2 ATEPTAP PEETUUSYEK 7:3 - BUKUIT NE TILIIL Sireet ne Dutero Kanon

³ Ye kigeerei lagok tugul che po Israel kochoorugei maat ak kotebee liilindap Kamuktaindet ne Toroor paragutap koot, ak ki ing'uruugis icheek kot koit ng'wony togoochikwak eng' ye ki kitetyi koik, ak kolas ak komwachi kongoi Kamuktaindet ne Toroor kole, “Amu myee ineendet, amu po koigeny rireenennyi.”

Bukuit Ne Tilil

³ Ye kigeerei lagok tugul che po Israel kochoorugei maat ak kotebee liilindap Kamuktaindet ne Toroor paragutap koot, ak ki ing'uruugis icheek kot koit ng'wony togoochikwak eng' ye ki kitetyi koik, ak kolas ak komwachi kongoi Kamuktaindet ne Toroor kole, “Amu myee ineendet, amu po koigeny rireenennyi.”

BUKUIT NE TILIL

³ Ak kigeerei lagok tugul che bo Israel ye kichorugei mat, ak kitebe lilindab Jehovah baragutab got; ak kiing’urugis kot koit ng’ony togochikwak, eng’ ye kigitetyi koik, ak kolos, ak komwachi kongoi Jehovah, kole, Amu mie inendet; amu bo koigeny rirenennyi.

2 ATEPTAP PEETUUSYEK 7:3 Referencias Cruzadas

1 LAITORINIK 18:39

Kingo keer piik tugul, kobutyi ng'wony ak kole, “Kamuktaindet ne Toroor ko Kamuktaindet; Kamuktaindet ne Toroor ko Kamuktaindet!”

1 ATEPTAP PEETUUSYEK 16:34

Oweekyi Kamuktaindet ne Toroor kongoi, amu myee ineendet; amu tebyei rireenennyi koigeny.

1 ATEPTAP PEETUUSYEK 16:41

Ki mi kobooto icheek Herman ak Jeduthun ak che kiga ng'et tugul che ki kilewen, che ki kimwa eng' kainaikwak, koweekyi kongoi Kamuktaindet ne Toroor, “Amu tebyei rireenennyi koigeny.”

1 ATEPTAP PEETUUSYEK 29:20

Yeityo koleenji `Daudi tuiyet tugul, “Olasu Kamuktaindet ne Toroor Kamuktaindeng'wong'.” Ak ki ilas tuiyet komugul Kamuktaindet ne Toroor, Kamuktaindetap kwanisyekwak, ki ing'uruuk ak kogutung'ji Kamuktaindet ne Toroor, ak laitoryat.

2 ATEPTAP PEETUUSYEK 20:18

Ki ing'uruuk anyun Jehoshaphat kot kotiiny togeet ng'wony, ak kap Judah tugul ak piigap Jerusalem ak ki ibutyi taitap Kamuktaindet ne Toroor ak kolas Kamuktaindet ne Toroor.

2 ATEPTAP PEETUUSYEK 20:21

Kingo kagong'alaal ak piik, kolewen che tyenjin Kamuktaindet ne Toroor, ak kolasu ineendet eng' karaaranindap tiliilindo, komandoi kondoe lugeet, koleen, “Oweekyi Kamuktaindet ne Toroor kongoi, amu po koigeny rireenennyi.”

2 ATEPTAP PEETUUSYEK 29:28

Ki ing'uruukso tuiyet tugul, ak kotyenso tyeniik, ak koguut iryagook piik che kuutei; ki yai ko uu nooto agoi kogeskei kagoochinet ne ki kibeelei.

2 ATEPTAP PEETUUSYEK 29:29

Kingo kagogees kagoitoet tugul, kong'uruuk laitoryat kobooto tugul che ki mi ak ineendet ak kolas.

2 ATEPTAP PEETUUSYEK 29:30

Ki ng'at kogeny `Laitoryat Hezekiah ak `pounik, Lawiik kotyenji Kamuktaindet ne Toroor kalasunoik eng' ng'aleegap Daudi ak che po Asaph keerindet. Ara kityen kalasunoik eng' kagasetapkei, ak ki ing'uruukso ak kolas.

