2 KORINTOEK 7:1 - BUKUIT NE TILIIL Sireet ne Dutero Kanon

¹ Amu ki tinyei arorutichu anyun, chamanichu, ongitiliilgei, keiste simdo tugul ne po poorto ak ne po saboondo si keityi tiliilindo eng' kaiyweisyetap Kamuktaindet.

Bukuit Ne Tilil

¹ Amu ki tinyei arorutichu anyun, chamanichu, ongitiliilgei, keiste simdo tugul ne po poorto ak ne po saboondo si keityi tiliilindo eng' kaiyweisyetap Kamuktaindet.

BUKUIT NE TILIL

¹ Amu kitinye arorutichu anyun, chamanichu, ongitililge, keiste simdo tugul ne bo borto ak ne bo tamirmiriet, si keityi tililindo eng’ kaiyweisietab Jehovah.

2 KORINTOEK 7:1 Referencias Cruzadas

2 ATEPTAP PEETUUSYEK 19:9

Ki ng'at icheek koleenji: “Oyai ko uu niito eng' kaiyweisyet ne oiywei Kamuktaindet ne Toroor, eng' imanda ak eng' muguleldo ne ititaat.

TIENWOGIKAL 119:9

Itiliile nee mureno ooreennyi? Kogas iit, ko uu ng'olyoondeng'ung'.

TIENWOGIKAL 19:9

Tiliil kaiyweisyet ne kiywei Kamuktaindet ne Toroor, ak kotebyei koigeny. Po iman kirwoogutigap Kamuktaindet ne Toroor, ak tinyei imanda tugul.

TIENWOGIKAL 51:10

Yaiywo muguleldo ne tiliil, ee Kamuktaindet; ak iyai saboondanyu koleelit ak iywokyi eng' oriit.

KALEWANAIK 16:6

Ki undoi yaityet eng' rireenet ak iman, ak istoegei piik yaityet ye iywei Kamuktaindet ne Toroor.

KALEWANAIK 20:9

Ng'oo ne imuuchi komwa kole, “Kaatiliil muguleldanyu, aa tiliil, ma atinye tengek?”

KALEWANAIK 30:12

Miitei ibinda ne iitigei kole tiliil, ago tomo ki uun eng' simdanywa.

KALEWANAIK 8:13

Kaiyweisyet ne kiywei Kamuktaindet ne Toroor ko kewech yaityo. Aweche menoteet, kaeetetapkei ak ooreet ne ya, ak kutit ne imaasat.

AMDOINDET 11:10

Iste anyun arageneet eng' muguleldang'ung', ak iste yaityet eng' poortang'ung'. Amu puch peetuusyegap ming'inateng'ung' ak che po nerateeng'ung'.

ISAIAH 1:16

Ounge, otiliilgei; oiste yaityetap poisyonikwok eng' tainnyu; osisye, amatata oyai yaityet,

ISAIAH 55:7

ingometo kiptengekyot ooreennyi, ak ingometo ineendet ne ma po iman, kabwaatutikyik: ak ingoweekyigei Kamuktaindet ne Toroor, si koriiree; ak ingoweekyigei Kamuktaindennyo, amu nyochin kaat iman.

JEREMIA 13:27

Ki ageer tuguuguk che kiwechei, ibeetapkei neng'ung' ak kateeng'ung' ne po mageet, tengektap kugoinateng'ung' eng' tuloonook che mi kewanin. Pwo eng' inyee, ee Jerusalem! Memache itiliiliitu, yaaksei niito kot kotyanit?

JEREMIA 4:14

Ee Jerusalem, iunde tengekto eng' muguleldang'ung', si kesaruun. Teben oriing'ung' kot kotyanit kabwaatutiguk che yaacheen?

ATEPTAP LAWIK 13:58

Ago ngo kogobagaakta koroito ngoryeet, ngo ne po usiisyek che ki kitoor anan che ki kimur, anan kiy age tugul ne po magateet ne imwete, kemwet anyun ne po aeng', ak ko tiliilit.”

MATAYO 12:33

“Oyai keetit komyeeit, ak myagitu logoekyik, anan oyai keetit koyait, ak yagitu logoekyik, amu kinae keetit logoekyik.

MATAYO 5:48

Nooto anyun, oegu okweek che igesunotkei ko uu ye igesunotkei Kwandang'wong' ne po kipsengwet.

MATAYO 5:8

Poiboen che tiliileen mugulelwek, amu tuun keerei Kamuktaindet.

POISYONIGAP CHE KIYOKTOI 9:31

Konyoor anyun kamuung'et kaniset eng' emet komugul ne po Judea, Galilaya ak Samaria ak koteegak. Ak ye kibendoti eng' kayweetap Kiptaiyat ak eng' kagaigaet ne po Kabuuset ne Tiliil, kotesak.

