2 SAMUEL 21:7 - BUKUIT NE TILIIL Sireet ne Dutero Kanon

⁷ Ago ki riiree laitoryat Mephibosheth weeriitap Jonathan, weeriitap Saulo, amu kayosyetap Kamuktaindet ne Toroor ne ki mi kwenunnywa; kwenutap Daudi ak Jonathan weeriitap Saulo.

Bukuit Ne Tilil

⁷ Ago ki riiree laitoryat Mephibosheth weeriitap Jonathan, weeriitap Saulo, amu kayosyetap Kamuktaindet ne Toroor ne ki mi kwenunnywa; kwenutap Daudi ak Jonathan weeriitap Saulo.

BUKUIT NE TILIL

⁷ Ago kirire laitoriat Mepiboset, weritab Jonatan, weritab Saul, amu kayosietab Jehovah ne kimi kwenunywa, kwenutab Daudi ak Jonatan weritab Saul.

2 SAMUEL 21:7 Referencias Cruzadas

2 SAMUEL 16:4

Yeityo koleenji `laitoryat Siba, “Cheguuk tuguuk tugul che po Mephibosheth.” Yeityo kole `Siba, “Agutunyi, inganyoor chameet eng' taing'ung', kiptaiyandennyu, ee laitoryat.”

2 SAMUEL 19:25

Kingo nyo Jerusalem kogat laitoryat, koleenji `laitoryat ineendet, “Amu nee o, Mephibosheth si mecham keebe tuwai?”

2 SAMUEL 4:4

Ki tinyei Jonathan weeriitap Saulo weeriit ne kimeiyotiin keelyek. Ki po kenyiisyek muut ineendet ye ki itu ng'aleegap Saulo ak Jonathan eng' Jezreel ak kiganap cheplakwet ak komwei. Ye ki chooktoi komwei cheplakwanooto, kobut lakweet ak kiyaagitu keelyek. Ki kiguure kainennyi Mephibosheth.

2 SAMUEL 9:1

Eng' peetuut age, kotep Daudi kole, “Tos mi chii ne ki ng'et eng' kootap Saulo, si kobiit ayachi ne myee amu Jonathan?”

2 SAMUEL 9:10

Ibatyi emet inyee, weeriiguk ak otwogiguk, ak iibu peek kobwa ko, si kobiit konyoor weeriitap kiptaiyandeng'ung' amitwogik che amei. Ago amisye mesennyu kotugul Mephibosheth weeriitap kiptaiyandeng'ung'.” Ki tinyei `Siba weeriik taman ak muut ak otwogik tiptem.

2 SAMUEL 9:6

Ki nyo ole mi Daudi `Mephibosheth, weeriitap Jonathan weeriitap Saulo ak kobutyi ng'wony kogutung'ji. Ki kuur `Daudi koleenji, “Mephibosheth.” Ak ki wol kole, “Keer otwogindeng'ung'!”

2 SAMUEL 9:7

Ki leenji anyun `Daudi ineendet, “Meiywei; amu ayaun ne myee iman agobo Jonathan kwandang'ung', ak iamisye mesennyu kotugul.”

AMDOINDET 8:2

Aboorun ale, riip ng'atuutyetap laitoryat ak ibwaat ile ki iyasye eng' Kamuktaindet.

1 SAMUEL 18:3

Ki iyomiskei anyun Jonathan ak Daudi, amu ki cham Jonathan ineendet ko uu saboondanyi.

1 SAMUEL 20:12

Ki leenji `Jonathan Daudi, “Ingoek paoryat Kamuktaindet ne Toroor, Kamuktaindetap Israel, ye ateebee Abba mutai koteni asiis anan eng' peetuutap somok, ngot komi ng'olyoo ne myee agobo Daudi, ko tos mayogun ak aboorun?

1 SAMUEL 20:15

ko meiste myeeindong'ung' eng' koonnyu koigeny. Achicha meiste agot ye kagoisto Kamuktaindet ne Toroor puunik alak tugul che po Daudi eng' ng'wony.

1 SAMUEL 20:17

Ki iyasyechi `Jonathan Daudi ne po aeng', amu chamyet ne oo ne kiting'e ineendet, amu ki chamei ineendet ko uu ye ki chamei saboondanyi.

1 SAMUEL 20:42

Ki leenji `Jonathan Daudi, “Ui eng' kaalyeet, amu ko uu ye kagiyosye tuwai eng' kainetap Kamuktaindet ne Toroor, ko Kamuktaindet ne Toroor paoryat eng' kwenunnyo anee ak inyee ak eng' kwenutap iyotennyu ak iyoteng'ung' koigeny.” Ki ng'eet anyun Daudi kwo, ak ki wo Jonathan nganaseet.

1 SAMUEL 20:8

Eng' nooto anyun iyachi ne myee otwogindeng'ung'; amu ki iyachi otwogindeng'ung' arorutyet ne po Kamuktaindet ne Toroor kobooten: ago ngot atinye tengekto, ibara inyeendet, amu kalya si imutyo kwandang'ung'?”

1 SAMUEL 23:18

Ki iyomiskei tuwai eng' taitap Kamuktaindet ne Toroor. Ki tebee Daudi timiin ak ko ki wo Jonathan koonnyi.

1 SAMUEL 24:22

Ara anyun ki iyasyechi `Daudi Saulo. Yeityo kwo Saulo kaa, ago kitogosta Daudi ak piikyik koba irimeet.