AMOS 5:18 - BUKUIT NE TILIIL Sireet ne Dutero Kanon

¹⁸ Pwo eng' okweek che omache peetuutap Kamuktaindet ne Toroor! Amu nee si omache peetuutap Kamuktaindet ne Toroor? Mesundeito peetuunooto, ma lapkeiyet;

Bukuit Ne Tilil

¹⁸ Pwo eng' okweek che omache peetuutap Kamuktaindet ne Toroor! Amu nee si omache peetuutap Kamuktaindet ne Toroor? Mesundeito peetuunooto, ma lapkeiyet;

BUKUIT NE TILIL

¹⁸ Bwa eng’ okwek che omache betutab Jehovah! Amu nee si omache betutab Jehovah? Mesundeito betunoto, ma lapkeiyet;

AMOS 5:18 Referencias Cruzadas

ISAIAH 13:6

Oteiye, amu kagoriik peetuutap Kamuktaindet ne Toroor; nyoonei ko uu ng'emisyet ne punu Ineendet Ne po Kamuktaet.

ISAIAH 24:18

Ineendet ne mwee polatetap kaiyweisyet kobutyi keriinget; ak ineendet ne togosune keriinget konamei mesteet. Amu yaatatin tirisyok eng' parak, ak potandos lumeiywegap ng'wony.

ISAIAH 5:19

che mwaei kole, “Ingochaakta ineendet, kochokyi poisyennyi, si kobiit kegeer. Ingorik konyo kirwoogetap Ineendet ne Tiliil ne po Israel, si kobiit kenai!”

ISAIAH 5:30

Ak komororchi icheek eng' peetuunooto ko uu mororetap nyanjet. Ak ngo keer chii emet, ogeero, mi mesundeito ak pichiindo, ak koimenit lapkeiyet eng' polikyik.

ISAIAH 58:2

Ago cheeng'a peetuut age tugul, ak chamei konai ortinwekyuk: ko uu pororyet ne ki yai imanda, ama meto kirwoogetap Kamuktaindennywa, teebena kirwoogutik che po iman, chamei koriikyi Kamuktaindet.

ISAIAH 8:22

ak kogeer ng'wony, ago ogeero, mi pichiindo ak mesundeito, mesundeito ne po ndara; ak keonji icheek mesundeito ne oo.

ISAIAH 9:19

Ki kolal emet eng' nereegegap Kamuktaindet ne Toroor ne po lugoosyek, kagoigei piik kweenik che kilaali; ma riiree chii ng'eetap kamet.

JEREMIA 13:16

Ogonyit Kamuktaindet ne Toroor Kamuktaindeng'wong', kotom koip mesundeito konyo, kotom kinach keelyekwok eng' tuloonoogap mesundeito. Ak ye ocheeng'e lapkeiyet, kowal koek urwetap meet ak koyai koek mesundeito ne oo.

JEREMIA 17:15

Keero, mwaiwo icheek koleenjino, “Mi ano ng'olyootap Kamuktaindet ne Toroor? Ingonyo nguno!”

JEREMIA 30:7

Pwo eng' peetuunooto, peetuut ne oo ne ma mi ne kergei: peetuutap nyalilda eng' Jakobo; nga kisaru eng' nyalilato.

EZEKIEL 12:22

Ee weeriitap chii, nee kalewenoni otinye eng' emetap Israel, oleen, Kigogagei peetuusyek, ak koek puch ng'ang'utyet age tugul?

EZEKIEL 12:27

Ee weeriitap chii, keero, leen kootap Israel, Ng'ang'utyet ne keerei ineendet ko po peetuusyek che chaang' che pwoonei, ak komaoteni ineendet agobo peetuusyek che ta ko looen.

JOEL 1:15

Pwo amu peetuunooto! Amu kagoriik peetuutap Kamuktaindet ne Toroor, ak nyoonei ko uu ng'emisyet ne punu Ineendet Ne po Kamuktaet.

JOEL 2:10

Potani emet eng' tainnywa; potandos kipsengwet: imenitu asiista ak arawet, ama kooluu kecheik.

JOEL 2:11

Ak kotwek Kamuktaindet ne Toroor eng' taitap lugeennyi; amu oo kabuureitanyi; amu kiim ineendet ne yaei ng'olyoondennyi kosulda; amu oo peetuutap Kamuktaindet ne Toroor ak komuisei miising'; ng'oo ne imuuchi komuita?

JOEL 2:31

Ak koimenit asiista, ak koigei korotiik arawet, kotom koit peetuut ne oo ne imuisei ne po Kamuktaindet ne Toroor.

OBADIA 1:15

Amu kariikyi `peetuutap Kamuktaindet ne Toroor pororyosyek tugul. Ko uu ye ki iyai, keyaun ko uu nooto; weekyingei meting'ung' poisyoniguk.

MALAKI 4:1

Mwaei Kamuktaindet ne Toroor ne po lugoosyek kole, “Ogeero, nyoonei peetuut ne lalei ko uu maat ne oo, ak igeitu mobeek menotik tugul, kobooto icheek tugul che yaei tengekto. Ak peelei icheek peetuut ne nyoonei kot ko ma ng'etyi tigityot anan ko mornet.

NG'ATUTIK 32:24

Sagitos eng' rubeet, Kibeelei eng' maat ne koroom, ak ng'emisyet ne ng'waan. Ayookyini kelegap tyong'ik, kobooto ng'wonetap che ichuutegei ng'wony che po temburyek.

2 PETERO 3:10

Ago tuun nyoonei peetuutap Kiptaiyat ko uu choriin; ne siirtoe kipsengwet eng' cheet ne oo, ak kochootyo tuguuk tugul che ki kiyae ng'wony ak parak eng' maat ne koroom, ak kolal ng'wonyut ak poisyonik che mi.

2 PETERO 3:4

ak komwaei koleen, Mi ano arorutyetap nyonunennyi? Amu, kobooch ye kingo ruiyo kwanisyekyok, komi tuguuk tugul ko uu kiit ne ki uu kobooch taunetap yaetap ng'wony.