2 SAMUEL 8:4 - BUKUIT NE TILIIL Sireet ne Dutero Kanon

⁴ Kiluule `Daudi ineendet murenikyik eliphuut agenge ak pogol tisap che ki laanyei paraisisyek ak eliphuusyek tiptem che kibunei keelyek. Ki ep Daudi kutung'oigap paraisisyek tugul che ki ichuuti kariisyek, ago ki ituuch eng' chooto che yamei kariisyek pogol.

Bukuit Ne Tilil

⁴ Kiluule `Daudi ineendet murenikyik eliphuut agenge ak pogol tisap che ki laanyei paraisisyek ak eliphuusyek tiptem che kibunei keelyek. Ki ep Daudi kutung'oigap paraisisyek tugul che ki ichuuti kariisyek, ago ki ituuch eng' chooto che yamei kariisyek pogol.

BUKUIT NE TILIL

⁴ Ak kirebe Daudi inendet murenik elfut agenge ak bogol tisab che kilanyei mbartanyisiek, ak elfusiek tiptem che kibunei kelyek: ak kieb Daudi kutung’oikab mbartanyisiek tugul che kiichuuti karisiek, ago kiituch eng’ choto che yamei karisiek bogol.

2 SAMUEL 8:4 Referencias Cruzadas

TAUNET 49:6

Ee, muguleldanyu, amat iwe kapkirwoogennywa; Ee, teegistanyu, amonamge ak tuiyennywa. Amu ki par chii eng' nereegekwak, Ak ki ep kwaryatap eiik eng' kwetyinennywa.

1 LAITORINIK 10:26

Ki iyum Solomon kariisyegap lugeet ak piik che ketei paraisisyek. Ki tinyei kariisyek eliphuut ak pogol ang'wan ak piik che ketei paraisisyek eliphuusyek taman ak aeng' che ki inde nganasoogap kariisyek, ak che ki mi ole mi laitoryat eng' Jerusalem.

1 ATEPTAP PEETUUSYEK 18:4

Kirebe Daudi ineendet kariisyek eliphuut, murenik eliphuusyek tisap che ki laanyei paraisisyek, ak che kibunei keelyek eliphuusyek tiptem. Ki ep Daudi kutung'oigap paraisisyek, ago ki ituuch eng' chooto che yamei kariisyek pogol.

TIENWOGIKAL 20:7

Imang'u alak kariisyegap lugeet ak alak paraisisyek; ago kibwaati acheek kainetap Kamuktaindet ne Toroor, Kamuktaindennyo.

NG'ATUTIK 17:16

Ago amat kotesyigei paraisisyek anan kogoochi piik koweektagei Misiri si kotesigei paraisisyek. Amu kimwaiwok Kamuktaindet ne Toroor kole, ‘Amata oweektage oranooto kogeny.’

JOSHUA 11:6

Ki leenji `Kamuktaindet ne Toroor Joshua, “Meiywei icheek, amu mutai ko tee ni asiis agoitoi icheek tugul kebar eng' taitap Israel. Iebe kwarinigap paraisisyekwak ak ibeel kariisyekwak eng' maat.”

JOSHUA 11:9

Ki yachi `Joshua icheek ko uu ye ki ng'at Kamuktaindet ne Toroor. Ki ep kwarinigap paraisisyekwak yeityo kobeel kariisyekwak eng' maat.