AMOS 5:16 - BUKUIT NE TILIIL Sireet ne Dutero Kanon

¹⁶ Mwaei anyun Kamuktaindet ne Toroor, Kamuktaindet ne po lugoosyek, ineendet Kiptaiyat, kole, piitu kateeiyet eng' ortinwek tugul che paraen; ak komwa eng' ortinwek tugul kole, pwo! pwo! Ak koguur kabatindet konyo koriir, ak koguur che ingen koteiyo, koriiryo.

Bukuit Ne Tilil

¹⁶ Mwaei anyun Kamuktaindet ne Toroor, Kamuktaindet ne po lugoosyek, ineendet Kiptaiyat, kole, piitu kateeiyet eng' ortinwek tugul che paraen; ak komwa eng' ortinwek tugul kole, pwo! pwo! Ak koguur kabatindet konyo koriir, ak koguur che ingen koteiyo, koriiryo.

BUKUIT NE TILIL

¹⁶ Mwaei anyun Jehovah, Kamuktaindet ne bo lugosiek, inendet Kiptaiyat, ko u ni kole: Biitu kateeiyet eng’ ortinwek tugul che baraen; ak komwa eng’ ortinwek tugul kole, Bwa! Bwa! Ak koguur kabatindet konyo korir, ak koguur che ingen koteiyo, koririo.

AMOS 5:16 Referencias Cruzadas

2 ATEPTAP PEETUUSYEK 35:25

Ak ki riir Jeremiah agobo Josiah: ak ki riirchi Josiah tyeniik tugul che murenik ak kwonyiik, eng' riirekwak agoi kora; ak ki yachi icheek kayomiset eng' Israel: ak ogeero, siraatiin eng' bukuitap riirek.

ISAIAH 15:8

Amu ki koit riirek kiwotosyek tugul che po Moab; kiit kateiyennyi Eglaim, ak kiit kateiyennyi Beer-elim.

ISAIAH 22:12

Eng' peetuunooto ko ki kuurso Kiptaiyat Kamuktaindet ne Toroor ne po lugoosyek, si kobiit oriirye ak oteiye, si ocheru metowek ak olaach kuniok.

JEREMIA 30:5

Amu mwaei Kamuktaindet ne Toroor kole: Kigegas tuugeet ne po potanet, ak ne po kaiyweisyet, ne ma po kaalyeet.

JEREMIA 4:31

Amu ki agas waagaat ne uu ne po kwondo ne machei kosich taaitanyi, kutitap cheptap Zion ne isyenyi, ne iitoi eunekyik ak komwaei koleen, pwo eng' anee! Amu tanui saboondanyu eng' taitap rumiik.

JEREMIA 9:10

Amu ariire ak atei agobo tuloonook, ak amosiseni agobo ole agete tuguuk eng' surkwen, amu kagolalyo, kot koma kobunei chii; ama komuuchi kogas piik kautetap tuuga; kogomwei toriitigap parak ak tyong'ik.

JEREMIA 9:16

Ak ayestochi icheek pororyosyek, che ki ma nai icheek anan kwanisyekwak. Ayooktoi rotwetap chok koosup icheek, kot ageesu.”

HOSEA 4:3

Riirei anyun emet, ak nyaluli age tugul ne menyei olooto, kobooto tyong'igap timiin ak toriitigap parak, ee agot njireenigap nyanja ko pegu ak icheek.

JOEL 1:11

Olilanse, ee okweek kabotik, oteiye, ee okweek saborigap keetiigap sabibuk, agobo nganuuk ak baale; amu kagong'emak kesisyet.

JOEL 1:14

Otabaan karugutetapkei, oguur tuiyet ne po kaming'inetapke. Oyum poisyek kobooto piik tugul che menyei emet kobwa kootap Kamuktaindet ne Toroor Kamuktaindeng'wong', ak oriirchi Kamuktaindet ne Toroor.

JOEL 1:15

Pwo amu peetuunooto! Amu kagoriik peetuutap Kamuktaindet ne Toroor, ak nyoonei ko uu ng'emisyet ne punu Ineendet Ne po Kamuktaet.

JOEL 1:8

Oteeiye ko uu pergeiyat ne iyuegei kuniet agobo manong'otyotap ming'inatennyi.

AMOS 3:13

Ogas okweek, ak obaoryanji kootap Jakobo, mwaei Kiptaiyat Kamuktaindet ne Toroor, Kamuktaindet ne po lugoosyek.

AMOS 5:27

Agoitook anyun keluulok, kimutak osiir Damasko, mwaei Kamuktaindet ne Toroor, ne kainennyi ko Kamuktaindet ne po lugoosyek.

AMOS 8:10

Awale igoorwekwok koek riirek, ak awal tyenwogikwok tugul koek kateiyet; agoochini piik tugul kogermenegei kuniok, ak koam poosto chii tugul; ayae nooto koek che kiriirchin weeriit ne ki kiii ineegei, ak ayae kagesunennyi koek peetuut ne ng'waan.”

AMOS 8:3

Ak koek tyenwogik che po Hekaluut kateiyosyek eng' peetuunooto, mwaei Kiptaiyat Kamuktaindet ne Toroor; chaang'itu muuswek; eng' siiseet ko wiirtoi muuswechooto eng' komosta age tugul.

MIKAH 1:8

Ateei ak awaache amu niito, awendi ko kagireegunena ngoroik ak ami aach ngor: ateei ko uu lelwek, ak ariire ko uu tyong'igap songolik.

MIKAH 2:4

Mwaei eng' peetuunooto kalewenet agobo inyee, ak koriir eng' riirek che ng'woneen, kole, ka keng'emech kigeswech: walei kebebertap piikyuk: istoena kiito kot koit ano! Pchechin ngelelik mbareenikyok.

NG'ANG'UTYET 18:10

kotonondos eng' ole loo amu kayweetap ng'wanindanyi, koleen, “Pwo! Pwo! Wee nganaseet ne oo, Babilon, nganaseet ne kiim! Amu kait kirwoogeng'ung' eng' sait agenge.”

NG'ANG'UTYET 18:19

Ak kolakyin temburyek metowekwak, ak kowaachei, koriirtos ak koteeitos, koleen, “Pwo! Pwo! Wee nganasani oo, ole ki egune mogore piik tugul che ki tinyei melisyekwak eng' nyanjet amu ooindap kamanuutyennyi! Amu kait ng'emisyennyi eng' sait agenge.