2 SAMUEL 24:10 - BUKUIT NE TILIIL Sireet ne Dutero Kanon

¹⁰ Ki aragen miising' Daudi eng' muguleldanyi ye kingo kagoiit piik. Ki leenji anyun `Daudi Kamuktaindet ne Toroor, “Ki ayai tengekto ne oo eng' kioto koayai, ago asoomin ale iste anyun tengektap otwogindeng'ung', ee Kamuktaindet ne Toroor, amu ki ayai eng' perberyo ne oo.”

Bukuit Ne Tilil

¹⁰ Ki aragen miising' Daudi eng' muguleldanyi ye kingo kagoiit piik. Ki leenji anyun `Daudi Kamuktaindet ne Toroor, “Ki ayai tengekto ne oo eng' kioto koayai, ago asoomin ale iste anyun tengektap otwogindeng'ung', ee Kamuktaindet ne Toroor, amu ki ayai eng' perberyo ne oo.”

BUKUIT NE TILIL

¹⁰ Ak kitoor Daudi muguleldanyi ye kingo kagoiit bik. Ak kilenji Daudi Jehovah, Kiayai tengekto ne o eng’ kioto koayai: ago asomin ale, iste anyun, ee Jehovah, tengektab otwogindeng’ung’; amu kiayai eng’ berberindo ne o.

2 SAMUEL 24:10 Referencias Cruzadas

2 SAMUEL 12:13

Koleenji `Daudi Nathan, “Koayachi Kamuktaindet ne Toroor tengekto.” Kowolji `Nathan Daudi koleenji, “Kagoisto Kamuktaindet ne Toroor agine tengektong'ung'; memee.

2 SAMUEL 24:17

Ye kingo keer `Daudi malaikaiyat ne kibarei piik, kong'alaalji Kamuktaindet ne Toroor `ineendet koleenji, “Keero, ki ayai tengekto, ki amaste, ago ki yai nee keechiirechu? Asaain ale, ingobira eung'ung' ak ingobir kootap kwandanyu.”

1 LAITORINIK 8:35

“Ye kerak kipsengwet, ak kobet ropta, amu ki koyaun tengekto, ko ngot kosa kotokyigei komosi, kong'aany kaineng'ung' ak koweek eng' tengektonywa, ye inyaliil icheek,

1 ATEPTAP PEETUUSYEK 21:7

Ma cham Kamuktaindet kiito; kibir anyun Israel.

1 ATEPTAP PEETUUSYEK 21:8

Ki leenji Daudi Kamuktaindet, “Ki ayai tengekto ne oo, amu ki ayai kii. Ago nguno asoomin ale iste tengektap otwogindeng'ung', amu ki ayai eng' perberyo ne oo.”

2 ATEPTAP PEETUUSYEK 16:9

Amu pendoti konyegap Kamuktaindet ne Toroor eng' ng'wony komugul, koboortogei kole kiim agobo icheeget che ititaatiin mugulelwekwak eng' tainnyi. Koiyai kioto eng' perberyo; amu kobooch nguno ko kenyooru lugoosyek agoi.”

2 ATEPTAP PEETUUSYEK 32:26

Ago ki iming'ingei Hezekiah kometo menoteetap muguleldanyi, ineendet ak piik che ki menyei Jerusalem, ak ki ma nyoonji nereegegap Kamuktaindet ne Toroor icheek eng' peetuusyegap Hezekiah.

Kitabuutap JOB 7:21

Amu nee si tomo inyoiywa kaat agobo pistoennyu ak iiste tengektonyu? Nguno anyun, arue eng' temburyek, icheeng'a, ago menyoorwa.”

TIENWOGIKAL 32:5

Ki amwaun chalwoktanyu, ak ma aung'enen tengektonyu; ki ale, “Ang'aang'jini Kamuktaindet ne Toroor pistaosyekyuk;” ak ki inyoiywa kaat chalwoktap tengektonyu.

