AMDOINDET 5:8 - BUKUIT NE TILIIL Sireet ne Dutero Kanon

⁸ Ngot igeer kesastae kibananiat ak keistoi kirwooget ak imanda eng' koroomnateet eng' emet, ko mekwong'ee nooto. Amu keerei nooto ineendet ne toroor kosiir icheeget che torooreen, ak mi che torooreen kosiir icheek.

Bukuit Ne Tilil

⁸ Ngot igeer kesastae kibananiat ak keistoi kirwooget ak imanda eng' koroomnateet eng' emet, ko mekwong'ee nooto. Amu keerei nooto ineendet ne toroor kosiir icheeget che torooreen, ak mi che torooreen kosiir icheek.

BUKUIT NE TILIL

⁸ Ngot igeer kesastae kibananiat, ak keistoi kiruoget ak imanda eng’ koromnatet eng’ emet, ko mekwong’e noto: amu keerei noto inendet ne toror kosiir icheget che tororen; ak mi che tororen kosiir ichek.

AMDOINDET 5:8 Referencias Cruzadas

2 ATEPTAP PEETUUSYEK 26:10

Ak ki teech teeksosyek che kooen eng' surkwen, ak ki pal keriingonik che chaang' che po peek, amu ki tinyei tuuga che chaang'; eng' emet ne soi agine, ak eng' warenget. Ki tinyei kabotik ak che riibei logoegap sabibuk eng' tuloonook ak eng' mbareenik che rurtos miising'; amu ki chamei kabatisyet.

Kitabuutap JOB 24:23

Igoochin Kamuktaindet icheek kotebee ole mi kaalyeet, ak komuung'e yooto. Ak komi konyekyik ortinwekwak.

TIENWOGIKAL 12:5

Mwaei Kamuktaindet ne Toroor: “Amu sastaetap kibananook, amu tigenetap che panandos, ang'eete nguno, agoochini kotebi riibetapkei, nooto ne machei miising'.”

TIENWOGIKAL 55:9

Ng'em, ee Kiptaiyat, ak itoiye ng'elyebwekwak; amu koageer koroomnateet ak pooryeet eng' nganaseet.

TIENWOGIKAL 82:1

Tononi Kamuktaindet eng' tuiyet ne oo ne po kipsengwet; irwoochi Kamuktaindet eng' kwenutap kamuktaik.

TIENWOGIKAL 83:18

Si kobiit konai kole inyeendet inyegei ne kaineng'ung' ko Kamuktaindet ne Toroor, Inyee ko ii Ne Toroor Miising' ne pou ng'wony komugul.

TIENWOGIKAL 95:3

Amu Kamuktaindet ne oo Kamuktaindet ne Toroor, Ineendet laitoryat ne oo ne siirei kamuktaik tugul.

KALEWANAIK 22:16

Ineendet ne usei kibananiat si kotesak tuguukyik, ak kogoochin tuguuk mogoryot, koegu kibananiat.

KALEWANAIK 24:12

Ngot imwa ile, “Keero, ma ki nai niito!” Tos ma ibwaati niito ineendet ne keerei mugulelwek eng' karagendoet? Tos ma naei ng'olyoondoniito ineendet ne riibei saboondang'ung'? Ak tos ma igeerchin chii age tugul ko uu poisyennyi?

KALEWANAIK 8:17

Achame che chama; ak nyoorwo che cheeng'a eng' kagiiletapkei.

AMDOINDET 3:16

Ki ageer anyun kogeny eng' kurereetap asiista ale mi yaityet kapkirwooget, ak komi yaityet ye mi imanda.

AMDOINDET 4:1

Ki aweege anyun ak ageer usiisyosyek tugul che kiyaei eng' kurereetap asiista. Mi riiregap che ki kius, ama tinyei kagaigaindet, ak ki tinyei kimnateet usiikwak, ago ki ma kotinyei kagaigaindet.

AMDOINDET 5:9

Po tugul keljinetap ng'wony. Poisyechin agine laitoryat tuguugap mbar.

AMDOINDET 7:7

Igoochin iman sastaet chiito ne utaat koberberit; ak ng'emei `kiit ne kigoigoisye naet.

AMDOINDET 8:9

Ki ageer chuuto tugul, ki agiilji muguleldanyu poisyet age tugul ne kiyaei eng' kurereetap asiista. Miitei peetuut ne tinyei chiito age kimnateet koboi age si kogoochinegei nyalilda.

ISAIAH 10:12

Nooto anyun ye tuun kagoyai Kiptaiyat poisyennyi komugul eng' tulweetap Zion ak eng' Jerusalem, abir anyun logoegap menoteetap muguleldo ne po laitoryatap Assyria, ak toroornatetap kachaunennyi pogei.

