2 LAITORINIK 1:3 - BUKUIT NE TILIIL Sireet ne Dutero Kanon

³ Ago ki leenji malaikaiyatap Kamuktaindet ne Toroor Elijah Tisbindet, “Ng'eet ak iwe otuiye ak piik che kaiyookto laitoryatap Samaria, ak ileenji icheek, ‘Si obe oteepse Baal-sebub kanamwetap Ekron, ko amu ma mi Kamuktaindet Israel?’

Bukuit Ne Tilil

³ Ago ki leenji malaikaiyatap Kamuktaindet ne Toroor Elijah Tisbindet, “Ng'eet ak iwe otuiye ak piik che kaiyookto laitoryatap Samaria, ak ileenji icheek, ‘Si obe oteepse Baal-sebub kanamwetap Ekron, ko amu ma mi Kamuktaindet Israel?’

BUKUIT NE TILIL

³ Ago kilenji malaikaiyatab Jehovah Elija Tisbindet, Ng’eet, ak iwe otuiye ak bik che kaiyokto laitoriatab Samaria, ak ilenji ichek, Si obe oteepse Baal-sebub kanamwetab Ekron, ko amu mami Kamuktaindet Israel?

2 LAITORINIK 1:3 Referencias Cruzadas

1 LAITORINIK 11:33

Ayaei ko uu nooto amu ki kobagakta ineendet ak kogutung'ji Astoret kanamwet ne kwondo ne po Sidonik, Kemos kanamwetap Moab ak Milkom kanamwetap lagogap Ammon; ama wendote ortinwekyuk, koyai ne myee eng' tainnyu, ak koriip ng'atuutikyuk ak kirwoogutikyuk, ko uu ye ki yai Daudi kwandanyi.

1 LAITORINIK 17:1

Ki leenji `Elijah Tisbinindet ne ki po piik che ki menyei Gilead Ahab, “Ko uu ye sabei Kamuktaindet ne Toroor, Kamuktaindetap Israel, ne atonone tainnyi, koma piitu rewoot anan ko ropta kenyisyechu, kobatee ko uu ng'olyoondennyu.”

1 LAITORINIK 18:1

Kingo pata peetuusyek che chaang', konyonji ng'olyootap Kamuktaindet ne Toroor Elijah, eng' kenyiitap somok, koleenji, “Ui iboorchigei Ahab, si ayookyi ng'wony ropta.”

1 LAITORINIK 18:36

Ak eng' sait ne kigoitoe kagoochinet, konyo maotyot Elijah koriik, ak kosa kole, “Ee Kamuktaindet ne Toroor, Kamuktaindetap Abraham, Isak, ak Israel, ingonaak rani keele ii Kamuktaindet eng' Israel, ak aa otwogindeng'ung' ak konaak keele kayai tuguuchuuto tugul eng' ng'olyoondeng'ung'.

1 LAITORINIK 19:5

Ki ru ak konuuch eng' keetit keel ne kiguure junipa. Ne matya konyo malaikaiyat kotwa ineendet ak koleenji, “Ng'eet, amisye.”

1 LAITORINIK 19:7

Ki nyo malaikaiyatap Kamuktaindet ne Toroor kogeny ne po aeng', ak kotwa ineendet ak koleenji, “Ng'eet, amisye, amu oo miising' panda eng' inyee.”

1 LAITORINIK 21:17

Ki nyoonji `ng'olyootap Kamuktaindet ne Toroor Elijah Tisbindet, koleenji:

2 LAITORINIK 1:2

Kirorok Ahasia eng' tirisyetap koonnyi ne po parak ne ki mi Samaria ak kimyan. Ki iyookto piik ak koleenji, “Oba, oteebe Baal-sebub kanamwetap Ekron ngo tos asap eng' myani.”

2 LAITORINIK 1:6

Ki leenji ineendet, “Konyo chiito kotuiyenech ak koleenjech, ‘Oba oweege ole mi laitoryat ne kaiyokwok, ak oleenji ineendet, Kamwa Kamuktaindet ne Toroor kole: Si iyookte piik koba koteepse Baal-sebub kanamwetap Ekron, ko amu ma mi Kamuktaindet Israel? Nooto anyun, mechooruge anyun eng' itoogut, ago imee iman.’ ”

2 LAITORINIK 1:8

Ki wolji koleenji, “Ka chiito ne sabul ak karategei pireneet eng' suennyi.” Ki le laitoryat, “Ineendet ko Elijah Tisbindet.”

2 LAITORINIK 5:15

Ki week kwo ole mi chiitap Kamuktaindet, ineendet ak piikyik tugul che ki mi ak ineendet, ak ki nyo ak kotonon eng' tainnyi: ak kole, “Kaanai anyun nguno, ale ma mi Kamuktaindet eng' ng'wony tugul, kobatee eng' Israel. Ara asaain nguno anyun ale, taach konunet eng' otwogindeng'ung'.”

2 LAITORINIK 5:8

Kingo kas Elisha chiitap Kamuktaindet, kole kagereer laitoryatap Israel ngoroikyik, koyookto chiito kwo kaplaitoryat koleenji, “Amu nee si igereer ngoroiguk? Ingonyo oli ami si konai kole mi maotyot Israel.”

TIENWOGIKAL 76:1

Naat Kamuktaindet eng' Judah: Oo kainennyi eng' Israel.

ISAIAH 8:19

Ak ye mwaiwok kole, “Ocheeng'ate icheek che poisyee oik ak pooniik che twegu ko uu toriitik ak che nyeanyei ng'aleek.” Tos nyoljin kocheeng'at che ki kobek agobo che saptos? Tos ma nyooljin piik kocheeng' Kamuktaindennywa?

JONAH 2:8

Icheek che isubi atebosyek che ma nyolu che po lembech, ko istoegei rireenennywa pogei.

MARIKO 3:22

Ki mwa siriik che ki punu Jerusalem kole, “Tinyei ineendet Beelsebul, ak oonei oik eng' kimnateetap ne oo ne po oik.”

POISYONIGAP CHE KIYOKTOI 8:26

Ki mwachi malaikaiyatap Kiptaiyat anyun Philipu koleenji, “Ng'eet ak iwe murot tai agoi ooreet ne choortogei kong'etee Jerusalem ne wendi agoi Gaza” (punei oranooto ole melewet).

1 SAMUEL 17:46

Indein rani Kamuktaindet ne Toroor eunnyu. Awirin abariin ak atil meting'ung' yeityo agoochi rani muuswegap lugeetap Philistiik toriitik che po parak, ak tyong'igap timiin che po ng'wony, si kobiit konai ng'wony tugul kole mi Kamuktaindet Israel.