AMDOINDET 9:11 - BUKUIT NE TILIIL Sireet ne Dutero Kanon

¹¹ Ki aweege ak ageer eng' kurereetap asiista, ale, ma po kabeletapkei che chepchep, ama po lugeet che kiimeen, ama po amitwogik che utaatiin, ama po mogornatosyek piigap naet, ama chamaatiin piik che utaatiin; ago ityin icheek tugul sainnywa ak peetuunywa.

Bukuit Ne Tilil

¹¹ Ki aweege ak ageer eng' kurereetap asiista, ale, ma po kabeletapkei che chepchep, ama po lugeet che kiimeen, ama po amitwogik che utaatiin, ama po mogornatosyek piigap naet, ama chamaatiin piik che utaatiin; ago ityin icheek tugul sainnywa ak peetuunywa.

BUKUIT NE TILIL

¹¹ Kiaweege ak ageer eng’ kureretab asista, ale, ma bo kabeletab ge che chepcheb, ama bo luget che kimen, ama bo amitwogik che ng’omen, ama bo magornatosiek bikab naet, ama chamotin bik che utotin; ago ityin ichek tugul sainywa ak betunywa.

AMDOINDET 9:11 Referencias Cruzadas

2 SAMUEL 17:14

Kole anyun Absalom ak piik tugul che po Israel, Karaaran kirwoogetap Hushai Arkindet kosiir kirwoogetap Ahitopel. Amu kiga til Kamuktaindet ne Toroor koterteer kirwooget ne myee ne po Ahitopel, si kobiit koipchi Kamuktaindet ne Toroor yaityet Absalom.

2 SAMUEL 17:23

Kingo keer Ahitopel kole mata koosup chii kirwoogennyi, koiito sigiryennyi ak kong'eet kwo kaa, kot koit nganasennyi. Kirarchi keet piigap koonnyi yeityo kwo kogeetkei, ak kime. Ara ki kitupchi poortanyi kereritap kwandanyi.

2 ATEPTAP PEETUUSYEK 20:15

Ki le ineendet, “Oeb iit okweek tugul kap Judah ak che omenye Jerusalem, kobooten inyee Laitoryat Jehoshaphat: kamwaiwok Kamuktaindet ne Toroor ko uu ni, kole: ‘Amoiywei anan oaragense amu lugoni oo; amu ma neng'wong' lugeet, ago po Kamuktaindet.

Kitabuutap JOB 34:29

Ye kasiis ineendet, ko ng'oo anyun ne igikyin ineendet? Ak ye uny togeennyi, ko ng'oo ne imuuchi kogeer? Ngo yachi poror anan ko chii, ko kergei.

TIENWOGIKAL 76:5

Kogeluul che nyigoonen, kogoruiyo konuukso; Ak ma mi eng' piik che kiimeen ne kinyoor eunekwak.

KALEWANAIK 1:5

Si kobiit kogas chiito ne utaat, ak kotesak eng' kaneetetapkei; ak chiito ne tinyei kaguiyet konyoor kirwoogutik che po iman,

AMDOINDET 2:12

Ki awelelgei anyun acheeng' utaatyet, ak iywek ak perberyo. Tos nee ne imuuchi koyai chiito ne isubu laitoryat? Kobatee nooto ne ki keyai.

AMDOINDET 3:14

Angen ale, punjin koigeny kiy age tugul ne yaei Kamuktaindet. Ma kimuuchi ketesyi kiy anan keistoe kiy. Ki koyai Kamuktaindet, si koywei `piik ineendet.

AMDOINDET 3:17

Ki amwa eng' muguleldanyu ale, “Tuun irwookyin `Kamuktaindet piik che po iman ak che yaach. Amu mi peetuut ne po ng'olyoot age tugul, ak ne po poisyet age tugul.”

