2 SAMUEL 24:2 - BUKUIT NE TILIIL Sireet ne Dutero Kanon

² Ak ki leenji `laitoryat Joab kiptaiyatap lugeet ne ki mi ak ineendet, “Ui punoote pororyosyek tugul che po Israel, kobooch Dan agoi Beer-sheba ak oiit piik si kobiit anai ole tee koiitennywa.”

Bukuit Ne Tilil

² Ak ki leenji `laitoryat Joab kiptaiyatap lugeet ne ki mi ak ineendet, “Ui punoote pororyosyek tugul che po Israel, kobooch Dan agoi Beer-sheba ak oiit piik si kobiit anai ole tee koiitennywa.”

BUKUIT NE TILIL

² Ak kilenji laitoriat Joab kiptaiyatab luget, ne kimi ak inendet, Ui bunote bororiosiek tugul che bo Israel, koboch Dan agoi Beer-seba, ak oiit bik si kobiit anai koitetab bik.

2 SAMUEL 24:2 Referencias Cruzadas

TAUNET 21:14

Ki ng'eet anyun Abraham eng' peetuut ne ki isubi kota ko karon miising' ak ki ip amitwogik ak soteet ne po peek kogoochi Hagar ak lakweet. Ki indochi tigikyennyi tuguuchooto yeityo kounda icheek koba. Ki wo anyun koombenot eng' surkwen ne po Beer-sheba.

2 SAMUEL 17:11

Ago arwoochi aleen, ingoyumjingei Israel tugul, kobooch Dan agoi Beer-sheba, kotenit ng'aniek che miitei ngeguutap araraita eng' chaang'indo, si iwe lugeet inyeendet.

2 SAMUEL 2:13

Ki pa ak icheek Joab weeriitap Zeruiah ak otwogigap Daudi ak kituiyechi ak Abner tamboiyotap Gibeon. Ki ibuure alak tamboiyot komosi, kobuure alak tamboiyot komosin.

2 SAMUEL 20:23

Kiboi Joab lugeet tugul ne po Israel, koboi Benaiah weeriitap Jehoiada Keretik ak Peletik.

2 SAMUEL 23:37

Selek Amonindet, Naarai Beerotindet, ne ki ipchin kariik Joab weeriitap Zeruiah,

2 SAMUEL 24:15

Ki iyookyi `Kamuktaindet ne Toroor anyun koroitap ng'wony Israel, kong'etee karon agoi sait ne ki king'at ak ki pek piik eliphuusyek tamanwogik tisabu kobooch Dan agoi Beer-sheba.

2 SAMUEL 3:10

Autoi laitornatet eng' kootap Saulo ak alumde ng'echereetap Daudi kolaitoran eng' Israel ak Judah kobooch Dan agoi Beer-sheba.”

2 SAMUEL 8:16

Ki pou Joab weeriitap Zeruiah lugeet, ak ko ki siriindetap tuguuk che piitu, Jehoshaphat weeriitap Ahilud.

1 ATEPTAP PEETUUSYEK 21:2

Ki leenji Daudi Joab ak pounigap piik, “Oba ak oiit Israel kong'etee Beer-sheba agoi Dan, yeityo obwa omwaiwo si anai koiitennywa.”

2 ATEPTAP PEETUUSYEK 32:31

Ago eng' ng'aleegap piik che ki iyook pounigap Babilon, che ki pwa koteepse agobo kwang'utyet ne kiyaak eng' emet, ko ki pagaakta `Kamuktaindet ineendet, kotyem si konai tuguuk tugul che ki mi muguleldanyi.

KALEWANAIK 29:23

Iming'ini chii `menatennyi, ago nyooru teegisto ineendet ne iming'inegei.

JEREMIA 17:5

Mwaei Kamuktaindet ne Toroor kole: Chuboot chii ne imang'u kipkosabei, ak kotiegei kipkosabei, ineendet ne istoegei muguleldanyi Kamuktaindet ne Toroor.

2 KORINTOEK 12:7

Ak eng' ooindo ne siirtoot ne po ng'ang'utik - si ma kitoroora miising', ko ki kigoono kateet eng' poorto, ne otwoget ne po Setani kobira si ma toroorgei miising'.

KIRUOGIK 20:1

Ki manda anyun piigap Israel tugul, kobooch Dan agoi Beer-sheba, kobooto emetap Gilead, ak ki iyumgei tuiyet koigei chiichak, ki iyumgei eng' taitap Kamuktaindet ne Toroor eng' Mispa.