AMOS 4:10 - BUKUIT NE TILIIL Sireet ne Dutero Kanon

¹⁰ Ki ayookwok koroito ko uu ni ki po Misiri; ki abar murenikwok eng' rotwetap chok, ak ki akweri paraisisyekwok; ak ki ayai pulatetap nganaseng'wong' kotogos kot koit seruunekwok; ago tomo oweekyage, mwaei Kamuktaindet ne Toroor.

Bukuit Ne Tilil

¹⁰ Ki ayookwok koroito ko uu ni ki po Misiri; ki abar murenikwok eng' rotwetap chok, ak ki akweri paraisisyekwok; ak ki ayai pulatetap nganaseng'wong' kotogos kot koit seruunekwok; ago tomo oweekyage, mwaei Kamuktaindet ne Toroor.

BUKUIT NE TILIL

¹⁰ Kiayokwok koroito ko u ni ki bo Misri: kiabar murenikwok eng’ rotwetab chok, ak kiakweri mbartanyisiekwok; ak kiayai bulatetab nganaseng’wong’ kotogos kot koit serunekwok: ago tom oweekyage, mwaei Jehovah.

AMOS 4:10 Referencias Cruzadas

2 LAITORINIK 10:32

Ki toi Kamuktaindet ne Toroor eng' peetuusyechooto kotil Israel kong'ering'itu. Ki par `Hazael icheek eng' kiwotosyek tugul che po Israel,

2 LAITORINIK 13:3

Ak kinereech kot Kamuktaindet ne Toroor agobo Israel, ki inde icheek eutap Hazael laitoryatap Syria ak ne po eutap Ben-Hadad weeriitap Hazael, peetuusyek tugul.

2 LAITORINIK 13:7

Amu ma ituukyi kiy piigap Jehoahas, kobatee piik konom che ketei paraisisyek, kariisyek taman ak piik eliphuusyek taman che punei keelyek. Kiga kobar laitoryatap Syria icheek, ak koyai koigei meteteek che mi ole kiboorsee.

2 LAITORINIK 8:12

Ki le Hazael, “Amu nee si iriir, kiptaiyandennyu?” Ak ki wol kole, “Amu angen yaityet ne tuun iyachini piigap Israel. Tuun ibeele irimoikwak che kiimeen, ibare weeriikwak eng' rotoogap chok, ibirte manyurunikwak, kotonak, ak igereer kwonyiikwak che tamonosyek.”

KOMONG'U 10:27

Ago ki iuit `Kamuktaindet ne Toroor muguleldap Pharaoh, ak ki ma chamji inee Pharaoh icheek koba.

KOMONG'U 10:3

Ki pa anyun Musa ak Aron kap Pharaoh, ak koleenji; “Kamwa ko uu ni Kamuktaindet ne Toroor, Kamuktaindet ne po Yahudik, ‘Ieesyoi agoi au si iming'inigei eng' tainnyu? Mete piikyuk koba, koba koboisyeiwo.

KOMONG'U 14:4

Eng' yooto kogeny auuiiti muguleldap Pharaoh si koosup icheek ak anyoorunee teegisto Pharaoh ak lugeennyi tugul si konai Misiriik kole aa Kamuktaindet ne Toroor.” Ki yai anyun piigap Israel ko uu nooto.

KOMONG'U 15:26

ak ki le, “Ngot igas iman kutitap Kamuktaindet ne Toroor Kamuktaindeng'ung', iyai ne po iman eng' tainnyi, iepchji iit ng'atuutikyik ak isup katigonutikyik tugul, koma koonin myan age tugul ne ki agoochi Misiriik, amu anee ko aa Kamuktaindet ne Toroor ne asaabin.”

KOMONG'U 8:19

Ki mwachi anyun pichooto ng'oomen che ng'oorsei, Pharaoh, koleenji, “Ni ko mornetap Kamuktaindet ne Toroor. Ki uiit muguleldap Pharaoh, ak ma kas icheek ko uu ye kiga mwa Kamuktaindet ne Toroor.”

KOMONG'U 9:12

Ago, agot nga chooto tugul, ko ki iuit Kamuktaindet ne Toroor muguleldap Pharaoh, ak ki ma kas ko uu ye kiga komwachi `Kamuktaindet ne Toroor Musa.

KOMONG'U 9:17

Ta ilasugei iraanye piikyuk, ak tomo igoochi koba?

ISAIAH 34:3

Ki wiirtoi piikwak che kigebar, ak puldos muuswekwak, ak kochootyo tuloonook amu korotiikwak.

ISAIAH 50:11

Ogeero, okweek tugul che olaali maat, che ogermenegei kegenganik: obunote liplibenetap mang'wong', ak eng' kwenutap kegenganik che kaolaal. Onyooru niito kobunu eunnyu; oruitosi eng' arageneet.

ISAIAH 9:12

Ing'eeti piigap Syria eng' tai, ak Philistiik eng' let; ak koam Israel eng' kutit ne iseng'eng'at. Nganda uu nooto, koma istogei nereegekyik, ago ta ko chuulaat eunnyi kora.

ISAIAH 9:13

Nganda uu nooto koma weekyigei `piik ineendet ne kibir icheek, ama cheeng' Kamuktaindet ne Toroor ne po lugoosyek.

