2 SAMUEL 21:16 - BUKUIT NE TILIIL Sireet ne Dutero Kanon

¹⁶ Kileen Isbi-benok ne ki po weeriigap piik chemosinik ak ko ne kinyigiisindap ng'otinnyi ko ki keruutik somok ak kebeber che po sugunwet, ak kiga rat rotwetap chok ne leel kole kobar Daudi.

Bukuit Ne Tilil

¹⁶ Kileen Isbi-benok ne ki po weeriigap piik chemosinik ak ko ne kinyigiisindap ng'otinnyi ko ki keruutik somok ak kebeber che po sugunwet, ak kiga rat rotwetap chok ne leel kole kobar Daudi.

BUKUIT NE TILIL

¹⁶ Ak kilen Isbi-benok, ne ki bo werikab chito chemosit, ne ki nyigisindab ng’otinnyi ko ki sekelisiek bogol somok che bo sugunwet, ak kiga rat rotwetab chok ne leel, kole kobar Daudi.

2 SAMUEL 21:16 Referencias Cruzadas

TAUNET 14:5

Ki nyo Kedolaomer kobooto laitorinik che ki mi ak ineendet, eng' kenyiitap taman ak ang'wan, kobookyi Repaik eng' Asterot-Karnaim, Susik eng' Am, Emik eng' Sabe-Kiriataim,

TAUNET 6:4

Ki miitei Piik che eecheen che uu chemosin ng'wony eng' peetuusyechooto, ye kingo tuiyogei weeriigap Kamuktaindet ak tiibiigap piik ak kosikyi icheek lagok. Lagochooto anyun ko ki ek piik che ki nyigoonen ko po keny, ak ki murenik che ki taagunotiin.

2 SAMUEL 21:18

Kingo pata niito, kobiit lugeet kogeny ak Philistiik eng' Gob. Ki par eng' yooto `Sibeikai Husatindet Shaaph, ne ki po weeriigap piik chemosinik.

2 SAMUEL 21:20

Ki piit lugeet kogeny eng' Gath, ole ki mi chiito ne kooi kot, ne ki tinyei morik lo eng' euut age tugul, ak ki tinyei morik lo eng' keeldo age tugul, ki tiptem ak ang'wan tugul. Ki isichei chiichooto agine chiito chemosit.

2 SAMUEL 21:22

Ki kisikyi pichooto ang'wan chiito chemosit eng' Gath, ak ki par Daudi ak otwogikyik pichooto.

2 SAMUEL 5:18

Kingo pwa Philistiik ak koyom atebweetap Repaim,

KAITOSYEK 13:22

Ki pa anyun kotogostae murot tai agoi koit Hebron. Olooto ole ki menye Ahiman, Sesai, ak Talmai, chooto lagogap Anok. (Kigageteech Hebron kenyiisyek tisap kotom keteech Zoan ne mi Misiri.)

KAITOSYEK 13:28

Ago kiimeen piik che menyei emonooto, ng'ootaatiin nganasook ak ko eecheen miising'. Kobooto nooto, ko ki kigeer eng' olooto lagogap Anak.

NG'ATUTIK 1:28

Ki togostoi kebendi ano anyun? Ago kagoochi tupchosyekyok mugulelwekyok kochootyo ye ka ngo leenjech eecheen piik ak ko kooen kosiirech, ak ko eecheen nganasook ak ki kiteech irimosyekwak kot koit kipsengwet, ne siirei nooto ko ki kigeerchi olooto weeriigap Anagik.’ ”

NG'ATUTIK 2:10

(Ki menyei Emik olooto keny, piik che kiimeen ak ko chaang', ak ko kooen, ko uu Anagik.

NG'ATUTIK 2:11

Ki iti icheeget keele Repaik, ko uu Anagik: ago kuure `Moabik icheek Emik.

NG'ATUTIK 2:21

Piik che eecheen ak ko chaang' ak ko kooen, ko uu Anagik. Ki par `Kamuktaindet ne Toroor icheek eng' tainnywa ak ki pwa yooto ak komeny kogeer icheek,

NG'ATUTIK 3:11

(Amu ki ng'et Og ineegei, laitoryatap Bashan, ne po che ki ng'et eng' Repaik; ogeero, ki po karnet itogunnyi; tos ma mi itogunooto Rabbah ne po lagogap Ammon? Ki futisyek taman ak somok koindonyi ak ki mitainik futisyek lo tebeesindanyi, ko uu kakwautyetap chiito.)

NG'ATUTIK 9:2

Iluuli piik che eecheen ak ko kooen, weeriigap Anagik che ingen, che ki igase kemwaei keeleen ng'oo ne imuuchi kotonon eng' taitap weeriigap Anak?

JOSHUA 11:22

Ma ng'et agot agenge Anagichooto eng' emetap piigap Israel; kobatee king'etune Gaza, Gath ak Ashdod kityo.

JOSHUA 15:14

Ki oon Kaleb eng' olooto weeriik somok che po Anak: Sheshai, Ahiman ak Talmai, lagogap Anak.

1 SAMUEL 17:7

Ki kergei irumetap ndirinnyi ak keetit ne taachin usiisyek chiito ne nabisyei. Nyigiisindap meleitap ng'otinnyi ko ki shekelisyek pogol lo che po kariik, ak kiwendi chiito ne ki ipchin long'eet kondoe ineendet.