2 TIMOTEO 1:12 - BUKUIT NE TILIIL Sireet ne Dutero Kanon

¹² Anyooru anyun nyalilwogichu ak icheek agobo nooto: ago ma lilani; amu angen ineendet ne ki ayan, ak ayani komyee ale imuuchi koriip nooto ne ki agoochi ineendet agoi peetuunooto.

Bukuit Ne Tilil

¹² Anyooru anyun nyalilwogichu ak icheek agobo nooto: ago ma lilani; amu angen ineendet ne ki ayan, ak ayani komyee ale imuuchi koriip nooto ne ki agoochi ineendet agoi peetuunooto.

BUKUIT NE TILIL

¹² Anyoru anyun nyalilwogichu agichek agobo noto: ago malilani; amu angen inendet ne kiayan, ak ayani komie ale imuchi korib noto ne kiagochi inendet agoi betunoto.

2 TIMOTEO 1:12 Referencias Cruzadas

TIENWOGIKAL 25:2

Ee Kamuktaindennyu, ki amang'un; amegoono alilan; amegoochi puunikyuk kogasenagei.

TIENWOGIKAL 31:5

Kande saboondanyu eung'ung'. Ki ityaacha, ee Kamuktaindet ne Toroor, inyee Kamuktaindet ne po imanit.

TIENWOGIKAL 56:9

Weekyigei let puunikyuk eng' peetuut ne aguursei. Angen niito ale, mi Kamuktaindet komostanyu.

TIENWOGIKAL 9:10

Ak imang'un icheek che ingen kaineng'ung', amu inyee, Kamuktaindet ne Toroor, koma imete che cheeng'in.

ISAIAH 12:2

Ogeero, Kamuktaindet ko yetunennyu; amang'u, ama aiyweisyei, amu Kamuktaindet ko kimnateennyu ak ko tyendanyu; kagoek ineendet yetunennyu.”

ISAIAH 50:7

Amu toreto Kiptaiyat Kamuktaindet ne Toroor; ma alilan anyun amu nooto: ki auuiit anyun togeennyu koigei rwandet ne uui, ak angen ale ma lilani.

ISAIAH 54:4

Meiywei, amu melilani; anan itoptoben; amu ma kiteweerin, amu iutye teweernatetap ming'inateng'ung', ama ibwaati chotisyetap mosoknateng'ung'.

NAHUM 1:7

Myee Kamuktaindet ne Toroor, irimeet eng' peetuutap nyalilda; ak kongen icheeget che imang'u ineendet.

MATAYO 12:21

Ak imang'u pororyosyek kainennyi.”

MATAYO 24:36

“Ago ma naei chii age tugul agobo peetuunooto ak sainooto, ma naei agot malaikaisyegap kipsengwet, anan Weeriit, ago Kwanda ineegei.

MATAYO 7:22

Leenjino che chaang' peetuunooto, “Kiptaiyat, Kiptaiyat, tos ki ma kiyai maonateet eng' kaineng'ung', ak keon oik eng' kaineng'ung', ak keyai eng' kaineng'ung' poisyonik che chaang' che po kimnateet?”

LUKA 10:12

Ago amwaiwok ale, Tuun kaigaitu Sodom eng' peetuunooto, kosiir nganasanooto.

LUKA 23:46

Ak kitwek Jeso eng' kutit ne oo, kole, “Abba, kande saboondanyu euneguk: ak kingo kagomwa ni, kogoito saboondonyi.”

JOHANA 17:15

Masaae ale imut icheek eng' ng'wony, ago ale iriip icheek eng' ineendet ne ya.

JOHANA 6:44

Ma imuuchi chii konyoonjo, ama ichuut Kwanda ne ki iyookwo: ak ang'eeti ineendet eng' peetuutap let.

POISYONIGAP CHE KIYOKTOI 13:46

Kong'alaal anyun Paulo ak Barnaba eng' nyiganateet koleen, “Konyolu kemwaiwok korook ng'olyootap Kamuktaindet. Amu ki ogirinde ak orwookyinige okweegei ole ma nyolu onyooru saboondap koigeny, ogeero, kagibe ye mi Pororyosyek.

POISYONIGAP CHE KIYOKTOI 13:50

Ago ki inde `Yahudik ng'aleegap chaamset kobogorisyek che konyiti Kamuktaindet ak ko taagunotiin, ak piik che eecheen che po nganaseet, ak ki ing'eet usiisyet kous Paulo ak Barnaba, ak koon komanda eng' kiwotosyekwak.

POISYONIGAP CHE KIYOKTOI 21:13

Kowol Paulo kole, “Oyae nee, orirtosi ak obare muguleldanyu? Amu aa choboot, ma kerata kityo, ago ame eng' Jerusalem agobo kainetap Kiptaiyat Jeso.”

POISYONIGAP CHE KIYOKTOI 7:59

Kolach anyun Stepano, koguurei Kiptaiyat, koleen, “Kiptaiyat Jeso, taach saboondanyu.”

POISYONIGAP CHE KIYOKTOI 9:16

amu aboorchini ineendet ole tee chaang'indap tuguuk che kanyool konyoorunee nyalilda agobo kainennyu.”

ROMANIK 1:16

Ma lilanjini anyun logoiywek che myach; amu niito ko kimnateetap Kamuktaindet ne koonu yetunet eng' age tugul ne iyani; eng' Yahudyot korook ak eng' Yunanindet agine.

