AMOS 3:2 - BUKUIT NE TILIIL Sireet ne Dutero Kanon

² Okweegei kityo che angen eng' ortinwek tugul che po ng'wony. Nooto anyun aiitwok pireet amu tengekwogikwok tugul.

Bukuit Ne Tilil

² Okweegei kityo che angen eng' ortinwek tugul che po ng'wony. Nooto anyun aiitwok pireet amu tengekwogikwok tugul.

BUKUIT NE TILIL

² Okwege kityo che angen eng’ ortinwek tugul che bo ng’ony: aiitwok anyun biret amu tengekwogikwok tugul.

AMOS 3:2 Referencias Cruzadas

TAUNET 10:32

Chuuto ko ortinwegap weeriigap Noah, ko uu ibinwekwak ak ko uu pororyosyekwak. Ak eng' chuuto ko kipcheunegei pororyosyek tugul eng' ng'wony ye kingo kagobata maraneet.

TAUNET 18:19

Amu ki alewen ineendet si komuuch koboi lagokyik ak koonnyi ne tuun piitu, si kobiit koriip ooreetap Kamuktaindet ne Toroor eng' yaeet ak kirwoogetap imanda; si kosuldochi `Kamuktaindet ne Toroor Abraham kiit ne ki mwa agobo ineendet.”

TIENWOGIKAL 147:19

Iboorchin Jakobo ng'olyoondennyi, iboorchin Israel ng'atuutikyik ak kirwoogutikyik.

KOMONG'U 32:34

Ui anyun nguno, indochi piik koba kot koit ole ki amwaun. Keero, indoun malaikaiyandennyu. Agot nganda uu nooto, ko eng' peetuut ne arwookyini, arwookyini amu tengektonywa.”

ISAIAH 63:19

Kageige piik che kitom ibou; ko uu icheeget che ma kimwaitae kaineng'ung'.

JEREMIA 1:15

Keero, aguure ortinwek tugul che po pounatosyegap murot kaataam, mwaei Kamuktaindet ne Toroor, ak kobwa ak konde age tugul ng'echerennyi ne po laitornatet ye kimandoe eng' ormariichogap Jerusalem, ak kotokyigei irimoikyik tugul ak kotokyigei nganasook tugul che po Judah.

JEREMIA 10:25

Rong'ji nereegeguk che ng'woneen pororyosyek che ma ingenin, ak ortinwek che maguurei kaineng'ung'; amu kigoam Jakobo, ee, kigoam ineendet kogees ak Ki kong'em meng'ootennywa.

JEREMIA 11:22

Mwaei anyun Kamuktaindet ne Toroor ne po lugoosyek kole, “Abire icheek. Pegu neranik eng' rotwetap chok, parei rubeet weeriikwak ak tiibiikwak,

JEREMIA 13:21

Tos mwaei nee ye tuun inde ineendet choronoguk koboun, ak ko inyee ne ki ineeti icheek? Tos manamin ng'waninwek, ko uu kwondo ne machei kosigiis?

JEREMIA 14:10

Mwachin Kamuktaindet ne Toroor pichu kole; “Ki cham ko uu nooto koombenso; tomo koisto keelyekwak. Mataachei anyun anee icheek amu nooto. Ago abwaati aneendet tengektonywa, ak aityin pireet amu tengekwogikwak.”

JEREMIA 9:25

Mwaei Kamuktaindet ne Toroor kole, “Pwoonei peetuusyek, che tuun abire tugul che ki kimuratan eng' kamuratanennywa ne ma kamuratanet, chooto abire ko:

EZEKIEL 5:9

Ak ayai eng' inyee kiit ne tomo ayae, ak kiit ne ma tuun ayae ne uu nooto kogeny, amu tuguuguk tugul che kiwechei.

EZEKIEL 9:6

obar ogesu poiyo, muren, chepto, ak lagok che mengeechen, ak kwonyiik: ago amat ooriikyi chii age tugul ne ki king'ooch; ak otaune oldanyu ne tiliil. Kitaune anyun poisyek che ki mi taitap koot.

HOSEA 2:13

Aipchini ineendet pireet agobo peetuusyegap Baalik, ye kibeelji `ineendet icheek nyamdutik, ak kolelesanjinegei munaokyik ak tuguukyik che po lelesta, ak kwo kosubot chamanikyik, ak koutyeno, mwaei Kamuktaindet ne Toroor.

