AMDOINDET 1:14 - BUKUIT NE TILIIL Sireet ne Dutero Kanon

¹⁴ Ki ageer poisyonik tugul che kiyaei eng' kurereetap asiista; ak ogeero, puch tugul: Uu oneetap koristo.

Bukuit Ne Tilil

¹⁴ Ki ageer poisyonik tugul che kiyaei eng' kurereetap asiista; ak ogeero, puch tugul: Uu oneetap koristo.

BUKUIT NE TILIL

¹⁴ Kiageer boisionik tugul che kiyaei eng’ kureretab asista; ak ogeero, buch tugul, kaiimetab ge ne bo buch.

AMDOINDET 1:14 Referencias Cruzadas

AMDOINDET 12:8

Mwaei anyun Amdoindet kole: Puch tugul, ma tilei kiy! Puch tugul.

AMDOINDET 2:11

Ki ageer anyun poisyonik tugul che ki ayai, ak poisyet ne kiga abirtochigei ayai. Ogeero, puch tugul ak kaimetapkei ne po puch ak ki ma komi keluno eng' kurereetap asiista.

AMDOINDET 2:17

Ki awech anyun sabeet amu ki koono ng'wanindo poisyet ne kiyaei eng' kurereetap asiista. Amu puch tugul ak kaimetapkei ne po puch.

AMDOINDET 2:26

Amu igoochin Ineendet utaatyet ak naet, ak poiboiyet chiito ne iboiboi ineendet. Ago igoochin kiptengekyot poisyetap nyalilda asi kobiit koyum ak kotes, ak kogoochi ineendet ne iboiboi Kamuktaindet. Puch niito agine ak ko kaimetapkei ne po puch.

AMDOINDET 3:19

Amu kiit ne nyooru weeriigap piik konyooru tyong'ik, nyooru kiit agenge tugul. Ko uu ye meei age, ko uu nooto, meei age agine; ee, tinyei tugul kabuuset agenge, ama tinyei chiito etunateet kosiir tyong'ik, amu puch tugul.

AMDOINDET 4:16

Ki ma komi kagesunetap piik tugul, agot ne po icheek tugul che ki pou. Ago ma poiboitune ineendet icheek che piitu let. Puch niito agine iman ak kaimetapkei ne po puch.

AMDOINDET 4:4

Yeityo ageer poisyet tugul ak poisyet age tugul ne po utaatyet, ale amei kimegei chii agobo chiitap kokwennyi. Puch niito agine ak ko kaimetapkei ne po puch.

AMDOINDET 4:6

Kaigai kererutyet kobooto siisek, kosiir kererutik aeng' ak pirtoetapkei, ak kaimetapkei ne po puch.

AMDOINDET 6:9

Kaigai keereetap konda kosiir mageet ne ombenoti. Puch niito agine ak ko kaimetapkei ne po puch.

AMDOINDET 8:16

Ye ki agiil muguleldanyu konai utaatyet ak ageer poisyet ne kiyaei eng' ng'wony, ko ki ageer ale mi ne ma inuuchi peet anan kemoi.