ROMANIK 5:20

Ak ki nyo Ng'atuutyet, si kobiit kotesak pistoet; ago ye kitesak tengekto, ko kitesak myeeindo miising' kosiir:

1 KORINTOEK 6:20

amu ki kialenak kamanuutyet: otoroor Kamuktaindet anyun eng' poorwekwok.

2 KORINTOEK 1:20

Amu agot ngo tya arorutigap Kamuktaindet, eng' ineendet ko wei: ak kogeny eng' ineendet ko Amen, agoi toroornatetap Kamuktaindet eng' acheek.

EPESOEK 2:3

che ki kimenye agot acheek tugul kwenunnywa eng' maguutik che yaach che po poorto, keyae maguutik che po poorto ak che po kabwaatutik, ak ki kilagogap nereeknateet, eng' sigeet, ko uu alak:

1 THESSALONIKEK 3:13

si kobiit kogimit mugulelwekwok ko motinye kiy ne kimuuchi kirwoogunenok eng' tiliilindo eng' taitap Kamuktaindet nenyo ak ko Kwandanyo, eng' nyonunetap Kiptaiyandennyo Jeso kobooto chechiik che tiliileen tugul.

1 THESSALONIKEK 4:7

Amu ki ma kuurchech Kamuktaindet simdo, ago eng' tiliilindo.

1 THESSALONIKEK 5:23

Ak ingotabaanak eng' katabaanet ne nyiitaat Kamuktaindet ne po kaalyeet; ak ingoriiboogis komyee mugulelwekwok ak saboonwekwok ak poorwekwok, ko motinye kiy ne kimuuchi kirwoogunenok eng' nyonunetap Kiptaiyandennyo Jeso Kristo.

HEBRANIK 12:23

ak tuiyetap piik tugul ak kaniset ne po che po tai eng' sigeet che kigesir eng' kipsengwet, ak Kamuktaindet kirwoogindetap tugul, ak saboonwek che po piigap imanda che ki kiyai koek che ititaatiin,

HEBRANIK 12:28

Nooto anyun, amu kinyooru laitornatet ne ma kimuuchi kitumdum, ko ongeegu che tinyei myeeindo, ne kimuuchi keyae poisyet ne iboiboi Kamuktaindet miising', eng' teegisto ak kayweet:

HEBRANIK 4:1

Ongiywei anyun yo ta komi arorutyet ne keite kamuung'ennyi, si ma leen chii age tugul eng' okweek, mata anyooru.

HEBRANIK 6:9

Ago chamanichu, kiyani eng' okweek tuguuk che myachen kosiir chooto, ak tuguuk che namegei ak yetunet, agot ngemwae ko uu nooto:

JAKOBO 4:8

Oriikyi Kamuktaindet, si koriikyok. Oun eunekwok, okweek kiptengeginik; ak otiliil mugulelwekwok, okweek che oo po kabwaatutik aeng'.

1 PETERO 1:15

ago ko uu ye tiliil ineendet ne kiguurok, oegu che tiliileen ak okweek eng' atebosyek tugul;

1 PETERO 1:17

Ak ngot oguure ineendet oleen Kwanda, ne irwoochi ko uu ole teptoi poisyetap chii age tugul, ama eng' tiytiyet, obendoti eng' kaiyweisyet eng' peetuusyekwok che omi ko oo toek:

1 PETERO 1:22

Amu ki otiliil saboonwekwok eng' kasetap iit ne ogase iit imanit kot koit chamyetap tupchosyek ne ma tinyei keniisyet, ochamye, okweegei eng' mugulelwekwok eng' kagiiletapkei:

1 PETERO 2:11

Chamanichu, asoomok ko uu ye oo toek ak ko oo kiprutoinik, ale oistoegei maguutik che po poorto, che poortos ak saboondo;

1 PETERO 5:10

Ak ingochobok, ak kolumdak, ak kogimitok Kamuktaindet ne po myeeindo tugul, ne kiguurchok liilindanyi ne po koigeny eng' Kristo, ko kaonyalilse eng' peetuusyek che matya.

1 JOHANA 1:7

ago ngot kebendote lapkeiyet, ko uu ye mi ineendet eng' lapkeiyet, keting'egei yamdaet, ak kotiliilech korotiigap Jeso Weeriinnyi eng' tengekwogikyok tugul.

1 JOHANA 1:9

Ngot keng'aanye tengekwogikyok, koyanaat ak ko po imanda konyoiywech kaat tengekwogikyok, ak kotiliilech eng' kiy tugul ne ma po imanda.

1 JOHANA 3:3

Ak chii age tugul ne tinyei kamang'unoni agobo ineendet kotiliilegei, ko uu ye tiliil ineendet.