2 SAMUEL 24:16 - BUKUIT NE TILIIL Sireet ne Dutero Kanon

¹⁶ Ye kingo tokyi malaikaiyat eunnyi Jerusalem kole kobar, kowal Kamuktaindet ne Toroor kabwaatutikyik agobo yaityonooto ak koleenji malaikaiyandonooto kibarei piik, “Kagoyam, ingosiis eung'ung'.” Ki mi malaikaiyatap Kamuktaindet ne Toroor ole neegitee rwanyut ne kiboorsee ne po Arauna Jebusindet.

Bukuit Ne Tilil

¹⁶ Ye kingo tokyi malaikaiyat eunnyi Jerusalem kole kobar, kowal Kamuktaindet ne Toroor kabwaatutikyik agobo yaityonooto ak koleenji malaikaiyandonooto kibarei piik, “Kagoyam, ingosiis eung'ung'.” Ki mi malaikaiyatap Kamuktaindet ne Toroor ole neegitee rwanyut ne kiboorsee ne po Arauna Jebusindet.

BUKUIT NE TILIL

¹⁶ Ak kingotokyi malaikaiyat eunnyi Jerusalem kole kobar, kowal Jehovah kabwatutikyik agobo yaitionoto, ak kolenji malaikaiyandonoto kibarei bik, Kagoyam; ingosis eung’ung’. Ak kimi malaikaiyatab Jehovah ole negite ruanyut ne kiborse ne bo Arauna Jebusindet.

2 SAMUEL 24:16 Referencias Cruzadas

TAUNET 10:16

ak Jebusik, Amorik, Girgasiik,

TAUNET 6:6

Ki riir let Kamuktaindet ne Toroor agobo chii ne ki yai eng' ng'wony, ak ki kas ng'wanindo eng' muguleldanyi.

2 SAMUEL 24:18

Ki nyo `Gad peetuunooto ole mi Daudi koleenji ineendet, “Togoste, iteekyi Kamuktaindet ne Toroor kaptisisyet eng' rwanyut ne kiboorsee ne po Arauna Jebusindet.”

2 SAMUEL 5:8

Eng' peetuunooto kole `Daudi, “Chii age tugul ne parei Jebusik, ko ingotogosta kwo kereruutap peek si kwo kobar che ing'waldos ak kipkoratinik che puunigap Daudi.” Nooto amu nee si kimwaei keleen, “Ma imuuchi kobwa ko kipkoratinik ak che ing'waldos.”

1 LAITORINIK 19:4

Ago ki wo ineendet pandap peetuut agenge kochut surkwen. Ki it ole mi keetiigap junipa, ak kotebi ng'wony eng' keetoto keel. Ki soom eng' yooto kole kome, ak ki le, “Kogoyam! Ara anyun, ee Kamuktaindet ne Toroor, ip saboondanyu nguno. Ma aa myee anee asiir kwanisyekyuk.”

2 LAITORINIK 19:35

Ki manda malaikaiyatap Kamuktaindet ne Toroor kemounooto ak kobar piik eliphuusyek pogol ak tamanwogik sisiit ak muut eng' nganaseetap piigap Assyria. Kingo ng'eetyo piik karon, ko ki muuswek tugul, che kogobek.

1 ATEPTAP PEETUUSYEK 1:14

kobooto Jebusiik, Amorik, Girgasiik,

2 ATEPTAP PEETUUSYEK 3:1

Ki toi anyun Solomon koteech kootap Kamuktaindet ne Toroor eng' Jerusalem eng' tulweetap Moriah, ole ki mong'jine Kamuktaindet ne Toroor kwandanyi Daudi, ki chop ineendet eng' ole ki ng'at Daudi, eng' rwanyut ne kiboorsee ne po Ornan Jebusindet.

2 ATEPTAP PEETUUSYEK 32:21

Ak ki iyookto `Kamuktaindet ne Toroor malaikaiyat ne ki par murenik tugul che kiimeen che nyigoonen ak kandoik ak kiptainik eng' nganaseet ne po laitoryatap Assyria. Ki week anyun ineendet eng' kalilanet kwo emennyi. Kingo it kootap kanamwennyi, kobar lagokyik ineendet eng' yooto eng' rotwetap chok.

TIENWOGIKAL 135:14

Amu irwooksechin `Kamuktaindet ne Toroor piikyik, ak koriiregei kiboitiinikyik.

TIENWOGIKAL 35:6

Ingoimen ooreenywa ak kochabait, ak koon `malaikaiyatap Kamuktaindet ne Toroor icheek!

TIENWOGIKAL 78:38

Ago kinyochi kaat tengektonywa amu ki nyiitaat ineendet rireenetapkei, ak ki ma par icheek: Ee, kiweekta nereegekyik konyil che chaang', Ama ing'eet nereegekyik tugul.

TIENWOGIKAL 90:13

Weeguge, ee Kamuktaindet ne Toroor; tyanitu? Ak irireegei kiboitiniguk.

