2 SAMUEL 15:32 - BUKUIT NE TILIIL Sireet ne Dutero Kanon

³² Kingo it `Daudi tulweet parak ole ki cham kilasune Kamuktaindet, ko ki nyo Hushai Arkindet kotorook ineendet, ko kagogereer ngoryennyi ak komi ng'ung'unyek metinnyi.

Bukuit Ne Tilil

³² Kingo it `Daudi tulweet parak ole ki cham kilasune Kamuktaindet, ko ki nyo Hushai Arkindet kotorook ineendet, ko kagogereer ngoryennyi ak komi ng'ung'unyek metinnyi.

BUKUIT NE TILIL

³² Ak kingoit Daudi tulwet barak ole kicham kilosune Kamuktaindet, ogeero, kinyo Husai Arkindet kotorok inendet, ko kagogerer ngoriennyi ak komi ng’ung’unyek metinnyi.

2 SAMUEL 15:32 Referencias Cruzadas

2 SAMUEL 1:2

Eng' peetuutap somok, konyo chiito kobun nganaseet ne ki mi Saulo, ko kereerotiin ngoroikyik ak komi ng'ung'unyek metinnyi. Ye kingo it ole mi Daudi, kobutyi ng'wony ak kogutuny koganyit laitoryat.

2 SAMUEL 13:19

Ki inde Tamar oreek metinnyi ak kogereer ngoryennyi ne kooi ne ki ilaachi. Kinamatkei met ak kwo koriiroti eng' kutit ne oo.

2 SAMUEL 15:30

Ki togosta Daudi kobun ooreet ne kitogostoe kebendi tulweetap mseituni koriiroti. Kiga tuchkei met ago ma tinyei kweonik. Kituchkei met chii age tugul eng' piik tugul che ki mi kobooto ineendet ak kotogostoi, koriiryoti.

2 SAMUEL 16:1

Kingo kagosiir `Daudi tulweet parak kitigin, ko ki tuiyo ak ineendet Siba otwogindetap Mephibosheth, kogetu sigiroik aeng' che kiga kiito koibei magatiinik pogol aeng', mooriik pogol agenge che po sabibuk che yamyotiin, logoek pogol agenge che po kemei ak soteetap divaik.

2 SAMUEL 16:15

Eng' kasarata ko ki it Jerusalem `Absalom ak piik tugul, murenigap Israel ak kimi Ahitopel ak ineendet.

2 SAMUEL 17:5

Yeityo komwa `Absalom kole, “Oguur Hushai Arkindet agine konyo si kegas kiit ne mwaei agine.”

1 LAITORINIK 11:7

Kiteekyi anyun Solomon Kemos ne kiwechei ne po Moabik ole toroor, eng' tulweet ne mi taitap Jerusalem, ak kiteekyi Molek ne kiwechei ne po lagogap Ammon.

1 LAITORINIK 4:16

Baanah weeriitap Hushi eng' Asher ak Bealoth.

1 ATEPTAP PEETUUSYEK 27:33

Ki kirwoogindet Ahitopel ne po kaplaitoryat. Ki chorweetap laitoryat, Hisai Arkindet.

TIENWOGIKAL 3:7

Ng'eet, ee Kamuktaindet ne Toroor! Sarwo, ee Kamuktaindennyu! Amu ki irabaach matang'wegap puunikyuk tugul; ki iri kelegap kiptengeginik.

TIENWOGIKAL 50:15

Kuura eng' peetuutap nyalilda; asi asaruun, ak iloswa.

TIENWOGIKAL 91:15

Kuura, ak aitenji; kitebyei tuwai eng' nyalilda, asaru ineendet ak agoonyit.

LUKA 19:29

Ak ye kingo kagoriikta Bethphage ak Bethania, eng' tulweet ne kiguure tulweetap Mseituni, koyookto aeng' che po kasubikyik,

JOSHUA 16:2

Ki wo komanda eng' Bethel kwo komong'ji Luz ak kosiirto kot koit kooretap Arikik eng' Ataroth.

1 SAMUEL 4:12

Ki labat chii ne po ooreetap Benjamin eng' ole kimi lugeet peetuunooto agoi Shiloh ko kagogereer ngoroikyik ak komi ng'ung'unyek metinnyi.