2 KORINTOEK 7:5 - BUKUIT NE TILIIL Sireet ne Dutero Kanon

⁵ Amu agot ye ki ngeitu Makedonia, koma nyoor poorwekyok kamuung'et, ago ki kinyalilech eng' komosta age tugul; kimi saang' pooryosyek, ak ki mi oriit kaiyweisyosyek.

Bukuit Ne Tilil

⁵ Amu agot ye ki ngeitu Makedonia, koma nyoor poorwekyok kamuung'et, ago ki kinyalilech eng' komosta age tugul; kimi saang' pooryosyek, ak ki mi oriit kaiyweisyosyek.

BUKUIT NE TILIL

⁵ Amu agot ye kingeitu Makedonia, ko manyor borwekyok kamuung’et, ago kiginyalilech eng’ komosta age tugul; kimi sang’ boriosiek, ak kimi orit kaiyweisiosiek.

2 KORINTOEK 7:5 Referencias Cruzadas

TAUNET 8:9

Ki ma nyoor cheptuget ole namei ak komung'ee amu kita komi peek emet komugul, koit koweekyigei Noah eng' moinget. Ki iyogoito Noah anyun eunnyi si konam konyo moinget oriit.

Kitabuutap JOB 18:11

Igoochin kamuisosyek ineendet koiyweis eng' komosta age tugul, ak koonat ineendet kot koriich.

ISAIAH 33:12

Kergeitu piik ak taartaarik che kibeelei, ko uu katok che kiluuli, che kibeelei eng' ma.”

JEREMIA 20:10

Amu koagas kateweerisyetap che chaang', kamuiset eng' komosta age tugul. Mwaei choronokyuk tugul che achame, che machei kotaama, kole, omwaite, si kemwaite ineendet; tamangap kigaigai, si kiterteer ineendet ak kiyaaktochinegei mugetuut.

JEREMIA 45:3

Ki imwa ile, pwo eng' anee! Amu kagotesyi Kamuktaindet ne Toroor arageneet ng'wanindanyu; kaang'et amu tigenoikyuk, amanyooru kamuung'et.

JEREMIA 6:25

Ma kimuuchi kemandee keebe mbar, anan kebendate eng' ooreet; amu mi rotwetap chok ne po puunyoot, ak kamuiset eng' komosta age tugul.”

JEREMIA 8:18

Kata myee agaigaige si ma kase arageneet, tanui muguleldanyu.

POISYONIGAP CHE KIYOKTOI 20:1

Ak kingo pata polateet, ko kagoyookto Paulo kasubik kobwa ak kogimit icheek, koyomiskei, si kwo Makedonia.

ROMANIK 15:26

Amu ki cham miising' Makedonia ak Akaia kobasyi tugun piik che ponondos eng' kwenutap che tiliileen che mi Jerusalem.

1 KORINTOEK 15:31

Abaoryani eng' kalasunonooto mi eng' okweek, che kitupche, ne atinye eng' Kristo Jeso Kiptaiyandennyo ale, amee peetuut age tugul.

1 KORINTOEK 16:5

Ago anyonjinok, ye kaabunote Makedonia; amu abunoti Makedonia;

2 KORINTOEK 2:13

ki ma nyooru kamuung'et eng' saboondanyu, amu ki ma anyooru Tito ne kitupche. Ara ki amwachi icheek saisere ak atestai awe Makedonia.

2 KORINTOEK 2:3

Ak ki asirwak ng'olyoondoniito, si ma ye anyoo, koma tinye arageneet eng' icheek che kanyoolja agasegei; atinye kamang'unet eng' okweek tugul, ale poiboiyennyu ko neng'wong' okweek tugul.

2 KORINTOEK 2:9

Amu ki asir agobo ng'olyoondoniito, ale anaak komyee ngo kase iit eng' tuguuk tugul.

GALATYEK 4:11

Aiyweisyei agobo okweek, si ma egu ne ki abirtegei puch eng' oor age tugul agobo okweek.

NG'ATUTIK 32:25

Eng' ole po saang', korebisyei rotwetap chok, ak eng' ko, kobiitu kamuiset; Parei muren ak pergeiyat, Ne chuchuni ak chiito ne po kalwalek.”

1 THESSALONIKEK 3:5

Amu ng'olyoondoniito ye ki mata amuuch amuita, ayoogu kuut si kobiit anai kayaneng'wong', ale tama kogoyomak yoomindet, ak koek puch poisyennyo ne uui.