2 SAMUEL 20:6 - BUKUIT NE TILIIL Sireet ne Dutero Kanon

⁶ Koleenji `Daudi Abisai, “Yaiywech yaityet Sheba weeriitap Bikri nguno kosiir ne ki yai Absalom. Imut anyun otwogigap kiptaiyandeng'ung' ak isup ineendet, si ma namjigei nganasook che ng'ootaatiin ak kochilil si mata kegeer.”

Bukuit Ne Tilil

⁶ Koleenji `Daudi Abisai, “Yaiywech yaityet Sheba weeriitap Bikri nguno kosiir ne ki yai Absalom. Imut anyun otwogigap kiptaiyandeng'ung' ak isup ineendet, si ma namjigei nganasook che ng'ootaatiin ak kochilil si mata kegeer.”

BUKUIT NE TILIL

⁶ Ak kilenji Daudi Abisai, Yaiywech yaitiet Sheba weritab Bikri nguno kosiir ne kiyai Absalom: imut anyun otwogikab kiptaiyandeng’ung’, ak isub inendet, si manamjigei nganasok che ng’ototin, ak kochilil si mata kegeer.

2 SAMUEL 20:6 Referencias Cruzadas

2 SAMUEL 10:14

Kingo keer lagogap Ammon kole kagomwei piigap Syria, komwei ak icheek eng' taitap Abisai ak ki pa nganaseet. Ki week Joab anyun eng' ole kimi lagogap Ammon, kobwa Jerusalem.

2 SAMUEL 11:11

Kowolji `Uriah Daudi koleenji, “Tebee `keryosyek moinget ak Israel ak Judah, ak menyei keeweet kiptaiyandennyu Joab ak otwogigap kiptaiyandennyu. Tos awetitoi ano anyun anee koonnyu, aamisye ak aeeise ak keruiye ak osotyondennyu? Ko uu ye isabe ak ko uu ye sabei saboondang'ung', ma yae kioto.”

2 SAMUEL 18:12

Ago ki leenji `chiichooto Joab, “Agot ndaname fedhaisyek eliphuut eng' eunnyu, ko matwae kora weeriitap laitoryat eng' eunnyu. Amu king'atin laitoryat ak Abisai ak Itai kegase kole, ‘Oriipkei, si ma twa chii nerananooto Absalom.’

2 SAMUEL 18:2

Ak kipchei Daudi lugeet kobee kweanaik somok: ki inde Joab kondochi kebeberta agenge eng' somok. Konde Abisai weeriitap Zeruiah, ng'eetap kametap Joab, kondochi kebeberta agenge eng' somok ak ki inde Itai Gitindet kondochi kebeberta agenge eng' somok. Yeityo koleenji `laitoryat piik, “Awendi agane iman kobootok.”

2 SAMUEL 19:7

Ng'eet anyun, mande ak ing'alaalji otwogiguk, igaigai. Amu ayostosi eng' Kamuktaindet ne Toroor ale, ngot ko memande ko mang'etun chii kemouni. Yaitu nooto eng' inyee kosiir yaityet tugul ne kigonyonjin kobooch ming'inateng'ung' agoi nguno.”

2 SAMUEL 2:18

Ki mi yooto weeriik somogu che po Zeruiah: Joab, Abisai ak Asahel. Ki chepchep Asahel ko uu cheptirgichet.

2 SAMUEL 21:17

Ago kitoret Daudi Abisai weeriitap Zeruiah. Kikwer Philistindet kobar, yeityo koyasyechi `piigap Daudi ineendet koleenji, “Ma kebendi tugul kogeny lugeet ak inyee, si memis taitap Israel.”

2 SAMUEL 23:18

Ki ne oo eng' chooto somok Abisai ng'eetap kametap Joab weeriitap Zeruiah ak ki nam ng'otinnyi ak kobar piik pogol somok ak ki took kainennyi eng' murenjoto somok.

2 SAMUEL 3:30

(Ki par anyun `Joab ak Abisai ng'eetap kamet, Abner, amu kiga kobar Abner Asahel weeriit ne tupcho, eng' Gibeon eng' lugeet.)

2 SAMUEL 3:39

Aa nyalulat rani, agot nganda aa laitoryat ne ki kiil, ak temena pichu, weeriigap Zeruiah. Ingoyaakyi Kamuktaindet ne Toroor yaindetap yaityet ko uu yaityennyi.”

1 LAITORINIK 1:33

ki leenji `laitoryat icheek, “Omut otwogigap kiptaiyandeng'wong' ak ogoochi Solomon weeriinnyu kolaany nyumbunnyu, ak omutu kochoorgei konyo Gihon.

1 ATEPTAP PEETUUSYEK 11:20

Ki ne oo Abisai ng'eetap kametap Joab eng' pichooto somok. Ki nam ng'otinnyi ak kobar piik pogol somok, ak ki took kainennyi kobooto pichooto somok.

1 ATEPTAP PEETUUSYEK 18:12

Ki par kogeny Abisai weeriitap Zeruiah piigap Edom eliphuusyek taman ak sisiit eng' Atebweetap Munyuk.

JEREMIA 8:14

Amu nee si ketebi ak kesistosi? Oyumgei ak ongebe nganasook che riibootin, ak kesisye eng' olooto. Amu kagoonech Kamuktaindet ne Toroor, Kamuktaindennyo kesisye, ak kogoonech peegap kipsegetetyet kee, amu kigeyachi Kamuktaindet ne Toroor tengekto.

MARIKO 3:24

Ngo pcheak pororyet inegei, koma imuuchi pororyonooto kotonon.

1 SAMUEL 26:6

ki teebee anyun `Daudi Ahimelek Hitindet ak Abisai weeriitap Zeruiah, ng'etap kametap Joab koleenji, “Ng'oo ne nyoonei si kechoortegei tuwai ole mi Saulo?” Kole Abisai, “Kichoortoigei tuwai.”