KOMONG'U 10:16

Ki iyookto anyun Pharaoh keguur Musa ak Aron eng' chokyinet, ak koleenji, “Kaayachi tengekto Kamuktaindet ne Toroor Kamuktaindeng'wong', ak kaayaiywok okweek.

KALEWANAIK 28:13

Ma nyooru perurto ineendet ne unyei pistaosyekyik, ago nyooru rireenet age tugul ne ng'aanyei ak kometo.

HOSEA 14:2

Ip ng'aleek, ak iweekyigei Kamuktaindet ne Toroor: ileenji ineendet: Iste tengekwogik tugul, ak itaach che myach: kigoitoi anyun kagoochinetap kutusweekyok ne kata kigoitoi kiruugik.

JOEL 2:12

Ago mwaei Kamuktaindet ne Toroor kole oweekyage agot nguno eng' mugulelwekwok tugul, eng' karugutetapkei, ak eng' riirek, ak eng' kateeiyet:

KAITOSYEK 12:11

Ki leenji anyun `Aron Musa, “Ee, kiptaiyandennyu, asaain ale amat iityech yaityet agobo tengekto ne kageyai acheek eng' abusnateet.

MARIKO 7:22

kasetap myat, yaityet, ng'aalseet, mageet ne ya, kong' ne ya, ng'aleek che yaach, menoteet, ak perberyo.

JOHANA 1:29

Eng' peetuut ne po aeng' kogeer `Johana Jeso konyonjin, ak kole, “Ogeero, Aarwet ne po Kamuktaindet, ne ibei tengektap ng'wony!

JOHANA 8:9

Ak ye kingo kas icheek ng'olyoondonooto, komanda kobee agenge agenge, kobooch ne oo agoi ne po let: ak ki ng'et Jeso ineegei, ak kobogoryondonooto eng' ole ki mi, kotononi eng' kween.

NG'ATUTIK 32:6

Tos kongoi ne ogoochini Kamuktaindet ne Toroor ni, okweek piik che oo abusotiin che ma oo ng'oomen? Tos ma kwandang'ung' ne ki koonin sabeet? Tos ma ineendet ne ki yain ak kogimitin?

TITO 3:3

Amu ki kiberberen agacheek keny, ki ma kegase iit, ki kiberberech, keote maguutik che teerchiin ak ureryosyek, ketebye eng' yaityet ak ng'etkong', ki kiche kiwechei ak kewechegei.

1 JOHANA 1:9

Ngot keng'aanye tengekwogikyok, koyanaat ak ko po imanda konyoiywech kaat tengekwogikyok, ak kotiliilech eng' kiy tugul ne ma po imanda.

1 SAMUEL 13:13

Koleenji `Samuel Saulo, “Keyai eng' perberyo ama iriip ng'atuutyetap Kamuktaindet ne Toroor Kamuktaindeng'ung' ne king'atin, amu kata igimiti Kamuktaindet ne Toroor laitornateng'ung' eng' Israel koigeny.

1 SAMUEL 24:5

Eng' let kogas Daudi ng'wanindo eng' muguleldanyi, amu kagotil tabandap ngoryeetap Saulo.

1 SAMUEL 24:6

Ki leenji piikyik, “Ingolooit eng' anee eng' Kamuktaindet ne Toroor si ma yachi kiptaiyandennyu ne iilaat ne po Kamuktaindet ne Toroor, kiy ne uu ni si ma chuul eunnyu ayachi kiy ne ya, amu ineendet ko ne iilaat ne po Kamuktaindet ne Toroor.”

1 SAMUEL 26:21

Kole anyun Saulo, “Kaayai tengek. Weeigei weeriinnyu Daudi, ma ayaun kiy ne ya kogeny. Amu kabunji kamanuut ne oo rani saboondanyu eng' taing'ung'. Kaayai perberyo ak ko kaalel miising'.”