2 PETERO 2:20 - BUKUIT NE TILIIL Sireet ne Dutero Kanon

²⁰ Amu ye kagochiliilye murwoonindap ng'wony eng' naet ne naei Kiptaiyat ak ko Yetindet Jeso Kristo, ko ngot kota koratkei kogeny ak tuguuchooto ak kiterteer, koyaitu atebeennywa ne po let kosiir ne po tai.

Bukuit Ne Tilil

²⁰ Amu ye kagochiliilye murwoonindap ng'wony eng' naet ne naei Kiptaiyat ak ko Yetindet Jeso Kristo, ko ngot kota koratkei kogeny ak tuguuchooto ak kiterteer, koyaitu atebeennywa ne po let kosiir ne po tai.

BUKUIT NE TILIL

²⁰ Amu ye kagochililye muruonindab ng’ony eng’ naet ne naei Kiptaiyat ak ko Yetindet Jesu Kristo, ko ngot ko ta koratgei kogeny ak tuguchoto ak kiterter, koyaitu atebenywa ne bo let kosiir ne bo tai.

2 PETERO 2:20 Referencias Cruzadas

EZEKIEL 33:13

Ye aleenji ne po iman, isabe iman; ngot komong' imandanyi, yeityo koyai tengekto, koma kibwaati agot agenge eng' poisyonikyik che po imanda; ago meei amu tengektanyi ne ki yai.

ATEPTAP LAWIK 13:20

Keerei tisiindet, ngo keer kole lolondoot eng' poorto ak kowalak koroorikyik koleelagitu, komwaita tisiindet kole murwoon ineendet. Niito koroito ne po mogondos ne kogomang'une ondiryet.

ATEPTAP LAWIK 13:55

ak kogeer tisiindet, ko kagiundo koroyooto. Ak ngo mawalak koroyooto eng' saleiywekyik, amainenderi koroyooto, ko ng'waan anyun; ibeel eng' ma. Ng'emindet nooto, ngo mitune churateet oriit anan saang'.

ATEPTAP LAWIK 14:43

“Ngo mong' koroito kogeny kotook eng' koot, ko kagoip koik koba saang', ak ko kagong'oing'oi ineendet koot, ak ko kagemal,

KAITOSYEK 24:20

Yeityo kogeer `Balaam Amelegik, ak komwa kalewenennyi, kole: “Po tai Amelegik eng' pororyosyek, ago kitindinyi kobetyo eng' kagesunennyi.”

NG'ATUTIK 32:29

Nda ka utaatiin, ta konaei niito, Ak kobwaat kagesunennywa!

PILIPIK 3:19

ne kagesunennywa ko luseet, ne kamuktaindennywa ko moet, ne kalasunennywa ko teweernatennywa, che ibwaati tuguugap ng'wony.

2 TIMOTEO 2:4

Ma mi asigarindet, ne ngo mi poisyet, koratyingei tuguuk che po ng'wony; si kobiit kobaibai ne kisirei ineendet koek asigarindet.

JAKOBO 1:27

Kayaneet ne tiliil ne ma tinyei murwoonindo eng' taitap Kamuktaindet Kwanda, ko ni: kowendi kogeerei che ma tinyei sigiikwak ak mosoogik eng' nyalildanywa, ak koriipkei ineendet eng' ng'wony koek ne ma tinyei tisya.

2 PETERO 1:11

Amu ki koonok ko uu nooto eng' chaang'indo ochut laitornatetap koigeny ne po Kiptaiyandennyo ak ko Yetindet Jeso Kristo.

2 PETERO 1:2

Ingotesak myeeindo ak kaalyeet eng' okweek eng' naet ne ongen Kamuktaindet ak Jeso Kiptaiyandennyo.

2 PETERO 1:3

Amu ki koonech `kamuktaetap Kamuktaindet tuguuk tugul che nyoljin saboondo ak kayweet ne kiywei Kamuktaindet, eng' naet ne kinae ineendet ne ki kuurech eng' toroornatennyi ak myeeindonyi.

2 PETERO 1:4

Ki kogoonech eng' chooto arorutik che myachen miising' ak ko eecheen inne; si kobiit oegu eng' chuuto yamdoigap atebeetap Kamuktaindet, ko kaochililye ng'emisyet ne mi ng'wony amu mageet ne ya.

2 PETERO 1:8

Amu ngot ko miitei eng' okweek tuguuchuuto ak ko tesatin, koyaak si mochorirense anan ko che ma iyei logoek eng' naetap Kiptaiyandennyo Jeso Kristo.

2 PETERO 2:18

Amu, ye mwaei ng'aleek che koroomen che po lasetapkei, kochuutu eng' magutigap poorto, ak eng' mageet ne ya, piik che katoi kochililyo eng' icheek che mi eng' keniisyet:

2 PETERO 3:18

Ago oneryee eng' myeeindo ak naet ne po Kiptaiyandennyo ak ko Yetindennyo Jeso Kristo. Nenyi toroornatet nguno agoi koigeny. Amen.