ISAIAH 3:15

Lyon anyun, si osastoe piikyuk, ak otyech togoochigap kibananook? Mwaei Kiptaiyat Kamuktaindet ne Toroor ne po lugoosyek.

ISAIAH 37:36

Ak kimanda malaikaiyatap Kamuktaindet ne Toroor, ak kobar piik eliphuusyek pogol ak tamanwogik sisiit ak muut eng' nganaseetap piigap Assyria: ak kingo ng'eetyo piik karon, ogeero, kimuuswek tugul, che kogobek.

ISAIAH 5:7

Mbareetap sabibuk ne po Kamuktaindet ne Toroor ne po lugoosyek ko kootap Israel, ak keetinnyi ne iboiboi ineendet ko piigap Judah. Ki igen kirwooget, ago ki keer tumdaetap korotiik; ki igen imanda, ago ki kas riirek.

ISAIAH 57:15

Amu mwaei ko uu ni ineendet ne mi parak ak ko toroor ne menyei koigeny, ne Tiliil kainennyi kole, amenye ole toroor ak ko tiliil, kobooto ineendet agine ne kigonyeratkei eng' muguleldo, ak koming'ingei, si kobiit kisoop muguleldap ne iming'inegei, ak kisoop mugulelwegap che inyeratigei.

EZEKIEL 18:18

Ago ne uu kwandanyi, amu kiusiis eng' kolgolyet, ak kerep tuguugap tupchennyi eng' koroomnateet, ak koyai ne ma myee eng' piikyik, ogeero, meei ineendet eng' tengektanyi.

AMOS 5:12

Amu angen ole tee chaang'indap pistaosyekwok ak ole tee ooindap tengekwogikwok; okweek che onyalili piik che po iman, che otaache tuguuk che po kagaigaet, ak omaasi che ma tinyei kiy eng' ormariichet si ma nyoor imandanywa.

AMOS 6:12

Tos rwaei paraisisyek eng' rwandet? Tos ibate `chii eik olooto? Ko owal kirwooget koek kiit ne ng'waan, ak owal logoek che po imanda koek ng'wonet.

MIKAH 2:9

Otimdoi kwonyiigap piikyuk koba eng' kooriikwak che korooron; orebe toroornatennyu lagokwak agoi.

SEKARIA 8:6

Mwaei Kamuktaindet ne Toroor ne po lugoosyek kole: Ngot ko po kwong'eet eng' konyegap piik che ng'etu eng' pichu eng' peetuusyechooto, ko tos ma po kwong'eet agine eng' konyekyuk? Mwaei Kamuktaindet ne Toroor ne po lugoosyek.

MALAKI 3:5

Ak arikyok eng' kirwooget, ak achepchebi agoon paornateet agobo inyee aegu, arwookyi icheek che ma iywea: pooniik, che ibegei, piik che iyastos eng' lembechek, icheek che sastoe otwogindet ne kisirei eng' melektanyi, che sastoe kwony ne ki kosiirtoe manong'otyot ak ne ma tinyei sigiik, ak ne imaasi toondet, mwaei Kamuktaindet ne Toroor ne po lugoosyek.

LUKA 1:32

Egu ne oo ineendet ak tuun kiguuree Weeriitap Ineendet Ne Toroor Miising'; ak kogoochin `Kiptaiyat Kamuktaindet ng'echereetap laitornatet ne po kwandanyi Daudi:

LUKA 1:35

Ak ki wolji malaikaiyat koleenji, “Nyonjinin Kabuuset ne Tiliil ak kouurin kamuktaetap Ineendet Ne Toroor Miising'; nooto anyun kiguure ne tiliil, Weeriitap Kamuktaindet, ineendet ne tuun kisichei.

LUKA 1:76

Ee lakwani, kigurenen maotyotap Ineendet Ne Toroor Miising'; amu iwendi eng' taitap Kiptaiyat indoi, si kobiit ichop ortinwekyik,

POISYONIGAP CHE KIYOKTOI 12:23

Eng' sainooto anyun kobir ineendet `malaikaiyatap Kiptaiyat, amu ma konyit Kamuktaindet. Ara ki am ineendet kuutik ak kime.

ROMANIK 11:33

Ee tyanitu anyun ooindo ne po mogornatosyegap utaatyet ak naetap Kamuktaindet! Ak kirwoogutikyik che ma isiagaksei, ak ortinwekyik che ma cheeng'oksei!

JAKOBO 2:13

Amu ma tinyei kirwooget rireenetapkei eng' ineendet ne ma iboor rireenetapkei: itorooregei rireenetapkei kogirindoi kirwooget.

1 PETERO 4:12

Chamanichu, amokwong' eng' tyemisyet ne po maat ne mi kwenung'wong', ne nyoonjinok si kobiit kotyemak ko uu ye kaityok kiy ne okwong'ee:

1 JOHANA 3:13

Amokwong'ye che kitupche, ngot kowechok ng'wony.