2 SAMUEL 20:1 - BUKUIT NE TILIIL Sireet ne Dutero Kanon

¹ Ki piit eng' yooto chii ne ya ne kainennyi ko ki Sheba weeriitap Bikri, Benjaminindet. Ki kuut iryageet ak kole, “Ma ki tinyei kebeberta eng' Daudi, ama ki tinyei poroteet eng' weeriitap Jesse. Ingwo chii tugul emaisyekyik, ee Israel.”

Bukuit Ne Tilil

¹ Ki piit eng' yooto chii ne ya ne kainennyi ko ki Sheba weeriitap Bikri, Benjaminindet. Ki kuut iryageet ak kole, “Ma ki tinyei kebeberta eng' Daudi, ama ki tinyei poroteet eng' weeriitap Jesse. Ingwo chii tugul emaisyekyik, ee Israel.”

BUKUIT NE TILIL

¹ Ak kibiit eng’ yoto chi ne bo Belial, ne kainennyi ko ki Sheba, weritab Bikri, Benjaminindet: ak kiguut iriaget, ak kole, Magitinye kebeberta eng’ Daudi, ama kitinye borotet eng’ weritab Jesii: ingwo chi tugul emaisiekyik, ee Israel.

2 SAMUEL 20:1 Referencias Cruzadas

TAUNET 46:21

Weeriigap Benjamin chu: Bela, Beker, Asbel, Gera, Naaman, Ei, Rosh, Hupim ak Ard.

2 SAMUEL 15:10

Ago ki iyookto Absalom segeik koba pororyosyek tugul che po Israel, koleenji, “Eng' sait ne kogas iryageet, omwa ole, Laitorani Absalom eng' Hebron.”

2 SAMUEL 16:11

Yeityo koleenji `Daudi Abisai, kobooto otwogikyik tugul, “Ngot ko cheeng'ei saboondanyu weeriinnyu ne ki punu poortanyu, ko tam nee anyun Benjaminindoni. Omete ineegei, ak ongochubis, ngot ko kagong'at `Kamuktaindet ne Toroor ineendet koyai ko uu nooto.

2 SAMUEL 16:7

Ki mwa Shimei ye kichubisyei kole, “Ui, ui inyee tartaindonep koroti, kiptengekyondoni ya.

2 SAMUEL 18:17

Kisut Absalom ak kowiirchi keriinget ne oo eng' timiin ak korurukyi ineendet karurugutyet ne oo ne po koik. Kimwei Israel tugul, kwo age tugul emainnyi.

2 SAMUEL 20:2

Kotogosta anyun piik tugul che po Israel, mata koosup Daudi, ki isup Sheba weeriitap Bikri. Ago ki namgei piigap Judah ak laitoryannywa kobooch Jordan agoi Jerusalem.

2 SAMUEL 20:22

Kwo anyun kwonyooto eng' utotyennyi ole mi piik tugul. Ak kitil icheek metitap Sheba weeriitap Bikri yeityo kowiir konyo saang' ole mi Joab. Ki kuut anyun Joab iryageet, ak koba eng' nganaseet, kwo chii tugul emainnyi. Ak ki week Joab kwo Jerusalem ole mi laitoryat.

2 SAMUEL 23:6

Ago kergeitu tugul che ma iywei Kamuktaindet ne Toroor ak katook che ki wiirtoi, amu ma namaksei eng' euut.

1 LAITORINIK 12:16

Kingo keer Israel tugul kole, mata kogasyi laitoryat icheek, kowolji piik laitoryat, koleenji, “Nee kebeberta ne ketinye eng' Daudi? Ama ki tinyei poroteet eng' weeriitap Jesse. Oba emaisyekwok, ee Israel! Riip koong'ung' anyun Daudi.” Koba Israel anyun emaisyekwak.

1 LAITORINIK 21:10

Onde piik aeng' tainnyi, weeriigap Belial, ak ongobaoryan kotaam ineendet, kole, ‘Kechup inyee Kamuktaindet ak laitoryat.’ Yeityo omut ineendet kwo saang', ak olach eng' koik, kome.”

