AMOS 5:11 - BUKUIT NE TILIIL Sireet ne Dutero Kanon

¹¹ Amu ki otyechatyech kibananook, ak omage icheek peek eng' kimnateet. Ki oteech anyun kooriik eng' koik che ki kiwai, ago momenye koorchooto; ki omiin mbareenik che korooron che po sabibuk, ago moee divaikwak.

Bukuit Ne Tilil

¹¹ Amu ki otyechatyech kibananook, ak omage icheek peek eng' kimnateet. Ki oteech anyun kooriik eng' koik che ki kiwai, ago momenye koorchooto; ki omiin mbareenik che korooron che po sabibuk, ago moee divaikwak.

BUKUIT NE TILIL

¹¹ Amu kiotiechatiech kibananok, ak omage ichek bek eng’ kimnatet: kioteech anyun gorik eng’ koik che kigiwai, ago momenye gorjoto; kiomin mbarenik che kororon che bo sabibuk, ago moee divaikwak.

AMOS 5:11 Referencias Cruzadas

Kitabuutap JOB 20:19

Amu ki inyaliil kibananook ak kometo, ki korep koot eng' koroomnateet, ak ma teechei kogeny.

ISAIAH 16:10

Kageisto kagasetapkei ak poiboiyet eng' mbareet ne rurei; ak ma piitu tyenwogik eng' mbareenik che po sabibuk, ama kigasei tweguunetap poiboiyet; ma mi chii ne tyechei divaik eng' ole kituisye; kaawong'u polatetap kesisyet.

EZEKIEL 26:12

Ak koluul mogornatosyeguk, ak koluul tuguuguk che po mung'aaret: ak kobut irimoiguk, ak kong'em kooriguk che korooron: ak kowiirchi peek koiguk ak keetiiguk ak ng'ung'unyeguk.

EZEKIEL 34:21

Amu ki otoortaisye karaaswekwok ak tigigoikwok, ak otoore kuinoikwok tugul che ki myandos, kot oseer koba oldo tugul;

HOSEA 9:2

Mabaei icheek rwanyut ne kiboorsee ak ole kitue sabibuk, ak kobetyi ineendet divaik che leelach.

ATEPTAP LAWIK 26:16

ayaiywok ni agane: ang'ate kamuiset konyonjok, chebuonit ak eseet, che ng'emei koonyek, ak kogoochi saboondo kosagit. Ogoole kesweekwok puch, amu amei puunikwok.

AMOS 2:6

Mwaei Kamuktaindet ne Toroor ko uu ni: Amu pistaosyekyik somok, ee agot ang'wan, ko ma aweechi pireet ne abire Israel amu kigoaldae che po iman fedha, ak koaldae che ma tinyei kiy kweonik.

AMOS 2:7

Ityorchin metowegap kibananook temburyegap ng'wony, ak komaas ortinwegap che talaen, ak koba kwanda ak weeriinnyi koipkei ak chepto agenge, si kong'waniit kainennyu ne tiliil.

AMOS 3:15

Ak abut kootap peetuusyegap kaitityet kobooto ne po peetuusyegap lalang'indo; ak keng'em kooriik che ki kiteege kelegap peeleek, ak kogeskei kooriik che eecheen, mwaei Kamuktaindet ne Toroor.

AMOS 3:9

Omwaite eng' kooriigap laitoryat eng' Ashdod, ak eng' kooriigap laitoryat che mi emetap Misiri, ole, oyumjige tuloonoogap Samaria, ak ogeer ole tee wasetapkei ne oo ne mi olooto, ak ole tee sastaosyek che mi kwenunnyi.

AMOS 4:1

Ogas ng'olyoondoni, okweek tuugap Bashan, che miitei tulweetap Samaria, che sastoe kibananook, che tyekyin ng'wony che ma tinyei kiy, che leenjin kiptainikwak, “Oibu, kee!”

AMOS 6:11

Amu, ogeero, ng'atei Kamuktaindet ne Toroor, kebut koot ne oo kong'emak, ak kebut koot ne ming'in kong'asiagan.

AMOS 6:12

Tos rwaei paraisisyek eng' rwandet? Tos ibate `chii eik olooto? Ko owal kirwooget koek kiit ne ng'waan, ak owal logoek che po imanda koek ng'wonet.

AMOS 8:4

Ogas ng'olyoondoni, ee okweek che osaasei che ma tinyei kiy, ak ong'emei owoong'u kibananook che po emet,

AMOS 9:14

Ak amutu kogeny piikyuk Israel che kiga keluul, ak koteech nganasook che kiga koek karatwek ak komeny olooto; ak komiin mbareenigap sabibuk ak koeei divaigap mbareenichooto; ak kobatis ak koam logoegap mbareenichooto.

MIKAH 1:6

Ayae anyun Samaria koek karurugutyetap emet, ak koigei ole kiminjin sabibuk: ak atumde koikyik koba atebweet, ak ang'aany lumeiywekyik.

MIKAH 2:2

Kasei myat mbareenik, ak korep; kobooto kooriik, ak koip: ak kous chiito kobooto koonnyi, chiito kobooto tuguukyik.

MIKAH 6:15

Igolsei, amegese; itue mseituni, ago meilegei mwanik; itue sabibuk, ago mee divaik.

SEPANIA 1:13

Ak keluul mogornatennywa, ak koguber kooriikwak: ee, teechei kooriik, ago ma menyei; ak komiin mbareenigap sabibuk, ago ma eei divaikwak.

HAGGAI 1:6

Ki ogol che chaang', ago ogese che ng'ering'; oamisyei, ago mobiyong'dosi; oeeisei, ago manyiiok; olaachi ngoroik, ago ma mi ne lalang'; ak ineendet ne nyooru melekto kondai lolet ne undurot.”

MALAKI 1:4

Nga mwaei Edom kole ki kiterterech, ago kiweeksei ak keteech komoswek che ki koek karatwek, ko mwaei Kamuktaindet ne Toroor ne po lugoosyek kole, “Tuun teechei icheek ago abute. Kuuree piik icheek emetap yaityet, piik che ating'ee nereegek koigeny”

NG'ATUTIK 28:30

“Ituni osotyot ak koipkei ak chiito age. Iteeche koot, amemenye. Imiine mbareetap sabibuk, amebute logoekwak.

JAKOBO 2:6

Ago kaosas kibananiat. Tos ma inyalilok mogoreek, ak kochuutok obe kapkirwoogutik?