AMOS 4:7 - BUKUIT NE TILIIL Sireet ne Dutero Kanon

⁷ Ak ki aeetenak kogeny ropta, ye ki tomo arawek somogu si koit kesisyet. Ki agoochi korobonji nganaseet age, ak aeete ropta nganaseet age. Kirobonji komosta ne ming'in, ak ki yaam komosta ne ma robonji.

Bukuit Ne Tilil

⁷ Ak ki aeetenak kogeny ropta, ye ki tomo arawek somogu si koit kesisyet. Ki agoochi korobonji nganaseet age, ak aeete ropta nganaseet age. Kirobonji komosta ne ming'in, ak ki yaam komosta ne ma robonji.

BUKUIT NE TILIL

⁷ Ak kiaetenak kogeny ropta, ye kitomo arawek somogu si koit kesisiet: ak kiagochi korobonji nganaset age, ak aeete ropta nganaset age: kirobonji komosta ne ming’in, ak kiyaam komosta ne ma robonji.

AMOS 4:7 Referencias Cruzadas

KOMONG'U 10:22

Ki chuul anyun Musa eunnyi kotokyi kipsengwet, ak ki piit mesundeito ne oo miising' eng' emet komugul ne po Misiri eng' peetuusyek somok.

KOMONG'U 10:23

Ki ma imuuch chii kogeer chii eng' Misirik, ak ki ma ng'eet chii eng' ye tebee eng' peetuusyechooto somok. Ago kilapkeen meng'otosyek tugul che po piigap Israel.

KOMONG'U 8:22

Ago abestosi atabaani eng' peetuunooto emetap Goshen ole menyei piikyuk si ma it kalyang'ik olooto ak si kobiit inai inyee ile aa Kamuktaindet ne Toroor ne mi emet.

KOMONG'U 9:26

Emetap Goshen ineegei, ole ki mi piigap Israel, ole ma it koigap ropta.

KOMONG'U 9:4

Ibestos Kamuktaindet ne Toroor tuugap Israel eng' tuugap Misiri si ma me kiy agot agenge eng' tugul che po piigap Israel.’ ”

ISAIAH 5:6

Ametoi keng'em, si ma kesabori ama kesemberi; ago piitos katook che rutei piich ak che toorei piich. Ang'ate kogeny poolik si mata korobonji.”

JEREMIA 14:22

Tos mi eng' age tugul eng' kanamonik che ma tilei kiy che po pororyosyek, ne imuuchi kogoon ropta? Anan tos imuuchi kipsengwet kogoon ropta ne inesi? Tos ma inyeendet Kamuktaindet ne Toroor, Kamuktaindennyo? Ara anyun kimang'un inyee, amu inyee ne yae tuguuchuuto tugul.

JEREMIA 14:3

Iyooktoi piikwak che taagunotiin kiboitiinikwak koba ole mi peek: pendi agoi keriingonik, ama nyooru peek. Weeksei kiboitiinik puch ak tereenikwak; kolililandos, kotoptobendos ak kogatuch metowekwak eng' arageneet.

JEREMIA 14:4

Ililandos che ibatisye ak kotuchei metowekwak, amu emet ne ki kobetak, ak amu ki ma kota komi ropta emet.

JEREMIA 3:3

Kigeger anyun ropta amu nooto, si mata kobiit ropta ne po let, ago itinye togeetap chepkugoniot ak ieesyoi ililan.

JOEL 2:23

Ogaaskei anyun, okweek lagogap Zion, ak oboiboitu eng' Kamuktaindet ne Toroor Kamuktaindeng'wong': amu koonok ropta ne po tai ko uu ye nyolu, ak koonu ropta korobonjok, ropta ne po tai ak ne po let, ko uu eng' tai.

SEKARIA 14:17

Ak age tugul ne po ortinwek tugul che po ng'wony ne ma togostoi Jerusalem kolasu Laitoryat, Kamuktaindet ne Toroor ne po lugoosyek, koma nyooru chooto ropta.

JOHANA 4:35

Momwae okweek ole, ‘Ta komi arawek ang'wanu, si koit kesisyet?’ Ogeero, amwaiwok ale, ‘Ong'eet met, ak ogeer mbareenik ole kagoleelagitu, kagoyam keges.

1 KORINTOEK 4:7

Amu tos ng'oo ne kayain iegu ne teer? Ak nee ne itinye inyee ne ki ma itaach? Ago ngo kiitaache, ko amu nee si ilasugei, ko uu ye ki ma itaache?

NG'ATUTIK 11:17

Ngo yai ko uu nooto, kolaldos nereegegap Kamuktaindet ne Toroor eng' okweek ak koger kipsengwet, si mogoroboni, si ma koiyei emet, ak osip obegu eng' emet ne karaaran ne koonok Kamuktaindet ne Toroor.

JAKOBO 5:17

Ki chiito Elijah ne uu acheek, ak ki sa ko ki ilgei kole si ma robon; ak ma robonji ng'wony eng' kenyiisyek somok ak arawek lo.

NG'ANG'UTYET 11:6

Tinyei chuuto kimnateet koger kipsengwet, si ma robon eng' peetuusyegap maonatennywa: ak kotinyei kimnateet kowal peek koek korotiik, ak kobir ng'wony eng' koroita age tugul, kotugul ko uu ye machei.