AMOS 1:6 - BUKUIT NE TILIIL Sireet ne Dutero Kanon

⁶ Mwaei Kamuktaindet ne Toroor kole: Ma aweechi pireet ne abire Gaza amu pistaosyekyik somok, ee agot ang'wan; amu ki imut piik tugul koek luulenik, si kogoito koba Edom.

Bukuit Ne Tilil

⁶ Mwaei Kamuktaindet ne Toroor kole: Ma aweechi pireet ne abire Gaza amu pistaosyekyik somok, ee agot ang'wan; amu ki imut piik tugul koek luulenik, si kogoito koba Edom.

BUKUIT NE TILIL

⁶ Mwaei Jehovah ko u ni kole: Maaweechi biret ne abire Gasa amu bistaosiekyik somok, ee agot ang’wan; amu kiimut bik tugul koek luulenik, si kogoito koba Edom:

AMOS 1:6 Referencias Cruzadas

2 ATEPTAP PEETUUSYEK 28:18

Kiga kobookyi ak icheek Philistiik nganasook che po atebweet, ak che po Judah murot tai. Kiga nam ak komeny Beth-shemesh, Aijalon, Gederoth, Soko kobooto nganasookyik, Timnah kobooto nganasookyik, ak Gimso agine kobooto nganasookyik.

JEREMIA 47:1

Ki nyoonji `ng'olyootap Kamuktaindet ne Toroor maotyot Jeremiah agobo Philistik, kotomo kobar Pharaoh Gaza.

EZEKIEL 35:5

Amu itinye puunyoondit ne po kotugul, ak ki igoite piigap Israel kebar eng' kimnateetap rotwetap chok eng' peetuutap nyalildanywa, eng' peetuusyegap yaityet ne po let:

JOEL 3:4

Ee Tyro, ak Sidon, ak komoswek tugul che po Philistia, otile nee eng' anee? Tos ogeerwo kiy ne po kageeret? Ak ngot ogeerwo, aweekwok kioto konyo meting'wong' eng' yooto, eng' chokyinet.

JOEL 3:6

ki oalde kogeny lagogap Judah ak lagogap Jerusalem oaldochi weeriitap Yunanik, si kobiit omut kolooegitu eng' kiwotennywa:

AMOS 1:11

Mwaei Kamuktaindet ne Toroor kole: Ma aweechi pireet ne abire Edom, amu pistaosyekyik somok, ee agot ang'wan; amu ki onee tupchennyi rotwetap chok, ak ki isto rireenetapkei tugul. Ki nereechi miising' kotugul, ak kigonor nereegekyik koigeny.

AMOS 1:3

Mwaei Kamuktaindet ne Toroor kole: Ma aweechi pireet ne abire Damasko amu pistaosyekyik somok, ee agot ang'wan, amu kogobire Gilead tuguugap kariik che kibore peek.

AMOS 1:7

Ara ayookyini maat irimeetap Gaza, ak kobeel irimosyekyik.

AMOS 1:9

Mwaei Kamuktaindet ne Toroor kole: Ma aweechi pireet ne abire Tyro amu pistaosyekyik somok, ee agot ang'wan; amu ki igoito piik tugul koba Edom, ama ibwaat kayomisutyet ne po che tupcho.

OBADIA 1:11

Eng' peetuut ne ki itononi eng' pitoniin, eng' peetuut ne ki ibe toek tuguukyik, ak kochut kipsagarek ormariichokyik, ak koseer parbareek agobo Jerusalem, ko ki iige inyee age eng' icheek.

SEKARIA 9:5

Keerei Askelon ak koiyweis; keerei Gaza agine, ak konyoor ng'wanindo ne oo; ak Ekron agine, amu ililani eng' kamang'unennyi. Ak kobet laitoryat eng' Gaza, ama kemenyei Askelon.

POISYONIGAP CHE KIYOKTOI 8:26

Ki mwachi malaikaiyatap Kiptaiyat anyun Philipu koleenji, “Ng'eet ak iwe murot tai agoi ooreet ne choortogei kong'etee Jerusalem ne wendi agoi Gaza” (punei oranooto ole melewet).

1 SAMUEL 6:17

Chu ko kabwanutik che ki kiyae thahabu che kiweektoochi `Philistiik Kamuktaindet ne Toroor koek kagoochinetap chalwokto: po agenge Ashdod, ko po agenge Gaza, po agenge Askelon, ko po agenge Gath, ak ko po agenge Ekron.