2 KORINTOEK 8:9 - BUKUIT NE TILIIL Sireet ne Dutero Kanon

⁹ Amu ongen myeeindap Kiptaiyandennyo Jeso Kristo ole, agot nganda ki mogoryo, ko ki ek kibanania agobo okweek, si kobiit oegu mogoreek eng' panandanyi.

Bukuit Ne Tilil

⁹ Amu ongen myeeindap Kiptaiyandennyo Jeso Kristo ole, agot nganda ki mogoryo, ko ki ek kibanania agobo okweek, si kobiit oegu mogoreek eng' panandanyi.

BUKUIT NE TILIL

⁹ Amu ongen mieindab Kiptaiyandennyo Jesu Kristo ole, agot nganda ki magorio, ko kiek kibanania agobo okwek, si kobiit oegu magorek eng’ banandanyi.

2 KORINTOEK 8:9 Referencias Cruzadas

ISAIAH 53:2

Amu tuun eetu eng' tainnyi ko uu keetit ne ng'arng'ar, ak eetu ko uu tigityot eng' emet ne yaamaat: ma tinyei itoon anan korooronindo; ak ye kigeere ineendet koma mi korooronindo kot kecham.

ISAIAH 62:1

Masise agobo Zion, amamuunyi agobo Jerusalem, agoi komanda imandanyi ko uu kaluunet, ak komanda yetunennyi ko uu tait ne lalei.

ISAIAH 65:8

Mwaei Kamuktaindet ne Toroor kole, ko uu ye kinyoorchin divaik che leelach logoek che irurugotin eng' temeet, ak kole age, Ameng'em, amu mi kaberuret tuguuchooto: ayae anyun ko uu nooto agobo otwogikyuk, si ma ng'em icheek tugul.

MATAYO 17:27

Si ma kinach icheek, iwe araraita ak iwiirchi ndoanet, ak injiryo ne kamong' ne tai, inam; ak ye kaiyat kutinnyi, inyooru shekel nam nooto, ak igoite agobo anee ak inyee.

MATAYO 20:28

agot ko uu nooto ko ki ma nyo Weeriitap chii keboisyechi, ago si kobois, ak kogoito saboondanyi koek kiit ne kityage che chaang'.”

MATAYO 8:20

Ak ki leenji Jeso, Tinyei lelwek keriingonik, ak tinyei toriitik che po parak kesonok; ago ma tinyei Weeriitap chii ole indoi metinnyi.

MARIKO 6:3

Tos ma musogindet niito, weeriitap Maria, ne tupcho ak Jakobo, Joses, Judah, ak Simion? Tos ma mi kobootech eng' olinyo chepkametisyekyik?” Ak kinyoor kanagutyet eng' ineendet.

LUKA 16:11

Uu nooto anyun, ngo ki ma oegu che kiyani eng' mogornatosyek che ma po imanda, ko ng'oo ne tos iyanak eng' mogornatosyek che po imanda?

LUKA 2:7

Ak ki sich weeriinnyi ne po tai; ak kolaakyi ngoroigap lakwandit, ak komogonji kaptugut, amu ki ma komi poroindo eng' kootap toek.

LUKA 8:3

ak Joana osotyotap Kusa kiboityotap Herod, ak Susannah, ak kobogorisyek alak che chaang', che kiboisyechin ineendet eng' tuguukwak.

LUKA 9:58

Koleenji Jeso ineendet, Tineyi lelwek keriingonik, ak kotinyei toriitik che po parak kesonok; ago ma tinyei Weeriitap chii ole indoi metinnyi.

JOHANA 1:10

Ki mi ng'wony ineendet, ak ki kiyai ng'wony eng' ineendet, ak ki ma nai `ng'wony ineendet.

JOHANA 1:14

Ak ki ek Ng'olyoot poorto ak komeny kwenunnyo (ak ki kigeer toroornatennyi, toroornatet ne uu ne po ne ki kisich ineegei kobunu Kwanda), ko nyiitaat myeeindo ak imanit.

JOHANA 1:17

Amu ki kigoon ng'atuutyet eng' Musa; konyo myeeindo ak imanit eng' Jeso Kristo.

JOHANA 12:30

Kowolji Jeso koleenji, “Kama nyo kutini agobo anee, ago agobo okweek.