HOSEA 5:3

Angen Ephraim, ama ung'aat Israel eng' anee. Amu koiyai kugoinatet inyee, ee, Ephraim, ki kong'wanit Israel.

HOSEA 8:13

Ye enyei icheek tiseiywegap kagoochinoikyuk, kogoitoi panyeek ak koamei; ago mataachei Kamuktaindet ne Toroor chooto: ibwaati anyun ineendet tengektonywa, ak koiityi pireet amu tengekwogikwak; weekyingei Misiri.

HOSEA 9:9

Kigong'emgei miising', ko uu eng' peetuusyegap Gibea: ibwaati ineendet tengektonywa, iityin pireet amu tengekwogikwak.

AMOS 2:4

Mwaei Kamuktaindet ne Toroor ko uu ni: Amu pistaosyekyik somok, ee agot ang'wan, ko ma aweechi pireet ne abire Judah amu kogoesyo ng'atuutigap Kamuktaindet ne Toroor, ama riip kayomisutikyik. Kigogoochi icheek lembechek che ki isubi kong'etee kwanisyekwak komaasta.

AMOS 3:3

Tos pendat piik aeng'u ngot koma kasyindos?

AMOS 6:1

Pwo eng' icheek che mi kaalyeet eng' Zion, ak eng' icheek che kasei kole riibootin eng' tulweetap Samaria, piik che taagunotiin che po che eecheen eng' pororyosyek, che pwaanjin kootap Israel!

MIKAH 2:3

Mwaei anyun Kamuktaindet ne Toroor kole: Ogeero, achobe yaityet agobo kooi, ne moistoe kaatwekwok anan obendate menoteet; amu yaacheen peetuusyechooto.

NAHUM 3:4

Amu chaang'indap kugoinatosyek che po chepkugoniot ne karaaran, kwondo ne pou ponisyosyek, ne aldoi pororyosyek eng' kugoinatosyekyik, ak koaldoi piik eng' ponisyosyekyik.

POISYONIGAP CHE KIYOKTOI 17:26

Ki yai eng' `chiito agenge pororyet age tugul ne po piik si komeny ng'wony komugul, ko kagoboorchi kenyiisyek che ki king'at, ak kiwotosyegap meng'ootennywa;

ROMANIK 2:9

nyalilda ak pichiindo, eng' saboondap chii age tugul ne yaei yaityo, ne po Yahudyot korook, ak ne po Yunanindet agine;

1 KORINTOEK 8:3

ago ngo chamei chii age tugul Kamuktaindet, konaat chiichooto eng' ineendet.

NG'ATUTIK 10:15

Ago ki paibait Kamuktaindet ne Toroor eng' kwanisyeguk ki cham icheek ak kolewen iyotennywa ne piitu let, ne chooto ko okweek eng' piik tugul, ko uu rani.

NG'ATUTIK 26:18

Kang'aany Kamuktaindet ne Toroor rani kole, ii pororyet ne ki kitabaanin iegu nenyi, ko uu ye ki iarorun ak si kobiit iriip ng'atuutikyik tugul,

NG'ATUTIK 32:9

Amu piikyik kebebertap Kamuktaindet ne Toroor; porotennyi Jakobo.

NG'ATUTIK 4:32

Teep anyun nguno agobo peetuusyek che ki kosiirto che kisip kondounenen kobooch ngap kotoi Kamuktaindet koyai chii eng' ng'wony, kobooch tabanda age ne po kipsengwet agoi tabanda age, teep ngo ki kobiit kiit age ne oo ne uu ni anan ngo kigegasei?

NG'ATUTIK 7:6

Ii pororyet ne itabaanat eng' Kamuktaindet ne Toroor Kamuktaindeng'ung'. Ki lewenin Kamuktaindet ne Toroor Kamuktaindeng'ung' eng' pororyosyek tugul che mi ng'wony iegu pororyet ne nenyi ineegei.

1 PETERO 4:17

Amu kagoit peetuut ne kitaune kirwooget kootap Kamuktaindet: ak ngot ketaunenech acheek, kotam nee kagesunetap icheek che ma kase iit logoiywek che myach che po Kamuktaindet?