KOMONG'U 12:13

Egu anyun korotichooto ko oile tugatugik kaboorunet eng' okweek eng' kooriikwok ole omi. Ye ageer korotiik asiirtoenok ak ma ityinok koroato konyo kong'emak ye abare emetap Misiri,

KOMONG'U 12:23

Amu nyoo kosiirtoi Kamuktaindet ne Toroor kowendi kobarei taiywegap Misiriik. Ye keer korotiik eng' rateiywotap tugatuk ak eng' tugatugik tuwai eng' kooriikwok, kosiirto ineendet eng' kurganooto ak ma chamjin ng'emindet komong' nyoo kobaraak.

KOMONG'U 32:14

Ki wol anyun `Kamuktaindet ne Toroor kabwaatutikyik agobo yaityonooto ki kamwa kole yachin piikyik.

KOMONG'U 9:28

Osaa Kamuktaindet ne Toroor amu kagoyam tuleennyi ak koik; agoonok anee obe, amat ogagei.”

ISAIAH 27:8

Ki oborye ak ineendet ne yamei, ye ki ioone; ki isto ineendet eng' usoonennyi ne ng'waan eng' peetuutap usoonetap kong'asiis.

ISAIAH 57:16

Amu ma kibortosi agoi, ama kinereechi kotugul; amu katatanuisyo eng' tainnyu, agot saboonwek che ki ayai.

JEREMIA 26:19

Tos kita kobar Hezekiah laitoryatap Judah ak Judah tugul ineendet? Tos ki ma iywei Kamuktaindet ne Toroor ak kogaigai Kamuktaindet ne Toroor, kot kowal Kamuktaindet ne Toroor kabwaatutikyik eng' yaityet ne kiga komwa agobo icheek? Ngot keyai ko uu nooto, ko kagiipchi saboonwekyok yaityet ne oo.

JEREMIA 42:10

Ngot kota omeny emoni, ateechok anyun, ama abutok, ak aminak, ama atutok: amu kaawal kabwaatutikyuk eng' yaityet ne koayaiywok.

AMOS 7:3

Ki wal Kamuktaindet ne Toroor kabwaatutikyik agobo niito; kole “Ma piitu ko uu nooto,” mwaei Kamuktaindet ne Toroor.

AMOS 7:6

Ki wal Kamuktaindet ne Toroor kabwaatutikyik agobo niito; “Ma piitu niito agine,” mwaei Kiptaiyat Kamuktaindet ne Toroor.

HABAKUK 3:2

Ee Kamuktaindet ne Toroor, ki agas ng'aleeguk, aiyweisyei: Ee Kamuktaindet ne Toroor, ing'eet poisyeng'ung' eng' kasariitanyo; Yai kotook eng' kasarinyo; Ibwaat rireenet nginereechi.

SEKARIA 9:7

Ak aiste korotiikyik eng' kutinnyi, ak aiste tuguukyik che kiweechei eng' kelekyik; ak punjin `ineendet agine ne ng'etu Kamuktaindennyo; ak koigei poror eng' Judah, ak koigei `Ekron Jebusindet.

MARIKO 14:41

Ak ki nyo ne po somok, ak koleenji icheek, Oruiye anyun nguno, omuuny: kagoyam; kagoit sait; ogeero, kageng'wekyi Weeriitap chii eunegap kiptengeginik.

POISYONIGAP CHE KIYOKTOI 12:23

Eng' sainooto anyun kobir ineendet `malaikaiyatap Kiptaiyat, amu ma konyit Kamuktaindet. Ara ki am ineendet kuutik ak kime.

1 KORINTOEK 10:10

Amat ong'unyng'ung'se, ko uu ye ki ing'unyng'ung'so alak eng' icheek, ak ki pek eng' ng'emindet.

2 KORINTOEK 2:6

Yamei chiito ne uu niito kagikyinoni kitilji piik che chaang';

JOSHUA 15:63

Ki ma imuuch piigap Judah koon Jebusik che ki menyei Jerusalem; ara ki meny Jebusik ak piigap Judah eng' Jerusalem agoi ra.

KIRUOGIK 1:21

Ma oon `lagogap Benjamin Jebusik che ki menyei Jerusalem; ko uu nooto, kogimeng'iis Jebusik kobooto lagogap Benjamin eng' Jerusalem agoi ra.

KIRUOGIK 19:11

Kingo mi ye neegitee Jebus, koimen, ak ki leenji otwogindet kiptaiyandennyi, “Asoomin ale nyoo kemaste keebe nganaseetap Jebusik, ak keruiye yooto.”

1 SAMUEL 15:11

“Ki ma ta myee aeet Saulo koek laitoryat. Amu kagoweektagei let mata kosuba, ama yai ng'atuutikyuk.” Ki nereech anyun Samuel ak koriirchi Kamuktaindet ne Toroor kemout komugul.