JOHANA 16:15

Chechuuk tuguuk tugul che tinyei Kwanda: nooto kaamwa, ale, namei chechuuk, ak koboorwok.”

JOHANA 17:19

Ak atabaanige agobo icheek si kobiit kitabaan icheek eng' imanit.

ROMANIK 11:12

Ngot koegu kabutennywa mogornatosyegap ng'wony, ak koek luseennywa mogornatosyegap Pororyosyek; kosiirei ne tya anyun nyiennywa?

ROMANIK 15:3

Amu ki ma ibaibaigei Kristo ineegei; ago ko uu ye ki kisir keele, kogoityo agane churisyetap icheeget che kichurin.

ROMANIK 5:8

Ago iboorwech acheek Kamuktaindet chamyennyi, amu ye kita ko ki kiptengeginik, kome Kristo agobo acheek.

ROMANIK 8:32

Ineendet ne ki ma riiree Weeriinnyi, ago kigon ineendet agobo acheek tugul, tos ma koonech tuguuk tugul eng' aiyebindo kobooto ineendet?

1 KORINTOEK 1:4

Amwachini Kamuktaindet nenyu kongoi kotugul agobo okweek, amu myeeindap Kamuktaindet ne ki kigoonok eng' Kristo Jeso;

1 KORINTOEK 15:47

Chiito ne po tai ko po ng'wony, po ng'ung'unyek; chiito ne po aeng' ko po kipsengwet.

2 KORINTOEK 13:14

Ingotebi ak okweek tugul myeeindap Kiptaiyat Jeso Kristo, ak chamyetap Kamuktaindet, ak yamdaetap Kabuuset ne Tiliil.

2 KORINTOEK 6:10

ko uu che aragendos, ago che poiboi kotugul; ko uu che ponondos, ago imogornoni che chaang'; ko uu che ma tinyei kiy, ago tinyei tuguuk tugul.

EPESOEK 2:7

si kobiit kobarta eng' kenyiisyek che pwoonei mogornatosyek che siirtoot che po myeeindonyi eng' talasyet ne tokyineigei eng' Kristo Jeso:

EPESOEK 3:19

ak onai chamyetap Kristo ne siirei naet, si kobiit kinyiitak nyiyet tugul ne po Kamuktaindet.

EPESOEK 3:8

Ki kigoono myeini, anee, ne aa ming'in kosiir ineendet ne ming'in eng' che tiliileen tugul: aamji Pororyosyek mogornatosyegap Kristo che ma isiagaksei;

KOLOSAIK 1:24

Abaibai anyun nguno eng' nyalilwogikyuk agobo okweek, ak anyiiti eng' komostanyu nooto ne rarunoot agobo nyalilwogigap Kristo eng' poortanyu agobo poortanyi, nooto kaniset;

1 TIMOTEO 6:18

ile koyai ne myee, si kobiit koek mogoreek eng' poisyonik che myach, si kochobogis kogoito, koyomogei ak alak;

HEBRANIK 1:2

ko ne kagong'alaalwech eng' peetuusyechu po let eng' Weeriinnyi, ne kigonde koek ne namei tuguuk tugul, ak ki yai ineendet ng'wony agine eng' ineendet;

JAKOBO 2:5

Ogaso, tupchosyekyuk ak ko chamanikyuk; tos ki ma lewen Kamuktaindet che ponondos eng' ng'wony koek mogoreek eng' kayaneet, ak koek che nyooru laitornatet ne ki koarorchi icheek che chamei ineendet?

NG'ANG'UTYET 2:9

“Angen nyalildang'ung' ak panandang'ung' nganda ii mogoryo. Angen chombilisyetap icheek che mwaei kole ki Yahudik, nga icheek ko sinagogitap Setani.

NG'ANG'UTYET 21:7

Ineendet ne iterteeri konamei tuguuchu; ak aegu Kamuktaindet nenyi, ak koek ineendet weeriinnyu.

NG'ANG'UTYET 3:18

Atigoonin anyun ale ialena thahabu ne ki kitiliile maat, si iegu mogoryot; ak ngoroik che leelach, si ilaaige, si ma took kalilanetap aach ngoring'ung'; ak kerichegap koonyek che iilee konyeguk si igeerte.