AMOS 1:14 - BUKUIT NE TILIIL Sireet ne Dutero Kanon

¹⁴ Ara anaami maat eng' irimeetap Rabbah, ak kobeel irimosyekyik che po laitoryat, kobooto waagaat eng' peetuutap pooryeet, kobooto usoonet ne oo eng' peetuutap kipchurchuryet.

Bukuit Ne Tilil

¹⁴ Ara anaami maat eng' irimeetap Rabbah, ak kobeel irimosyekyik che po laitoryat, kobooto waagaat eng' peetuutap pooryeet, kobooto usoonet ne oo eng' peetuutap kipchurchuryet.

BUKUIT NE TILIL

¹⁴ ago anaami mat eng’ irimetab Raba, ak kobeel gorikyik che bo laitoriat, koboto waagat eng’ betutab boriet, koboto usonet ne o eng’ betutab kipchurjuriet:

AMOS 1:14 Referencias Cruzadas

2 SAMUEL 11:1

Kingo it kasartap kenyiit ne cham kobee laitorinik lugeet, koyookto `Daudi Joab kobooto otwogikyik ak Israel tugul kobar lagogap Ammon. Kiyiem lugeetap Israel Rabbah. Ago ki tebi Daudi eng' Jerusalem.

2 SAMUEL 12:26

Kibargei `Joab ak Rabbah ne po lagogap Ammon, ak kiluul nganaseetap kaplaitoryat.

2 SAMUEL 12:31

Ak ki imut piik che ki mi oriit komong', ak konde icheek koboisyee musumenosyek, kariik che kiburburenisye ak aonogap kariik, ak kobirchi kobois eng' ole kibeelee matubaruuk. Ki yachi ko uu nooto nganasook tugul che po lagogap Ammon. Yeityo koweek Daudi ak piik tugul koba Jerusalem.

1 ATEPTAP PEETUUSYEK 20:1

Ak ye ki neegit kogeskei kenyiit, eng' peetuusyek che ki cham kobendi laitorinik lugeet, komut Joab nyigoonigap lugeet. King'em emetap lagogap Ammon ak kobwa koyiem Rabbah. Ago ki tebi Daudi eng' Jerusalem. Ak ki par Joab Rabbah, kowong'.

Kitabuutap JOB 39:25

Sait age tugul ye cheei iryageet, komwa kole, ‘Haa!’ Kasei siiptap lugeet kota komi ole loo, polatetap kiptainik, ak waagaat.

TIENWOGIKAL 83:15

Oon icheek anyun eng' kipchurchuryeng'ung', Ak imu icheek eng' usooneng'ung' ne kiim.

ISAIAH 29:6

nyoonjin Kamuktaindet ne Toroor ne po lugoosyek ineendet eng' tuleet, eng' potaneetap ng'wony ak polateet ne oo ak kipchurchuryet, kobooto usoonet ne oo, ak liplibenetap maat ne peelsei.

ISAIAH 30:30

Ak koyai Kamuktaindet ne Toroor kutinnyi ne po toroornatet kogasak, ak koboor kochoru eunnyi, eng' nyitatetap nereeknatennyi ak liplibenetap maat ne peelsei, kobooto cheet ak usoonet ne oo ak koigap ropta.

ISAIAH 9:5

Amu kibeelei kweonik tugul che po chiitap lugeet eng' wasetapkei, ak ngoroik che ki isegei korotiik, egu tugul che laldos.

JEREMIA 23:19

Ogeero, kagomong' kipchurchuryetap Kamuktaindet ne Toroor, nooto nereegekyik che koroomen, ee, kipchurchuryet ne usei kot: kwerei metowegap kiptengeginik.

JEREMIA 49:2

Ogeer anyuno, pwoonei peetuusyek, mwaei Kamuktaindet ne Toroor, ne aibu waagaatap lugeet kegas agobo Rabbah ne po lagogap Ammon; ak koek karaatya ne irurugot, ak kebeel tiibiikyik: konam anyun Israel kobunji, icheek che kiga konam ineendet, mwaei Kamuktaindet ne Toroor.

EZEKIEL 21:20

Lewen ooreet si kobiit koit rotwetap chok Rabbah ne po lagogap Ammon, ak koit Judah eng' Jerusalem ne ng'ootaat.

EZEKIEL 21:22

Ki mi eunnyi ne po tai ng'oorset agobo Jerusalem, si konde injinisyek che kibutisye, si koseng'eng'ji parisyet, ak kowaach miising', konde injinisyek taitap ormariichok, kowasyi ng'ung'unyek, koteech irimoik.

EZEKIEL 21:25

Ee inyee ne ya, ne ki kiguotenin ne po meet, pounindetap Israel, ne kagonyo peetuunnyi, eng' peetuusyegap yaityet ne po let;

EZEKIEL 25:5

Ak ayai Rabbah koek ole menyei tambeesik, ak ayai kaplagogap Ammon koek ole kiyage akwotisyegap keechiirek: si onai ole aa Kamuktaindet ne Toroor.

EZEKIEL 25:7

keer anyun, kaachuul eunnyu atokyin, ak agoochin pororyosyek koluulin; ak aisten eng' pororyosyek, ak agoonin ilus eng' emotinwek: ang'emin; si inai ile aa Kamuktaindet ne Toroor.

AMOS 2:2

Ayookyini anyun maat Moab ak kobeel irimosyegap Keryot; ak kome Moab eng' wasetapkei, waagaat ak cheetap iryageet.

SEKARIA 7:14

ago aiyestoi icheek eng' kipchurchuryet eng' pororyosyek tugul che ki tomo konai. Ki ek anyun emet karaatya eng' let, kot ko mata kobun chii yooto anan koweegegei: amu ki igoochi emet ne ki karaaran koguber.

NG'ATUTIK 3:11

(Amu ki ng'et Og ineegei, laitoryatap Bashan, ne po che ki ng'et eng' Repaik; ogeero, ki po karnet itogunnyi; tos ma mi itogunooto Rabbah ne po lagogap Ammon? Ki futisyek taman ak somok koindonyi ak ki mitainik futisyek lo tebeesindanyi, ko uu kakwautyetap chiito.)