2 SAMUEL 3:10 - BUKUIT NE TILIIL Sireet ne Dutero Kanon

¹⁰ Autoi laitornatet eng' kootap Saulo ak alumde ng'echereetap Daudi kolaitoran eng' Israel ak Judah kobooch Dan agoi Beer-sheba.”

Bukuit Ne Tilil

¹⁰ Autoi laitornatet eng' kootap Saulo ak alumde ng'echereetap Daudi kolaitoran eng' Israel ak Judah kobooch Dan agoi Beer-sheba.”

BUKUIT NE TILIL

¹⁰ auto bounatet eng’ gotab Saul, ak alumde ng’echeretab laitornatet ne bo Daudi koboi Israel ak Juda, koboch Dan agoi Beer-seba.

2 SAMUEL 3:10 Referencias Cruzadas

2 SAMUEL 17:11

Ago arwoochi aleen, ingoyumjingei Israel tugul, kobooch Dan agoi Beer-sheba, kotenit ng'aniek che miitei ngeguutap araraita eng' chaang'indo, si iwe lugeet inyeendet.

2 SAMUEL 24:2

Ak ki leenji `laitoryat Joab kiptaiyatap lugeet ne ki mi ak ineendet, “Ui punoote pororyosyek tugul che po Israel, kobooch Dan agoi Beer-sheba ak oiit piik si kobiit anai ole tee koiitennywa.”

2 SAMUEL 3:11

Ki mata komuuch kowolji Abner ng'olyoot age, amu ki iywei ineendet.

2 SAMUEL 3:21

Ki leenji `Abner Daudi, “Ang'eete awendi ak ayumji Israel tugul kiptaiyandennyu laitoryat si kobiit koyai arorutyet kobooten, ak si kobiit ilaitorane che machei muguleldang'ung'.” Eng' let kosaiseret `Daudi Abner, ak ki wo eng' kaalyeet.

1 LAITORINIK 4:25

Ki meng'iis Judah ak Israel eng' chametapkei, ki tebee chii tugul kelutap keetinnyi ne po sabibuk, ak mogoywennyi, kobooch Dan agoi Beer-sheba, eng' peetuusyek tugul che po Solomon.

KIRUOGIK 20:1

Ki manda anyun piigap Israel tugul, kobooch Dan agoi Beer-sheba, kobooto emetap Gilead, ak ki iyumgei tuiyet koigei chiichak, ki iyumgei eng' taitap Kamuktaindet ne Toroor eng' Mispa.

1 SAMUEL 15:28

Ki mwachi `Samuel ineendet koleenji, “Kagogereerenen Kamuktaindet ne Toroor laitornatetap Israel rani, ak kogoochi chiitap kokweng'ung' ne kaigai eng' inyee.

1 SAMUEL 28:17

Kigoboisyechigei Kamuktaindet ne Toroor ko uu ye ki mwa eng' anee. Ki kobetenen Kamuktaindet ne Toroor laitornatet ak kogoochi chiitap kokweng'ung' Daudi.

1 SAMUEL 3:20

Kobooch Dan agoi Beer-sheba ko ki nai Israel tugul kole Samuel iman ko maotyotap Kamuktaindet ne Toroor.