AMOS 1:3 - BUKUIT NE TILIIL Sireet ne Dutero Kanon

³ Mwaei Kamuktaindet ne Toroor kole: Ma aweechi pireet ne abire Damasko amu pistaosyekyik somok, ee agot ang'wan, amu kogobire Gilead tuguugap kariik che kibore peek.

Bukuit Ne Tilil

³ Mwaei Kamuktaindet ne Toroor kole: Ma aweechi pireet ne abire Damasko amu pistaosyekyik somok, ee agot ang'wan, amu kogobire Gilead tuguugap kariik che kibore peek.

BUKUIT NE TILIL

³ Mwaei Jehovah ko u ni kole: Maaweechi biret ne abire Damasko amu bistaosiekyik somok, ee agot ang’wan, amu kogobire Gilead tugukab karik che kibore bek:

AMOS 1:3 Referencias Cruzadas

1 LAITORINIK 19:17

Ineendet ne chilili eng' rotwetap chok ne po Hazael, kobarei Jehu, ak ineendet ne chilili eng' rotwetap chok ne po Jehu kobarei Elisha.

2 LAITORINIK 13:3

Ak kinereech kot Kamuktaindet ne Toroor agobo Israel, ki inde icheek eutap Hazael laitoryatap Syria ak ne po eutap Ben-Hadad weeriitap Hazael, peetuusyek tugul.

2 LAITORINIK 13:7

Amu ma ituukyi kiy piigap Jehoahas, kobatee piik konom che ketei paraisisyek, kariisyek taman ak piik eliphuusyek taman che punei keelyek. Kiga kobar laitoryatap Syria icheek, ak koyai koigei meteteek che mi ole kiboorsee.

2 LAITORINIK 16:9

Ki kasyi ineendet laitoryatap Assyria, ak kitogosta kobookyi Damasko. Ki nam ak koluul piigap yooto komut koba Kir ak kobar Rezin.

2 LAITORINIK 8:12

Ki le Hazael, “Amu nee si iriir, kiptaiyandennyu?” Ak ki wol kole, “Amu angen yaityet ne tuun iyachini piigap Israel. Tuun ibeele irimoikwak che kiimeen, ibare weeriikwak eng' rotoogap chok, ibirte manyurunikwak, kotonak, ak igereer kwonyiikwak che tamonosyek.”

Kitabuutap JOB 19:3

Ka ochota konyil taman. Nyolu olilanse amu oyaiywo eng' koroomnateet.

Kitabuutap JOB 5:19

Saruun eng' nyalilwogik lo; ee, matwain yaityet agot eng' tisap.

KALEWANAIK 6:16

Miitei tuguuk lo che wechei Kamuktaindet ne Toroor; ee, tuguuk tisap che wechei ineendet:

AMDOINDET 11:2

Pchechii kebeberta piik tisap, ee agot piik sisiit; amu mengen yaityet ne piitu eng' ng'wony.

ISAIAH 28:27

Amu ma kibore kesweegap ingweek kiit ne ng'atip, ama kimildoe keldap chepkichutit kamon; ago kibiree kirokto keswechooto, ak kibiree keetit kamon.

ISAIAH 41:15

Keero, ayain iegu kiit ne leel ne ng'atip ne kiboorsee, ne tinyei kelek: ibore tuloonook, ak itui komengegitu, ak iyai tuloonook che mengech kogergeit ak meteteek.

ISAIAH 7:16

Amu kotom konai lakweet koeesyo ne ya, ak kolewen ne myee, kemetoi emet ne iweche laitorinikyik tuwai.

ISAIAH 7:8

Amu metitap Syria ko Damasko, ak metitap Damasko ko Rezin. (Ye tomo kogeskei kenyiisyek tamanwogik lo ak muut, ko tonaksei Ephraim si ma ko pororyet.)

ISAIAH 8:4

Amu kotom komuuch lakwanooto kotwek kole, ‘Abba’ anan ‘Eiyo,’ koluulei laitoryatap Assyria mogornatosyegap Damasko ak parunenigap Samaria.”

AMOS 1:11

Mwaei Kamuktaindet ne Toroor kole: Ma aweechi pireet ne abire Edom, amu pistaosyekyik somok, ee agot ang'wan; amu ki onee tupchennyi rotwetap chok, ak ki isto rireenetapkei tugul. Ki nereechi miising' kotugul, ak kigonor nereegekyik koigeny.

AMOS 1:13

Mwaei Kamuktaindet ne Toroor kole: Maawechi pireet ne abire lagogap Ammon amu pistaosyekyik somok, ee agot ang'wan; amu kogogereer kwonyiik che tamonosyek che po Gilead, kole si kobiit kotes kiwotennywa.

AMOS 1:6

Mwaei Kamuktaindet ne Toroor kole: Ma aweechi pireet ne abire Gaza amu pistaosyekyik somok, ee agot ang'wan; amu ki imut piik tugul koek luulenik, si kogoito koba Edom.

AMOS 1:9

Mwaei Kamuktaindet ne Toroor kole: Ma aweechi pireet ne abire Tyro amu pistaosyekyik somok, ee agot ang'wan; amu ki igoito piik tugul koba Edom, ama ibwaat kayomisutyet ne po che tupcho.

AMOS 2:1

Mwaei Kamuktaindet ne Toroor kole: Ma aweechi pireet ne abire Moab amu pistaosyekyik somok, ee agot ang'wan; amu ki peel kawegap laitoryatap Edom kot koek oreek.

AMOS 2:4

Mwaei Kamuktaindet ne Toroor ko uu ni: Amu pistaosyekyik somok, ee agot ang'wan, ko ma aweechi pireet ne abire Judah amu kogoesyo ng'atuutigap Kamuktaindet ne Toroor, ama riip kayomisutikyik. Kigogoochi icheek lembechek che ki isubi kong'etee kwanisyekwak komaasta.

AMOS 2:6

Mwaei Kamuktaindet ne Toroor ko uu ni: Amu pistaosyekyik somok, ee agot ang'wan, ko ma aweechi pireet ne abire Israel amu kigoaldae che po iman fedha, ak koaldae che ma tinyei kiy kweonik.

SEKARIA 9:1

Nyigiisindap ng'olyootap Kamuktaindet ne Toroor agobo emetap Hadrak, ak egu Damasko ole tebee. Amu tokyingei `Kamuktaindet ne Toroor piik tugul, ak pororyosyek tugul che po Israel;

SEKARIA 9:2

kobooto Hamath agine ne mi kiwotennyi, Tyro ak Sidon, nga keeregei ko utaatiin miising'.