AMOS 2:4 - BUKUIT NE TILIIL Sireet ne Dutero Kanon

⁴ Mwaei Kamuktaindet ne Toroor ko uu ni: Amu pistaosyekyik somok, ee agot ang'wan, ko ma aweechi pireet ne abire Judah amu kogoesyo ng'atuutigap Kamuktaindet ne Toroor, ama riip kayomisutikyik. Kigogoochi icheek lembechek che ki isubi kong'etee kwanisyekwak komaasta.

Bukuit Ne Tilil

⁴ Mwaei Kamuktaindet ne Toroor ko uu ni: Amu pistaosyekyik somok, ee agot ang'wan, ko ma aweechi pireet ne abire Judah amu kogoesyo ng'atuutigap Kamuktaindet ne Toroor, ama riip kayomisutikyik. Kigogoochi icheek lembechek che ki isubi kong'etee kwanisyekwak komaasta.

BUKUIT NE TILIL

⁴ Mwaei Jehovah ko u ni kole: Maaweechi biret ne abire Juda amu bistaosiekyik somok, ee, agot ang’wan; amu kogoesio ng’atutikab Jehovah, ama rib kayomisutikyik, ak kogogochi lembechekwak ichek komasta, che kiisubi kwanisiekwak:

AMOS 2:4 Referencias Cruzadas

2 LAITORINIK 17:19

Ma riip agine Judah ng'atuutigap Kamuktaindet ne Toroor Kamuktaindennywa, ago kibendatee kaneetisyosyegap Israel che ki yai.

2 ATEPTAP PEETUUSYEK 25:14

Ak kingo punu Amasia pareetap Edomik, koip kanamonigap lagogap Seir, ak kolumda koek kanamonikyik, ak kong'uruukyi icheek eng' tainnywa, ak kobeelji nyamdutik.

2 ATEPTAP PEETUUSYEK 30:7

Amoigei kwanisyekwok ak tupchosyekwok, che ki ingelelji Kamuktaindet ne Toroor, Kamuktaindetap kwanisyekwak, kot kobagaakta icheek koek che kikwong'ee, ko uu ye ogeere.

NEEMIA 1:7

Ki keyaun ne ya miising', ama ki riip ng'atuutik anan kayomisutik anan kirwoogutik che ki ing'at otwogindeng'ung' Musa.

NEEMIA 9:26

Ago ma kasin iit ak ki ingeleljin. Ki wiirta Ng'atuutiguk kotuktoochi patai ak kobar maotiguk che kibaoryanji, icheek kole koweech icheek kobwanjin, ak koyai tagisyosyek che eecheen.

ISAIAH 28:15

Amu ki omwa ole, “Ki kiyomiske ak meet, ak ki kiyanjine ak ye mi meet; ye siirto pireet ne oo, koma ityinech; amu ki keyai lembechek koek ole kimwechini, ak ki kiung'egei lembeita;”

ISAIAH 44:20

Amei oreek: kagomaas ineendet muguleldo ne iberberat, kot koma imuuchi kosar saboondanyi, anan komwa kole, tos ma mi lembeita eunnyu ne po tai?

JEREMIA 16:11

Ileenji anyun icheek, Amu ki kometa kwanisyekwok, mwaei Kamuktaindet ne Toroor, ak kosubot kanamonik che teer, ak koot ak kolas, ak kometaa, ama riip ng'atuutikyuk;

JEREMIA 16:12

ak ki oyai yaityet kosiir kwanisyekwok; amu, ogeero, wendoti age tugul eng' okweek kosubi uuindap muguleldanyi ne ya, kot koma oepcha iit:

JEREMIA 17:27

Ago ngot ko mogasa iit otabaan peetuutap sabato, amoip laut age tugul ak obe oriit obun ormariichogap Jerusalem eng' peetuutap sabato; alaal anyun maat eng' ormariichokyik, si kobeel kooriigap laitoryat che po Jerusalem, ama kimisi.

JEREMIA 6:19

Ogas okweek ng'wony, aipchini pichu yaityet, kosupkei ak logoegap kabwaatutikwak, amu ma epchi iit ng'aleekyuk, ak ki koeesyo ng'atuutikyuk.

JEREMIA 8:2

Kimaae eng' asiista ak eng' arawet ak eng' taitap tuguuk tugul che po kipsengwet, che kiga kocham, che kiga koot, che kiga kosubot, che kiga kocheeng'at ak che kiga kolas. Ma kiyumi anan ketup, ago egu keturek eng' emet.

JEREMIA 8:9

Ki teweeri piik che utaatiin, Aragendos ak kenamei icheek. Kigoesyo ng'olyootap Kamuktaindet ne Toroor, Ara anyun tinyei ng'omnateet ne uu nee?