2 ATEPTAP PEETUUSYEK 10:16

Kingo keer Israel tugul kole mata kogasyi laitoryat icheek, kowolji piik laitoryat, koleenji, “Nee kebeberta ne ketinye eng' Daudi? Ama ki tinyei poroteet eng' weeriitap Jesse. Ingwo chii tugul emainnyi, ee Israel! Riip koong'ung' anyun, Daudi.” Ki pa Israel tugul anyun emaisyekwak.

2 ATEPTAP PEETUUSYEK 10:6

Kong'alaal Laitoryat Rehoboam ak poisyek, che ki cham kotonondos eng' taitap Solomon kwandanyi, ye kita kosabei, koleenji, “Nee ng'olyoot ne omwaiwo ne awoljini pichu?”

TIENWOGIKAL 17:13

Ng'eet, ee Kamuktaindet ne Toroor, torookte, wiirchi ng'wony, saru saboondanyu eng' kiptengekyot, eng' rotweng'ung' po chok.

TIENWOGIKAL 34:19

Chaang' nyalilwogigap ne po imanda; ago saru `Kamuktaindet ne Toroor ineendet eng' chooto tugul.

KALEWANAIK 25:8

Amat isip iyai pooryeet, si ma petun kiit ne iyae eng' let, ye kagoteweerin chiitap kokweng'ung'.

KALEWANAIK 26:21

Ko uu ye tesei `nesek ng'etetyot ak ko uu ye tesei `kweenik maat; ko uu nooto, tesei suryet `chiito ne poliin.

MARIKO 3:24

Ngo pcheak pororyet inegei, koma imuuchi pororyonooto kotonon.

LUKA 19:14

Ago kiwech ineendet piigap emennyi, koyookto ng'olyoot kosube ineendet, kole, ‘Ma kimache chiichi koboiywech.’

LUKA 19:27

Ago omutu anyun puunichuchuk kobwa yu, che ma chamei aboi, si obar eng' tainnyu.’ ”

JOHANA 13:8

Koleenji Petero, Ma koi iun keelyekyuk. Kowolji Jeso koleenji, Ngo maunin, koma kiting'egei kiy.

NG'ATUTIK 13:13

Kamang'une kwenung'ung' piik alak che yaach, ak koba komaas piik che menyei nganasennywa koleenji, ‘Ongebe keoot kamuktaik che mongen,’

KIRUOGIK 19:22

Ye kita koboiboi mugulelwekwak, ogeero, ki pwa murenigap nganasanooto, weeriigap Belial, koyiem koot ak kobir kurgeet. Ki ng'alaalji `icheek poiyondonooto, chiitap ko po koot, koleenji, “Imoong'u chiichi kanyo koong'ung', si kobiit kesuup.”

KIRUOGIK 3:27

Kingo it Ehud emennyi, koguut igoondit, kochoortagei piigap Israel kobooto ineendet eng' emetap tuloonook, komi ineendet kondoe.

RUTH 2:3

Ki wo anyun Ruth mbar ak koturisyot kosubi piik che kesisyei. Ki it keljiinennyi, ye kingo it kebebertap mbareet ne po Boaz, nooto ki po ooreetap Elimelek.

1 SAMUEL 13:2

Ki lewenjigei `Saulo murenik eliphuusyek somok che po Israel. Ki mi eliphuusyek aeng'u eng' chooto kobooto Saulo eng' Mikmas ak eng' tulweetap Bethel ak kimi eliphuut agenge kobooto Jonathan eng' Gibea ne po Benjamin. Ki iyookto kiplugotinik che kiga ng'et koba kaa.

1 SAMUEL 2:12

Weeriigap Eli ko kingelelik; ki ma kotinyei kaiyweisyo agobo Kamuktaindet ne Toroor.

1 SAMUEL 30:22

Ago ki wol anyun piik tugul che yaacheen, ak che uueen metowoi eng' piik che kigaba ak Daudi kole, “Ma kigoochini icheek kiy age tugul eng' parunenik che kagiweegu amu ki ma kibe tugul, kobatee kityo kigoochin chii tugul osotyonnyi ak lagokyik, si komut ak koba.”