2 SAMUEL 15:21 - BUKUIT NE TILIIL Sireet ne Dutero Kanon

²¹ Ago ki wolji `Itai laitoryat koleenji, “Ko uu ye sabei Kamuktaindet ne Toroor ak ko uu ye sabei kiptaiyandennyu laitoryat, ko oldo tugul ole mi kiptaiyandennyu laitoryat, ami olooto agane iman, anee otwogindeng'ung' ngo eng' meet anan eng' sabeet.”

Bukuit Ne Tilil

²¹ Ago ki wolji `Itai laitoryat koleenji, “Ko uu ye sabei Kamuktaindet ne Toroor ak ko uu ye sabei kiptaiyandennyu laitoryat, ko oldo tugul ole mi kiptaiyandennyu laitoryat, ami olooto agane iman, anee otwogindeng'ung' ngo eng' meet anan eng' sabeet.”

BUKUIT NE TILIL

²¹ Ak kiwolji Itai laitoriat kolenji, Ko u ye sobei Jehovah, ak ko u ye sobei kiptaiyandennyu laitoriat, oldo tugul ole mi kiptaiyandennyu laitoriat, ami oloto agane iman, ane otwogindeng’ung’ ngo eng’ meet anan eng’ sobet.

2 SAMUEL 15:21 Referencias Cruzadas

2 SAMUEL 15:22

Koleenji `Daudi Itai, “Ui lande.” Ki landa anyun Itai Gitindet ak piikyik tugul kobooto lagok tugul che ki mi ak ineendet.

2 LAITORINIK 2:2

Ki leenji `Elijah Elisha, “Asoomin ale, tebi eng' yu; amu kagoyookta Kamuktaindet ne Toroor awo agoi Bethel.” Ago ki le Elisha, “Ko uu ye sabei Kamuktaindet ne Toroor ak ko uu ye sabei saboondang'ung', koma metoin.” Kochoortagei anyun Bethel.

2 LAITORINIK 2:4

Ki leenji `Elijah Elisha, “Asoomin ale tebi eng' yu; amu kagoyookta Kamuktaindet ne Toroor awo Jeriko.” Ak ki le, “Ko uu ye sabei Kamuktaindet ne Toroor ak ko uu ye sabei saboondang'ung', koma metoin.” Ki it anyun tuwai Jeriko.

2 LAITORINIK 2:6

Ki leenji `Elijah ineendet, “Asoomin ale, tebi eng' yu; amu kagoyookta Kamuktaindet ne Toroor awo Jordan.” Ak ki le, “Ko uu ye sabei Kamuktaindet ne Toroor ak ko uu ye sabei saboondang'ung', koma metoin.” Ki pa anyun tuwai.

2 LAITORINIK 4:30

Ki le kametap lakweet, “Ko uu ye sabei Kamuktaindet ne Toroor, ak ko uu ye sabei saboondang'ung', koma pagaaktoin.” Ki ng'eet anyun Elisha, koosup ineendet.

KALEWANAIK 17:17

Tinyei chorweet chamyet kotugul, ak kisichei ne tupcho ak chii agobo nyalilda.

KALEWANAIK 18:24

Cheeng'jingei ng'emisyet ineendet ne cheeng'ei choronok che chaang', ago mi chorweet ne namegei ak chii kosiir ng'eetap kamet.

POISYONIGAP CHE KIYOKTOI 11:23

Kingo it ineendet ak kogeer myeeindap Kamuktaindet, kobaibait, ak kogiil icheek tugul konamgei ak Kiptaiyat eng' mugulelwek che pekyinotin.

POISYONIGAP CHE KIYOKTOI 21:13

Kowol Paulo kole, “Oyae nee, orirtosi ak obare muguleldanyu? Amu aa choboot, ma kerata kityo, ago ame eng' Jerusalem agobo kainetap Kiptaiyat Jeso.”

2 KORINTOEK 7:3

Ma mwaei niito ale arwookwok: amu kisip amwa, ale omi eng' mugulelwekyok kebegu tugul ak kesapche tugul.

1 SAMUEL 20:3

Ak ki iyasyo Daudi kogeny kole, “Ingen kwandang'ung' komyee kole ichamoo; nooto amu nee asi koleenjigei, ‘Amat konai Jonathan kiito si ma aragen.’ Ago iman ko uu ye sabei Kamuktaindet ne Toroor, ak ko uu ye sabei saboondang'ung' agine, komi kakwautyet agenge kityo eng' kwenunnyu ak meet.”

1 SAMUEL 25:26

Ara anyun kiptaiyandennyu, ko uu ye sabei Kamuktaindet ne Toroor ak ko uu ye sabei saboondang'ung', ak ko uu ye kietenen Kamuktaindet ne Toroor si metumde korotiik, si meyaaktochigei mugetuut eng' eung'ung', ko ingoigei puuniguk Nabal ak icheek che cheeng'jin yaityet kiptaiyandennyu.