyok ak inamech keegu poroteng'ung'.”

ISAIAH 37:4

Abeere imuuchi kogas Kamuktaindet ne Toroor Kamuktaindeng'ung' ng'aleegap Rabsake, ne kagoyok laitoryatap Assyria kiptaiyandennyi, konyo kochot kamuktaindet ne sabei, ak koger kong' ng'aleek che kagas Kamuktaindet ne Toroor Kamuktaindeng'ung': ara anyun saa agobo piik che ng'etunotiin.

ISAIAH 51:19

Kagobutyin tuguuchuuto aeng'u; ng'oo anyun ne riirchinin? Kubernateet ak ng'emisyet, ak rubeet kobooto rotwetap chok; agoigoitoin ano anyun?

JEREMIA 14:7

Nga paoryanjinech tengekwogikyok, iboisye ee Kamuktaindet ne Toroor, amu kaineng'ung'. Amu chaang' kachuchugosyekyok pogei, ak kigeyaun acheek tengek.

JEREMIA 42:2

ak koleenji maotyot Jeremiah, Kisoomin keele, kaswech soomennyo, ak saiywech Kamuktaindet ne Toroor Kamuktaindeng'ung', acheek tugul che ki king'etu; amu ki king'etu piik che ng'ering' eng' piik che chaang', ko uu ye igeerech:

EZEKIEL 11:13

Ak kime Pelatiah weeriitap Benaiah ye ki amaoteni, ki abut anyun kot kotiiny togeennyu ng'wony, ak ariir eng' kutit ne oo, ale, ee, Kiptaiyat Kamuktaindet ne Toroor! Tos igeesu che ki ng'et che po Israel?

EZEKIEL 9:8

Ak ye kita kobarisyoti, ak kigang'etu eng' yooto, abut kot kotiiny togeennyu ng'wony, ak ariir, ak amwa ale, ee, Kiptaiyat Kamuktaindet ne Toroor! Tos ibare piik tugul che ki ng'et che po Israel eng' nereegeguk che ng'woneen che roong'jingei Jerusalem?

JOEL 2:17

Ingoriiryo tisiik, kiboitinigap Kamuktaindet ne Toroor, eng' kwenutap keterut ak kaptisisyet, ak ingomwa kole, ee Kamuktaindet ne Toroor, riiree piiguk, amegoochi poroteng'ung' kechot, kot koboi pororyosyek icheek: amu nee anyun si komwa pororyosyek kole, mi ano Kamuktaindennywa?

AMOS 4:9

Ki abirenok chelalityet ak uchatet, ki am munene mbareenikwok che chaang' ak mbareenikwok che po sabibuk, ak mogoonikwok ak mseitunikwok; ago tomo oweekyage, mwaei Kamuktaindet ne Toroor.

AMOS 7:5

Yeityo amwa ale, “Ee Kiptaiyat Kamuktaindet ne Toroor, asaain ale isiis! Tonondoi ano Jakobo? Ming'in inee miising'!”

SEKARIA 4:10

Amu ng'oo ne ki kosas peetuutap tuguuk che mengeechen? Amu tuun poiboitu icheek, ak kogeer kiit ne kilititisye eng' eutap Zerubabel. Komwaiwa malaikaiyat kole, “Tuguuchu tisap ko konyegap Kamuktaindet ne Toroor; pendoti chooto eng' ng'wony komugul.”

NG'ANG'UTYET 9:4

Ki kimwachi icheek keleenji amat kong'em susweegap ng'wony, anan kiy age tugul ne tuon, anan ko keetit age tugul, ago pichooto icheegei che ma tinyei ng'ooksetap Kamuktaindet eng' togoochikwak.