AMDOINDET 4:1

Ki aweege anyun ak ageer usiisyosyek tugul che kiyaei eng' kurereetap asiista. Mi riiregap che ki kius, ama tinyei kagaigaindet, ak ki tinyei kimnateet usiikwak, ago ki ma kotinyei kagaigaindet.

AMDOINDET 4:4

Yeityo ageer poisyet tugul ak poisyet age tugul ne po utaatyet, ale amei kimegei chii agobo chiitap kokwennyi. Puch niito agine ak ko kaimetapkei ne po puch.

AMDOINDET 7:13

Ibwaat poisyetap Kamuktaindet; tos ng'oo ne imuuchi kolitit kiit ne ki yai ineendet kogunuurit?

AMDOINDET 9:2

Amu ityin piik tugul tuguuk tugul kogergeit. Ityin kiit agenge chii ne po iman ak kiptengekyot, ityin ne myee ak ne ya, chii ne tiliil ak ne ma tiliil, ityin ne igoitoi korosyot ak ne ma igoitoi korosyot. Ko uu kiit ne uu chiito ne myee, ko uu nooto kiptengekyot; uu ineendet ne iyastos, ineendet ne iywei kayasyoet.

AMDOINDET 9:3

Niito ko yaityet eng' tugul che kiyaei eng' kurereetap asiista, mi kiit agenge ne ityin tugul: ee, nyiitaat mugulelwegap weeriigap piik, yaitwogik, ak mi iywek mugulelwekwak kotee kosaptos, ye ibata, koba ole mi che ki kobek.

JEREMIA 46:6

Amat komwei ne chepchep, anan kochilil chiito ne nyigan; ki konachkei ak kobutyo eng' murot kaataam ne po ole neegitee aineetap Yufrets.

JEREMIA 48:14

Omuktoi ano omwa ole, ki murenik che nyigoonen, ak ko ki murenik che kiimeen eng' lugeet?

JEREMIA 9:23

Mwaei Kamuktaindet ne Toroor kole, amat koloskei chiito ne utaat eng' ng'omnatennyi, anan koloskei chiito ne kiim amu kimnateennyi, amat koloskei mogoryot eng' mogornatosyekyik.

SEKARIA 4:6

Kowol koleenjo, “Ni ko ng'olyootap Kamuktaindet ne Toroor ne mwachin Zerubabel koleenjin: Ma eng' kamuktaet, ama eng' kimnateet, ago eng' Kabuusennyu ne Tiliil, mwaei Kamuktaindet ne Toroor ne po lugoosyek.

MALAKI 3:18

Yeityo oweege ak obesye chiito ne po iman ak kiptengekyot, obesye ineendet ne otei Kamuktaindet ak ne maotei.”

EPESOEK 1:11

ne kiyaech eng' ineendet keegu porotennyi, ko kasip kolewenech, ko uu mageetap ineendet ne yaei tuguuk tugul ko uu kabwaatetap magennyi;

NG'ATUTIK 8:17

si mele eng' muguleldang'ung', “Kagoono kimnateennyu ak kamugetap eunnyu mogornatoni.”

NG'ATUTIK 8:18

Ago ibwaat Kamuktaindet ne Toroor Kamuktaindeng'ung' amu ineendet ne koonin kimnateet ne inyoorunee mogornateet, si kogimit kayomisennyi ne ki iyasyechi kwanisyeguk, ko uu ye yaei rani.

1 SAMUEL 17:50

Ki iterteer anyun `Daudi Philistindet eng' chemasindaryanooto ak koita, ki wiir Philistindet kobar ineendet. Ago ki ma komi rootwo ne po chok eutap Daudi.

1 SAMUEL 6:9

Ak ogeer; ngot kotogosta kobun kiwotennyi kowendi Beth-shemesh, ko kaagaa ko ineendet ne kiyaiywech yaityoni oo. Ago ngot koma pun, kenai anyun keele ma eunnyi ne kobirech ago kaagaa kiy ne koityech puch.”