ISAIAH 9:17

Maboiboitu Kamuktaindet ne Toroor eng' murenikwak, ama riiree chechwaak che ma tinyei sigiik ak mosoogikwak; amu ya age tugul ak ko yaindetap yaityet, ak komwaei kutit age tugul abusnateet. Nganda uu nooto, koma istogei nereegekyik, ago ta ko chuulaat eunnyi kora.

JEREMIA 11:22

Mwaei anyun Kamuktaindet ne Toroor ne po lugoosyek kole, “Abire icheek. Pegu neranik eng' rotwetap chok, parei rubeet weeriikwak ak tiibiikwak,

JEREMIA 15:3

Ang'atyini icheek tuguuk ang'wan, mwaei Kamuktaindet ne Toroor: rotwetap chok ne parisyei, sesenik che isongiririsyei, toriitigap parak ak tyong'igap ng'wony, si koamis ak kong'emis.

JEREMIA 16:4

‘Pegu icheek eng' meet ne ng'waan; ma kiriirchin, ama kitubei. Igeitu ng'atateek eng' ng'wony ak ki pare rotwetap chok ak rubeet; si koek muuswekwak amitwogigap toriitigap parak ak tyong'igap ng'wony.’ ”

JEREMIA 18:21

Igoite anyun lagokwak, kobar rubeet, ak igoite icheek kobar rotwetap chok; ak ingobetyi lagok osotikwak, ak koek mosoogik; ak ingobar meet murenikwak, ak ingobar rotwetap chok neranikwak eng' lugeet.

JEREMIA 48:15

Kigong'emak Moab, ki kotogosta icheek nganasookyik, kigoba parisyet murenikyik che ki kilewen, mwaei Laitoryat, ne kainennyi ko Kamuktaindet ne Toroor ne po lugoosyek.

JEREMIA 49:26

Ibutos anyun neranikyik eng' ortinwekyik, ak kigoochin kosiisyo murenik tugul che po lugeet eng' peetuunooto, mwaei Kamuktaindet ne Toroor ne po lugoosyek.

JEREMIA 5:3

Ee Kamuktaindet ne Toroor, tos ma keerei konyeguk imanit? Ki ibir icheek, ago ma aragenso, ki igeesu icheek, ago ki eesyo kotaach katigonet. Ki iuit icheek togoochikwak kosiir rwandet, ki eesyo koweekyingei.

JEREMIA 6:11

Kanyiia anyun nereegek che ng'woneen che po Kamuktaindet ne Toroor; kaang'et araanye. Ak ki leenjo Kamuktaindet ne Toroor, roong'ji nereegechooto lagok che mi ooreet, kobooto tuiyetap murenik; Amu kimuti manong'otyot ak osotyot ne ki koosit kobooto ne neegit koolil.

JEREMIA 9:22

Ng'alaal, ile, ‘Mwaei Kamuktaindet ne Toroor kole, Ibutos muuswek ko uu ng'atateegap tuuga eng' kewanin, ak koigei turoonik che yamei eutap kesiindet, ama piitu chii ne iyumi.’ ”

HOSEA 11:5

Ma weekyingei ineendet emetap Misiri; ago egu `Assyrianindet laitoryandennyi, amu ki eesyo icheek koweigei.

JOEL 2:20

ago aistoi kolooit eng' okweek lugeet ne punu murot kaataam, ak aoone kwo emet ne ong'ateet ak ko surkwen, pendi che indoi kotokyingei nyanjetap Mediterenian ne mi kong'asiis, kobendi che letu nyanjet ne mi cherongo; ak kobul, ak kong'u ne samis, amu kogoyai tuguuk che eecheen.

ATEPTAP LAWIK 26:16

ayaiywok ni agane: ang'ate kamuiset konyonjok, chebuonit ak eseet, che ng'emei koonyek, ak kogoochi saboondo kosagit. Ogoole kesweekwok puch, amu amei puunikwok.

ATEPTAP LAWIK 26:25

Aibwok rotwetap chok ne yaakwok mugetuut ne po kayomiset. Ye oyumjigei nganasookwok, ayookwok koroito konyo kweng'wong' ak kindeak eunegap puunikwok.

AMOS 4:6

Ki agoonok agine iljet eng' nganasookwok tugul, rartaetap amitwogik eng' komoswekwok tugul, ago tomo oweekyage, mwaei Kamuktaindet ne Toroor.

AMOS 8:3

Ak koek tyenwogik che po Hekaluut kateiyosyek eng' peetuunooto, mwaei Kiptaiyat Kamuktaindet ne Toroor; chaang'itu muuswek; eng' siiseet ko wiirtoi muuswechooto eng' komosta age tugul.

HAGGAI 2:17

Ki abirenok chelalityet ak uchatet ak koigap ropta eng' poisyonik tugul che po eunekwok; ago ma oweekyagei, mwaei Kamuktaindet ne Toroor.

NG'ATUTIK 28:21

Koonin Kamuktaindet ne Toroor koroito konamin agoi kowong'un eng' emet ne iwendi iname kobunjiin.

NG'ATUTIK 28:22

Pirin Kamuktaindet ne Toroor eng' chebuonit, maat ne mi poorto, kabwanet, maat ne ng'waan, rotwetap chok ak chelalityet, ak uchatet; onotin chooto agoi ilus.

NG'ATUTIK 28:60

Iweekyinin myanwogik tugul che po Misiri che ki iywei ak konamin.

NG'ATUTIK 7:15

Istoenen Kamuktaindet ne Toroor myanwogik tugul, ak ma koonin korotwek che yaach che ki igeer eng' Misiri, ago igoochin tugul che wechin.