JEREMIA 9:14

Ago kibendatee uuindap mugulelwekwak ak koosup Baalik, che ki ineeti kwanisyekwak.

EZEKIEL 13:22

Amu ki ogoochi muguleldap chii ne po iman koaragen eng' lembechek, chiito ne ma agoochi koaragen; ak ogimiit eunegap kiptengekyot, si ma week kometo ooreennyi ne ya, ak kesar kosap:

EZEKIEL 20:13

Ago ki ingelelja kootap Israel eng' surkwen: ma pendate ng'atuutikyuk, ak ki eesyo kirwoogutikyuk, che ngo yai chii kosabei eng' chooto; ki imurwon icheek miising' sabatosyekyuk: ki amwa anyun ale, aroong'jini icheek eng' surkwen nereegekyuk che ng'woneen si agees icheek.

EZEKIEL 20:16

amu ki eesyo kirwoogutikyuk, ama pendate ng'atuutikyuk ak komurwon sabatosyekyuk: amu ki isubot mugulelwekwak kanamonikwak.

EZEKIEL 20:18

Ak ki aleenji lagokwak eng' surkwen, Amobendate ng'atuutigap kwanisyekwok, anan osup kirwoogutikwak, anan ong'wanitegei kanamonikwak;

EZEKIEL 20:24

amu ma yai kirwoogutikyuk, ago ki eesyo ng'atuutikyuk, ak komurwon sabatosyekyuk, ak ki isuboti konyekwak kanamonigap kwanisyekwak.

EZEKIEL 20:30

Mwachi anyun kootap Israel ileenji, mwaei Kiptaiyat Kamuktaindet ne Toroor kole: Tos omurwonige ko uu piteetap kwanisyekwok? Ak oyae kugoinatet osubi tuguukwak che kiwechei?

EZEKIEL 22:28

Ak ki komalse maotikyik taartaarik che ma myachen, komalsechi icheek, kogeerei tangoita, ak kong'orchin icheek lembechek, koleenjin, Mwaei ko uu ni Kiptaiyat Kamuktaindet ne Toroor, ye ma mwa kiy Kamuktaindet ne Toroor.

EZEKIEL 22:8

Ki isas tuguukyuk che tiliileen, ak imurwon sabatosyekyuk.

HOSEA 12:2

Ibeligei kogeny Kamuktaindet ne Toroor ak Judah, ak kobir Jakobo ko uu ortinwekyik; yaakyin ineendet ko uu poisyonikyik.

HOSEA 12:3

Ki nam kwaryatap ng'eetap kamet komi moo; ak ki tinyei kimnateet kobooto Kamuktaindet ko kagoeet:

HOSEA 6:11

Ee Judah, mi kogeny kesisyet ne kigeng'atun, ye tuun amutu kogeny piikyuk che kigeluul.

AMOS 1:3

Mwaei Kamuktaindet ne Toroor kole: Ma aweechi pireet ne abire Damasko amu pistaosyekyik somok, ee agot ang'wan, amu kogobire Gilead tuguugap kariik che kibore peek.

AMOS 3:2

Okweegei kityo che angen eng' ortinwek tugul che po ng'wony. Nooto anyun aiitwok pireet amu tengekwogikwok tugul.

MIKAH 6:12

Amu nyiitaat koroomnateet mogorekyik, ak kogomwa lembechek piik che menyei olooto, ak kong'aalsei ng'elyebwekwak.

HABAKUK 2:18

Tilei nee kanamwet ne ki kiwai, kot koyai musogindet; ak tilei nee kanamwet ne kitanyi, ak kaneetindetap lembechek, kot koomang' kitang'indet ne yaei, kot kotany kanamonik che ma twegu?

ROMANIK 1:25

amu ki wal imanitap Kamuktaindet kowale lembeita, ak kolas ak koot kiit ne ki kiyai kosiir Yaindet, ne iberuurot koigeny. Amen.

1 THESSALONIKEK 4:8

Ineendet ne eesyoi, ko maesyo chii, ago Kamuktaindet, ne koonok Kabuusennyi ne Tiliil.

1 PETERO 1:18

ongen ole ki kityaachak omang'une atebeeng'wong' ne po puch ne ki onyooru eng' kwanisyekwok, ma eng' tuguuk che ng'emaksei, ko uu fedha anan thahabu;

KIRUOGIK 10:6

Ki yai piigap Israel yaityet kogeny eng' taitap Kamuktaindet ne Toroor. Ki oot `icheek Baalik ak Astarot, ak kanamonigap Syria ak che po Sidonik, kanamonigap Moab ak che po Amonik ak che po Philistiik. Ki meto `icheek Kamuktaindet ne Toroor ak mata koot ineendet.