AMOS 1:1 - BUKUIT NE TILIIL Sireet ne Dutero Kanon

¹ Ng'aleegap Amos, ne ki agenge eng' mestowegap Tekoa, ng'ang'uut ne ki keer agobo Israel eng' peetuusyegap Uzziah laitoryatap Judah, ak eng' peetuusyegap Jeroboam weeriitap Joash laitoryatap Israel, eng' kenyiisyek aeng' kotom kobotan emet.

Bukuit Ne Tilil

¹ Ng'aleegap Amos, ne ki agenge eng' mestowegap Tekoa, ng'ang'uut ne ki keer agobo Israel eng' peetuusyegap Uzziah laitoryatap Judah, ak eng' peetuusyegap Jeroboam weeriitap Joash laitoryatap Israel, eng' kenyiisyek aeng' kotom kobotan emet.

BUKUIT NE TILIL

¹ Ng’alekab Amos, ne ki agenge eng’ mestowekab Tekoa, che kigeer agobo Israel eng’ betusiekab Usia laitoriatab Juda, ak eng’ betusiekab Jeroboam weritab Joas laitoriatab Israel, eng’ kenyisiek aeng’ kotom kobotan emet.

AMOS 1:1 Referencias Cruzadas

2 SAMUEL 14:2

Ara anyun ki iyookto `Joab keguur kwondo ne utaat eng' Tekoa yeityo koleenji, “Asaain ale iyaigei ogergeitu ak chiito ne riirei. Ilaach ngoroigap riirek, amat iilegei mwaita, ago ogergeitu ak kwondo ne ki koriir keny agobo chiito ne kime.

1 LAITORINIK 19:19

Kwo anyun eng' yooto, ak kinyoor Elisha weeriitap Sapat, ne ki ibatisye eiik tiptem ak ang'wan, che po chogit eng' tainnyi, ak ki kweryei ineendet che po chogitap taman ak aeng', ne po let. Ki wo Elijah ye mi ineendet ak kowiirchi ineendet ngoryennyi.

2 LAITORINIK 14:21

Ki nam piik tugul che po Judah Azariah, ne ki po kenyiisyek taman ak lo, ak koyai ineendet koek laitoryat kogeer kwandanyi Amasia.

2 LAITORINIK 14:23

Ki toi kolaitoran Jeroboam weeriitap Joash laitoryatap Israel eng' Samaria, eng' kenyiitap taman ak muut kobooch kolaitoran Amasia weeriitap Joash eng' Judah, ak ki laitoran kenyiisyek artam ak agenge.

2 ATEPTAP PEETUUSYEK 11:6

Ki teech Bethlehem, Etam, Tekoa,

2 ATEPTAP PEETUUSYEK 20:20

Ki ng'eetyo karon miising', komusta surkwen ne po Tekoa. Ye kingo ta kobendi, kotonon Jehoshaphat ak kole, “Ogasa, ee Judah, ak che omenye Jerusalem! Oyan Kamuktaindet ne Toroor Kamuktaindeng'wong', si kobiit ogimegitu; oyan maotikyik, si oboor.”

KOMONG'U 3:1

Eng' pesyo ye ki iyagi Musa akweetap keechiirek che po kapyugoinnyi Jethro, tisiindetap Midian, kokweri koba surkwen komosin, ak ki it tulweetap Kamuktaindet, ne kiguure Horeb.

ISAIAH 1:1

Ng'ang'utyet ne ki ityi Isaiah weeriitap Amos, ne ki keer agobo Judah ak Jerusalem, eng' peetuusyegap Uzziah, Jotham, Ahaz ak Hezekiah, laitorinigap Judah.

JEREMIA 1:1

Chu ng'aleegap Jeremiah weeriitap Hilkiah, ne ki agenge eng' tisiik che ki mi Anatoth eng' emetap Benjamin.

JEREMIA 28:8

Ki maoten maotik che po keny che ki indounena ak che ki indounenen agobo emotinwek che chaang', ak pounatosyek, agobo lugeet ak yaityet, ak koroito.

JEREMIA 6:1

Omwei osaruge, okweek lagogap Benjamin, omong'u eng' Jerusalem ak oguut iryageet eng' Tekoa; onamji parak kitap kaboorunet eng' Beth-hakerem. Amu itu yaityet eng' murot kaataam ak ng'emisyet ne oo.

JEREMIA 7:27

Ara anyun mwachi icheek ng'aleechuuto tugul. Ago ma kasin. Iguure icheek kogeny, ago mawolun.

HOSEA 1:1

Ni ng'olyootap Kamuktaindet ne Toroor ne ki nyoonji Hosea weeriitap Beri eng' peetuusyegap Uzziah, Jotham, Ahaz, ak Hezekiah che ki laitorinigap Judah, ak eng' peetuusyegap Jeroboam weeriitap Joash laitoryatap Israel.

AMOS 7:14

Ki wolji anyun `Amos Amasia, koleenji, “Ma aa maotyot ak ma aa weeriitap maotyot. Anee ko aa mestowot ak aa saborindetap mogoonik.

MIKAH 1:1

Ng'olyootap Kamuktaindet ne Toroor ne ki nyoonji Mikah meng'iindetap Moresheth eng' peetuusyegap Jotham, Ahaz, ak Hezekiah, laitorinigap Judah, ne ki keer agobo Samaria ak Jerusalem.

SEKARIA 14:5

Ak omwei obun atebweetap tuloonookyuk; amu itei atebweetap tuloonoogap Asel: ee, omwei, ko uu ye ki omwei ye kibotani ng'wony eng' peetuusyegap Uzziah laitoryatap Judah: ak konyo Kamuktaindet ne Toroor Kamuktaindennyu, komi piik tugul che tiliileen kobooto ineendet.

MATAYO 4:18

Ak ye kiwendotee ngeguutap araraita ne po Galilaya, kogeer piik aeng' che tupcho, Simion ne kiguure Petero, ak Andrea ng'eetap kamet, kowiirchin regereiywot ne kiname njireenik araraita; amu ki ramiigap njireenik.

1 KORINTOEK 1:27

ago ki lewen Kamuktaindet tuguuk che perber che po ng'wony, si kogoochi kalilanet che utaatiin; ak ki lewen Kamuktaindet tuguuk che nyalulyotin che po ng'wony, si kogoochi kalilanet tuguuk che kiimeen;