ROMANIK 9:33

ko uu ye siraat kole, Ogeero, andoi Zion koita ne riichei piich ak rwandet ne inachi piich: Ak ne iyani ineendet koma kigoochin kolilaan.

1 KORINTOEK 1:8

Ne igimitok agine agoi let, ko motinye kiy ne kirwoogunenok eng' peetuutap Kiptaiyandennyo Jeso Kristo;

1 KORINTOEK 3:13

tuun king'aanyei poisyetap chii age tugul: amu tuun ng'aanyei peetuut, amu king'aanyei eng' maat; ak kotyem matole teptoi poisyetap chii age tugul.

PILIPIK 1:20

Ko uu eng' kagenisyennyu ne ageni miising' ak kamang'unennyu, ale ma kigoono alilan eng' kiy age tugul ago eng' nyiganateet tugul, ko uu kotugul, ko uu nooto agine nguno kitoroori Kristo eng' poortanyu, ngo eng' saboondo, anan eng' meet.

PILIPIK 3:10

si kobiit anai ineendet ak kamuktaet ne po ng'eetyeennyi, ak yamdaet ne po nyalilwogikyik, kirogendoena meennyi;

PILIPIK 3:21

ne tuun walei kileelit poortanyo ne po nyeraatyet, si kobiit kogergeit ak poortanyi ne po liilindo, eng' kamugonooto imuuchi koyai tuguuk tugul kogas iit ineendet.

PILIPIK 3:8

Ee iman, ak aiiti tuguuk tugul koek tugun che ki kobetyo amu telunateet ne po naetap Kristo Jeso, Kiptaiyandennyu: ki kobetwo tuguuk tugul amu ineendet ak aiiti ale pusagaryek, si kobiit anyoor Kristo,

1 THESSALONIKEK 2:16

etenech keng'alaalji Pororyosyek si kobiit kesar; inyiiti kotugul tengekwogikwak: ago nyoonjin icheek nereeknateet agoi let.

1 THESSALONIKEK 5:4

Ago okweek, tupchosyechu, koma mi eng' mesundeito, kot konyonjok peetuunooto ko uu choriin:

1 TIMOTEO 6:20

Ee, Timoteo, riip anyun nooto kigegoonin, istoegei ng'aleek che ma namegei ak ooreetap Kamuktaindet, ak kabeletapkei ne po naet, nooto kiguure eng' lembech naet;

2 TIMOTEO 1:14

Riip eng' Kabuuset ne Tiliil ne menyei eng' acheek, nooto myee ne ki kigoonin.

2 TIMOTEO 1:16

Ingogoochi Kiptaiyat rireenet kootap Onesiporo: amu kitoreta konyil che chaang', ama ililan amu monjororitinnyu;

2 TIMOTEO 1:18

ingogoochi Kiptaiyat ineendet konyoor rireenet ne po Kiptaiyat eng' peetuunooto! Ak ingen komyee ole tee poisyet ne ki yai eng' Epheso.

2 TIMOTEO 1:8

Amelilanji anyun paornateetap Kiptaiyandennyo, anan anee kimonjororyondennyi: ago nam yamdaetap nyalilwogik amu logoiywek che myach ko uu ye tee kamuktaetap Kamuktaindet;

2 TIMOTEO 2:9

ne anyoorunee nyalilda, agoi monjorornatosyek; ko uu chiito ne yaei yaityo; ago ma rataat ng'olyootap Kamuktaindet.

2 TIMOTEO 4:8

kobooch nguno ko kagegonorwo kuutweet ne po imanda, ne tuun koono Kiptaiyat, kirwoogindet ne po imanda, eng' peetuunooto: ago ma aneege, ago icheeget tugul ak icheek che ki kocham tagunennyi.

TITO 3:8

Po iman ng'olyoondoni, ak amache imwa tuguuchuuto eng' kimnateet, si kobwaat icheek che ki koyan Kamuktaindet, koyai kotugul poisyonik che myach. Myachen tuguuchuuto ak kotoreti piik:

HEBRANIK 12:2

kegeere Jeso ne kandoindet ak ko kawong'unindet ne po kayaneet, ne kimuita eng' kimurtoiyot amu poiboiyet ne ki kinde tainnyi, ak kosas kalilanet, ak ki kotebee eutap tai ne po ng'echereetap laitornatet ne po Kamuktaindet.

HEBRANIK 2:18

Amu ko uu ye kinyalil ineendet ye ki kiyomei, komuuchi ineendet kotoret icheek che kiyomei.

HEBRANIK 7:25

Eng' nooto anyun komuuchi kogeny kosar agoi kasuldaet icheek che pwaanjin Kamuktaindet eng' ineendet, amu sabei ineendet koigeny si kobiit kosaaei agobo icheek.

1 PETERO 1:5

okweek che ki riibei eng' kimnateetap Kamuktaindet eng' kayaneet si onyooru yetunet ne choboot keng'aany eng' peetuutap let.

1 PETERO 4:16

ago nginyalil chii amu Kristyanindet, ko mat kolilaan; ingotoroor Kamuktaindet eng' kainaniito.

1 PETERO 4:19

Nooto anyun ingogoito saboonwekwak che nyalildos ko uu mageetap Kamuktaindet kogoochi eng' yaeet ne myee Yaindet ne kiyani, koriip.

JUDA 1:24

Ingobunji anyun nguno ineendet ne imuuchi koriibok si mobutye, ak kondeak taitap toroornatennyi eng' poiboiyet ne oo ko motinye tisya,