2 SAMUEL 15:2 - BUKUIT NE TILIIL Sireet ne Dutero Kanon

² Ki ng'eetei Absalom karon miising' ak kotonon eng' ye neegitee ormariichet. Ak kingo tinyei chii age tugul ng'olyoo ne ibei kwo kaplaitoryat kirwookyinechi, koguurei Absalom konyo ye mi ineendet ak koleenji, “Ii po nganaseet ingiro?” Ak kole, “Po otwogindeng'ung' age eng' pororyosyegap Israel.”

Bukuit Ne Tilil

² Ki ng'eetei Absalom karon miising' ak kotonon eng' ye neegitee ormariichet. Ak kingo tinyei chii age tugul ng'olyoo ne ibei kwo kaplaitoryat kirwookyinechi, koguurei Absalom konyo ye mi ineendet ak koleenji, “Ii po nganaseet ingiro?” Ak kole, “Po otwogindeng'ung' age eng' pororyosyegap Israel.”

BUKUIT NE TILIL

² Ak king’eet Absalom karon inne, ak kotonon eng’ ye negite ormarichet: ak kingotinyei chi age tugul ng’olyo ne ibei kwo gab laitoriat kiruokyinechi, koguurei Absalom konyo ye mi inendet, kolenji, I bo nganaset ano? Ak kole, Bo otwogindeng’ung’ age eng’ bororiosiekab Israel.

2 SAMUEL 15:2 Referencias Cruzadas

TAUNET 34:20

Ki pa anyun Hamor ak weeriinnyi Shekem ormariichetap nganasennywa, ak kong'alaal ak piigap nganasennywa, koleenjigei,

2 SAMUEL 19:8

Ara king'eet anyun laitoryat ak kotebee ormariichet. Ki kimwachi piik tugul keleenji, “Ogeero, tebyei ng'wony laitoryat eng' ormariich”; ak ki pwa tugul taitap laitoryat. Kiga komwei Israel, kwo chii tugul emainnyi.

2 ATEPTAP PEETUUSYEK 10:7

Ki mwachi koleenji, “Ngot iegu chii ne myee eng' pichu ak ibaibai icheek, ak imwachi ng'aleek che myach, koegu anyun icheek otwogiguk koigeny.”

Kitabuutap JOB 24:14

Ng'eetei rumiindet ko kaeech kobar kibananook ak che ma tinyei kiy, ak uu ineendet choorindet kemoi.

KOMONG'U 18:14

Ye kingo keer kabyugoitap Musa tuguuk tugul che ki yachin `Musa piik, koteebe koleenji, “Nee ni iyachini piik? Amu nee si itebi inyegei ak kotonondos piik tugul ko kayiemin kobooch karon agoi koimen?”

KOMONG'U 18:16

Ye tinyei ng'olyoo kobwonjino, ak abesyechini chii tugul ak chiitap kokwennyi. Aneeti icheek konai kaneetisyosyegap Kamuktaindet ne Toroor ak ng'atuutikyik.”

KOMONG'U 18:26

Ki irwookyin `icheek piik eng' peetuusyek tugul. Ki ipchi Musa ng'aleek che uueen ago ki ibesyechi icheek ng'olyoo age tugul ne ming'in.

KALEWANAIK 4:16

Amu ma inuuktos kobatee ko kagoyai yaityet; istoegei icheek kanuuget, agoi konach chiito age.

MATAYO 27:1

Ye kingo kagoeech, korwooch tisiik tugul che eecheen ak poisyegap pichooto, korwookyi ole partoi Jeso.

NG'ATUTIK 17:8

Ngo piit ng'olyoot ne uui eng' kirwooget ne temeneen, ne po korotiik eng' korotiik anan ng'olyoot eng' ng'olyoot, anan pireet eng' pireet, che kaek kabeletapkei eng' kurgotiguk, ing'eet anyun, iwe ole leweni Kamuktaindet ne Toroor Kamuktaindeng'ung';

RUTH 4:1

Kingo togosta Boaz kwo ormariichetap nganaseet ak kotep ng'wony eng' yooto, ko ki nyo kobun yooto chiichooto po ooreet ne neegit nooto ki mwaei Boaz. Ak ki leenji, “Nyoo yu ornyo, ak itep ng'wony.” Ki wo anyun chiichooto ak kotep ng'wony.