2 ATEPTAP PEETUUSYEK 5:13

Ki iyomogei piik che kuutei iryagook ak tyeniik kibagenge, ak kotyen ko uu cheet agenge, kolas Kamuktaindet ne Toroor ak komwachin kongoi. Kityenso icheek eng' kutit ne oo kobooto iryagook, sanisyegap sugunonik ak tuguuk alak che kityene, kolasu Kamuktaindet ne Toroor ak kotyeni koleen: “Amu myee ineendet; po koigeny rireenennyi.” Eng' yooto anyun, koginyi kootap Kamuktaindet ne Toroor pooldet,

EZRAH 3:11

Kiwoljingei kotyeni kolasu ak komwachin kongoi Kamuktaindet ne Toroor koleen, “Amu myee ineendet, amu po koigeny rireenennyi eng' Israel.” Ak ki waakyo piik tugul eng' waagaat ne oo ye ki ilasu Kamuktaindet ne Toroor, amu kiga kelumda lumeiywotap kootap Kamuktaindet ne Toroor.

TIENWOGIKAL 100:5

Amu myee Kamuktaindet ne Toroor; tebyei rireenennyi koigeny, ak imandanyi eng' ibinwek tugul.

TIENWOGIKAL 103:17

Ago tebyei rireenetap Kamuktaindet ne Toroor koigeny ak koigeny eng' icheek che iywei ineendet, ak imandanyi eng' lagogap lagok,

TIENWOGIKAL 106:1

Olasu Kamuktaindet ne Toroor! Ee, oweekyi Kamuktaindet ne Toroor kongoi; amu myee ineendet; amu tebyei rireenennyi koigeny.

TIENWOGIKAL 107:1

Oweekyi Kamuktaindet ne Toroor kongoi; amu myee ineendet: Amu tebyei rireenennyi koigeny.

TIENWOGIKAL 118:1

Omwachi Kamuktaindet ne Toroor kongoi; amu myee ineendet; amu tebyei rireenennyi koigeny.

TIENWOGIKAL 95:6

Obwa kilasu, ak king'uruukyi; Ongegutung'se eng' taitap Kamuktaindet ne Toroor Yaindennyo:

KOMONG'U 4:31

ak ki iyan piik. Ak ye kingo kas kole kagonyonji `Kamuktaindet ne Toroor piigap Israel, ak kogogeer nyalilwogikwak, kong'uruukso kosa anyun.

ISAIAH 63:7

Amwaitoi chamyet ne tala ne po Kamuktaindet ne Toroor, ak kalasunoigap Kamuktaindet ne Toroor, ko uu tugul che ki kogoonech Kamuktaindet ne Toroor; ak myeeindo ne oo eng' kootap Israel, ne Ki kogoochi icheek ko uu rireenosyekyik, ak ko uu chaang'indap chamyennyi ne tala.

JEREMIA 33:11

kigasei tuugeetap poiboiyet ak ne po kagasetapkei, ne po sandet ak ne po murereet, tuugeetap icheek che mwaei kole, oweekyi kongoi Kamuktaindet ne Toroor ne po lugoosyek, amu myee Kamuktaindet ne Toroor, amu tebyei koigeny rireenennyi: ak tuugeetap che igoitoi korosegap kongoi kobwa kootap Kamuktaindet ne Toroor. Amu agoochini koweek piigap emet che kigeluul, ko uu eng' tai, mwaei Kamuktaindet ne Toroor.

ATEPTAP LAWIK 9:24

Ak ki mong' maat kobunu taitap Kamuktaindet ne Toroor, ak kobeel kagoochinet ne kibeelei ak mwanik eng' kaptisisyet. Ye kingo keer piik tugul, kowokyo eng' poiboiyet, ak kobutyo kot kotiiny togoochikwak ng'wony.

KAITOSYEK 14:5

Ki ing'uruukso anyun Musa ak Aron kot kotiiny togoochikwak ng'wony eng' taitap piik tugul che po tuiyet komugul ne po piigap Israel.

KAITOSYEK 16:22

Ago ki ing'uruukso icheek kot kotiiny togoochikwak ng'wony ak kole, “Ee Kamuktaindet, Kamuktaindet ne po saboonwegap piik tugul, tos inereekyini tuiyet komugul ngo yai chiito agenge tengekto?”

LUKA 1:50

Tebyei rireenennyi eng' ibinda agoi ibinda eng' icheeget che konyiti ineendet.